Jeremías 6:11 - Tayta Diosninchi Isquirbichishan

¹¹ Nogapis Tayta Dios rabyashanta willacunäpämi caycä. Chaytaga manami amuräcömanchu.» Chaymi Tayta Dios nimaran: «Rabyasha caycashätaga willay cällicho caycaj wamracunata, röpanpa puriycaj mösucunata. Runacunataga prësumi apacongapaj warmintawan-cama, auquincunatapis mana cuyapaypa.

Jeremías 6:11 Referans Kwoze

Jeremías 20:9

«Tayta Diosta amana yarpashänachu. Paypa jutinchöpis mananami parlashänachu» nir yarpaptëga willacunäpaj nimashayqui cuerpöcho nina imatapis rupaycajnörämi ricacun, tullöcamaraj chayarinpis. Upälla cacuyta munarpis manami upälla cacuytaga camäpacöchu.

Jeremías 9:21

«Wasinchïcunaman wañuymi chayamusha. Palasyunchïcunamanpis chayasha. Wamranchïcunata cällicunacho wañuchin; mösucunatana läsacunacho.

Miqueas 3:8

Nogatami ichanga Tayta Diospa Espiritun yanapäman callpayoj canäpaj, alli cajllata ruranäpaj, balurchanäpaj. Chaynöpami Israelcunataga mana wiyacoj cashanta, juchayoj cashanta niycä.

Apocalipsis 16:1

Chaypitanami wiyarä syëlucho caycaj Templupita ganchis anjilcunaman cayno gayacuycajta: «Ayway chararashayqui bäsupita Diospa castïgunta runacuna tiyashan pachaman tacshiramuy.»

Hechos 18:5

Macedonia probinsyapita Silaswan Timoteo chayaptinna Pabloga aruyninta cachaycur alli willacuyta willacullarna puriran. Israelcunata willaparan Jesusga Tayta Dios cachamushan Cristo cashanta.

Hechos 17:16

Atenascho Silastawan Timoteota shuyar Pabloga ricapacur puriran. Aypalla ïdulucunata ricar fiyupa llaquicuran.

Hechos 4:20

Ricashätaga wiyashätaga pï-maytapis willapäshämi. Manami upällacushächu.»

Lucas 17:34

«Caynömi noga në: chay chacay juc cämallacho ishcaj puñuycajtaga jucajta pushaconga; jucajtami cachayconga.

Ezequiel 3:14

Tayta Diospa Espiritun jogarimar chaypita apacamaran. Noganami aywacurä fiyupa llaquisha, rabyasha. Ichanga Tayta Diosmi sumaj charisha apaycämaran.

Jeremías 18:21

Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Jeremías 7:20

Chaymi fiyupa rabyasha caycashä päsananpaj caycho tiyarcaycaj runacunata castigaj-aywä. Castïgu chayanga llapan uywancunaman, llapan yöracunaman, llapan micuynincunamanpis. Chaynöpami rabyashäga cangapaj nina ratarir mana upejno.»

Isaías 40:30

Mösucunapis uticar bëtanrämi. Mas sinchi callpayojcunapis tacacar tuninrämi.

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Jeremías 15:17

Manami fistan-fistan purishcächu. Cushicuyllata yarpajcunapitapis witicushcämi. Gayamashayqui junajpita-pachami quiquillä goyäcushcä. Gamnömi jucha rurajcunapäpis fiyupa rabyä.

Lamentaciones 1:15

«Tayta Diosga yagarachisha washämaj jinyu runacunata. Paymi cachamusha magamänanpaj jäpa suldärucunatana, paycuna nogapa jinyu suldäröcunata wañuchinanpaj. Tayta Diosga llapiramasha juc runa bïnupaj übasta gapchirishannömi.

Lamentaciones 2:21

«Wamracunapis, auquincunapis cällicunachömi wañusha mashtarpaycan. Mösucunapis, jipashcunapis cuchuypami wañusha. Rabyasha caycashayqui örami wañuchishcanqui. Mana cuyapaypami wañuchishcanqui.

Ezequiel 3:3

Nircur nimaran: «Runa, cay isquirbiraycajta entregashäta sacsanayquicama micuy.» Chayno nimaptin nogaga micurä. Chaura shimëchöga abëjapa mishquinnöraj fiyupa mishquiran.

Ezequiel 24:21

Israelcunata cayno ninäpaj: ‹Caynömi Tayta Dios nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.

Jeremías 5:9

Chayno carcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman?

Jeremías 9:20

Tayta Dios nishanta sumaj wiyay warmicuna. Pay imata willapäshushayquitapis sumaj yarpay. Wamrayquicunata yachachiy wagayta. Warmi-masiquicunatapis yachachiy cayno llaquicunanpaj: