Jeremías 51:49 - Tayta Diosninchi Isquirbichishan

⁴⁹ Israelcunata wañuchishanpita, chayno waquin nasyun runacunatapis wañuchishanpitami Babiloniacho tiyarcaycajcunaga ushacanga.

Jeremías 51:49 Referans Kwoze

Jeremías 51:24

«Chaypis Judá runacuna, gamcuna ricaycaptiquimi Babilonia runacunataga ayñita cutichishaj imanöpis Sionta rurashanno. Noga Tayta Diosmi chayno në.

Jeremías 50:29

«¡Lëchawan illapay yachajcunata llapanta shuntay Babiloniaman magaj yaycupaycärinanpaj! ¡Siudä cantunpa tiyacaycäriy pipis mana gueshpinanpaj! ¡Rurashanmanno ayñita cutichiy! ¡Imanömi jucta ruraran chayno paycunatapis ruray! Paycunaga Israelcunapa Santo Tayta Diosnin caycaptëmi mana rispitamashpan rabyachimasha.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.

Mateo 7:2

Runa-masiquita jamurpar washanta rimashayquinöllami gamcunatapis Tayta Dios jusgashunquipaj. Runa-masiquita imanöpis ricashayquimannöllami Tayta Diospis ricashunquipaj.

Jeremías 51:35

¡Cananga quiquin Babiloniapis quëdachun mana allita nogata ruramashanno! ¡Nogacho tiyajcunata wañuchishanno quiquincunatapis wañuchichun!»

Jeremías 50:11

«Acrashä runacunata ima-aycatapis guechoj Babilonia runacuna, ¡cushicuy-llapa fistata ruray-llapa! ¡Alli guewacho ternëra pañajnöraj pinticachay! ¡Cawallu wagajnöraj wichyacuy!

Jueces 1:7

Chaura ray Adoni-bezec niran: «Cananga Diosmi fiyu cashäman-tupu fiyupa ñacaycächiman. Nogapis ñaupata ganchis chunca (70) raycunapa chaquinpa maquinpa maman dëduncunatami cuchuchirä. Chaura paycunaga puchupacunallata micurmi cawaj.» Ray Adoni-bezectaga aparan Jerusalenman. Chaychöna wañuran.

Apocalipsis 18:24

Chay siudä runacunami juchayoj caycan Tayta Diospa profëtancunata, yäracojcunata may-chaychöpis wañuchishanpita. Chaypitami paycunaga castigasha canga.