Jeremías 8:10 - Tayta Diosninchi Isquirbichishan

¹⁰ Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Jeremías 8:10 Referans Kwoze

Ezequiel 33:31

Chayno ninacurmi paycunaga aywarcaycämun. Nircur ñaupayquiman jamaycärin willapashayquita wiyananpaj. Ichanga wiyaycarpis manami wiyashantano ruranchu. Shimillanwanmi nogapaj allita riman. Shongunchöga yarparaycan mana allita ruraypa gänayllatami.

Tito 1:11

Waquin ermänucunataga maynami llapan castancunatawan engañasha. Imatapis säcanan-cashallami llutanta yachaycächin. Chaymi paycunataga ama dëjaychu llutanta yachachinanta.

Sofonías 1:13

Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»

Amós 5:11

Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

Isaías 28:7

Cananga cüracunawan profëtacunapis machächicojcunata achcata upucurcushpanmi tuni-tuni purircaycan. Tayta Dios willapaycashan örapis tuniycacharcaycan. Dimandacojcunatapis machashami arriglaycan.

Tito 1:7

Chaynöpis mayur ermänucunaga canman pï-maypitapis mana jamurpasha. Ama canmanchu alli-tucoj, rabyaj, upyaj, pillyata ashej, yargaj.

Miqueas 3:11

Autoridäcunapis runacuna pacayllapa pägashan cajta alli arriglan. Cüracunapis guellayllapämi yachaycächin. Profëtacunapis guellayllapämi willacuycan. Chayno ruraycarpis «Tayta Diosmi yanapaycäman» nir riguichin. «Tayta Diosga noganchïwanmi caycan. Ima mana allipis manami chayamäshunchu» nin.

Miqueas 3:5

Chayno caj profëtacunata Tayta Diosga nin: «Israelcunaga manami alli cajta ruranchu. Chaynöga caycan profëtacuna llullapaptinmi. Chay profëtacunaga pipis micuyta garaycoj cajta ‹allillami goyanquipaj› nin. Micuyta mana garaj cajtanami ichanga ‹Mana allimi goyanquipaj› nin.

Lamentaciones 4:13

Chaynöga llapanpis casha profëtacuna juchata rurashanpitami, cüracuna fiyupa mana allita rurashanpitami. Paycunaga jinan siudächömi alli runacunata wañuchishpan yawarninta mashtaran.

Jeremías 32:32

Chaynöga rurashaj llapan mana allita rurashpan rabyachimashanpitami. Rabyachimaran Israelcuna, Judäcuna, raynincuna, mandaj autoridänincuna, cürancuna, profëtancuna, Judächo tiyajcuna, Jerusalencho tiyajcunapis.

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Job 31:10

warmëpis jucpa warmin cachun, jäpa runacunapis paywan cacuchun.

Isaías 57:17

Israelcuna juchata rurashanpitami juc timpu rabyasha caycarä. Chaynöpami paycunataga castigarcur cachaycurä. Chaura paycunaga quiquincuna munashannöna goyaran.

Jeremías 14:18

Jircacunapa aywar ricä guërrawan wañusha yänin jitarpaycajta. Siudäman yaycushpäna tarë yargaypita wañurcaycajta. Profëtacunapis cüracunapis imanir chayno päsashantapis tantiyayta mana atiparmi puricacharcaycan.› »

Jeremías 17:11

Engañayllapa rïcuyaj runaga caycan chacwa jucpa runtunta ogllajnömi. Mana yarpashapitami llapan riquësancuna cachayconga. Chaura ushanantaga pasaypa pobrimi ricaconga.

Jeremías 22:17

Gam ichanga yarpachacuycanqui mana allita ruraypa imatapis charayllata. Juchaynaj runacunata wañuchinqui. Marca-masiquicunatapis amatar ñacachinqui; ima-aycantapis guechunqui.»

Jeremías 38:22

Judäpa rayninpa palasyuncho quëdaj warmicunata ushajpämi jorgonga. Nircur chay warmicunataga Babiloniapa rayninpa mandaj suldäruncunatami goycongapaj. Chaura quiquin warmicunami cayno rimanga: « ‹Cuyanacushayqui amïguyquicunami llullapaycusha-cashunqui; binsisha-cashunqui. Amïguyquicunaga cachaycushurayquimi. Chaymi cananga cuyuycaj mituman jaticaycanqui› nir.»

Jeremías 42:1

Careapa wamran Johanán, suldärucunapa llapan mandajnincuna, Osaiaspa wamran Azarías, llapan runacuna tacshapis jatunpis juntapaycuran

Miqueas 2:4

Chayno ñacaycho goyashan junajcunami paycunataga asipanga. Asiparmi cayno nengapaj: ‹Pasaypa ushacashami quëdasha. Ñaupataga Tayta Diospaj acrasha runacunami caran. Cananga jucpa maquinchönami caycan. Suldärunchïcunami binsiycur charicarcärisha. Chaymi chacrancunatapis raquipänacushcanchi› nir.»

Habacuc 1:6

Caldea runacunatami camaricachej-aywä guërraman aywananpaj. Paycunaga fiyu runacunami. Juc nasyuncunata charicarcärinanpaj may-chaypapis purin.

Jeremías 14:14

Chaura Tayta Dios nimaran: «Nogapa jutëcho chayno nishpan chay profëtacunaga llullacurcaycanmi. Chay runacunataga manami cachashcächu. Manami imatapis nishcächu; manami willapashcäpischu. Yarpayninpita jorgurcullarmi ‹ricachimasha› nir willacuycan. Chayno llullacuyllapami chay profëtacunaga runacunata willaparcaycan.