Jeremías 8:16 - Tayta Diosninchi Isquirbichishan

¹⁶ ¡Contranchïcuna aywarcaycämunnami! ¡Cawalluncunapa jämayninpis Danpita-pachami wiyacaycämun! Cawalluncuna wagaptin llapan jircami sicsicyan. Paycunaga aywarcaycämun nasyuncho cajta illgächinanpämi. Siudätapis juchuchengami. Chaycho tiyajcunatapis wañuchengami.›

Jeremías 8:16 Referans Kwoze

Jueces 18:29

Ñaupa caj jutin Lais casha captinpis paycunaga Dan niran, unay caj awilunpa chay jutin casha captin. Danga caran Jacobpa wamranmi.

Jueces 5:22

«Sisarapa cawalluncunaga maquitapis chojparcur chojparcurmi gueshpir aywacusha. Shilluncunapis pututuyllami wiyacasha.

1 Corintios 10:28

Pipis «chay aychataga ïdulupämi churasha» nishuptiqui ichanga ama micunquichu. Ama micunquichu chay willashoj runa-raycu. Man'chäga chay runa llutantami yarpanga.

1 Corintios 10:26

Cay pachacho cäga llapanpis Tayta Diosninchi camashallanmi caycan.

Habacuc 3:10

Ricärishushpayquega puntacunapis sicsicyanmi. Janajpitapis löcu tamyami tamyamun. Chaymi may-may lamarpis gaparan. Wayra apashan pullchajyajnincunapis altuta ichirin.

Nahúm 3:2

Sumbadurnincunata pashtachishanpis wiyacanganami. Cawallucuna pagrarayllana cörrishan, carrëtacuna aywashanpis wiyacanganami. Ruyrancuna tumarishanpis wiyacanganami.

Jeremías 47:3

Cawallucuna cörriptin chaquincuna pagraraptin, carrëtacunapis tagraraptin, ruyrancuna aywashanpis wiyacaptin, papänincunaga wamrancunata cachariycärin llapanta gueshpichinanpaj callpan ni maquinpis mana aypaptin.

Jeremías 10:25

Gamta mana yarpäshoj, mana rejsishoj nasyun runacunata castigay rabyashayqui pascacänanpäga. Chay runacunami Jacobpita mirar aywaj runacunata usharisha. Nasyun intërutami pasaypa ushacashata cachaycusha.

Jeremías 6:23

Chay runacunaga lëchanwan sablinwan camaricushallanami carcaycan. Chay runacunaga fiyumi. Manami pitapis cuyapanchu. Pillyapaj gayarparpis lamar yacu gaparajnörämi gaparpan. Llapanpis cawallun muntashallami aywarcaycämun. Jerusalén runacunawan pillyananpaj camaricushanami carcaycan.» Judá runacunaga nircaycan:

Jeremías 4:24

Puntacunata ricäriptë cuyuriycashami. Puytush lömacunapis cuyuriycällarmi juchur ushacaycasha.

Salmos 24:1

Tayta Diosllapami cay munduga, chaycho caycajcunapis llapan cawaycajcunapis.

Jueces 20:1

Chaura Israelcunaga shuntacaran Danpita-pacha Beersebacama. Galaadpitapis shuntacaran. Llapan shuntacaran Mizpaman Tayta Diospa ñaupancho parlacunanpaj. Llapanpa yarpaynin tincuran.

Job 39:20

¿Gamchu chuclusnöraj pinticachänanpaj camacächishcanqui? Cawalluga sinchi gaparar manchachicunrämi.

Jeremías 3:24

Mana sirbej ïdulucunata pengaypaj adurashpämi nogacunaga ima-aycätapis ushashcä. Chaymi wamrallaraj caycashäpita-pacha papänëcuna tarishan uyshancuna, wäcancuna, warmi ollgu wamrancunapis ushacasha.

Jeremías 5:17

Chay runacunaga llapan micuyniquicunatami ushacurcongapaj. Wamrayquicunata warmita ollgutapis wañurgärachengami. Uyshayquicunata, wäcayquicunata, übasniquicunata, ïgusniquicunatapis micucarcärengami. Pacacunayquipaj yäracushayqui siudäcunatapis pillyacunanwanmi illgächengapaj.»

Jeremías 30:5

Chay rimashanga caynömi caycan: «¡Fiyupa llaquicuywan gaparpashanmi wiyacaycan! ¡Fiyupa manchariywan wagarcaycashanmi wiyacaycan!

Jeremías 30:16

«Ichanga gamcunata ñacachishoj cajpis llapanmi ushacanga. Contrayquicunapis llapanmi prësu aywanga. Gamcunata guechushojcunataga quiquincunatapis guechunanpämi camacächishaj. Suwapäshoj cajcunataga paycunatapis suwapangami.

Jeremías 50:42

Paycunaga sablincunawan, lëchancunawanmi carcaycan. Paycunaga fiyu runacunami. Manami pitapis cuyapanchu. Pillyashpanpis gaparpan lamar yacu pullchajyar gaparajnörämi. Cawallun muntashallami aywanpis. Babiloniacunawan pillyananpäga camaricushallanami carcaycan.

Jeremías 51:29

Tayta Dios imanöpis rurananpaj nishanno llapanta camacächiptin cay pachapis sicsicyashpan chucchuytami gallaycun. Babiloniatanami fiyupa manchariypaj chunyajman ticrarachenga.

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.