Jeremías 51:48 - Tayta Diosninchi Isquirbichishan

⁴⁸ Babilonia nasyunta illgächinanpaj norte caj-läpita shamuptin syëluwan allpapis, llapan ima-aycapis cushicongami. Noga Tayta Diosmi chayno në.

Jeremías 51:48 Referans Kwoze

Apocalipsis 18:20

Syëlucho cajcuna, fiyupa cushicuy. Tayta Diospa apostulnincuna, profëtancuna, llapan yäracojcunapis cushicuy. Gamcunata ñacachishushayquipitami Tayta Dios chay siudäta ushacächisha.

Isaías 44:23

¡Tayta Dios imanöpis rurashanpitaga cushicuywan gaparay ari syëlu! ¡Pacha rurincho caycajcunapis bïbar gaparpay! ¡Jircacunapis llapan munticunapis fiyupa cushicushpayqui gaparpay! ¡Cushicur gaparpay Jacobpita mirar aywaj Israelcunata salbashpan Tayta Dios fiyupa munayniyoj cashanta musyachishanpita!

Jeremías 50:3

Norte caj-lächo caycaj nasyuncunapitami Babiloniamanga juc nasyun runacuna aywaycämun. Paycuna chayamorga chunyajtami cachaycongapaj. Chaychöga runa ni animalcunapis manami tiyangapänachu. Chaycho tiyajcunaga llapanmi gueshpir aywacongapaj.»

Isaías 49:13

¡Syëlu, cushicuypita gaparay! Tayta Diosga acrashan runacunata shogashami. ¡Allpa, fiyupa cushicuy! Acrashan runacuna llaquicuycaptin Tayta Diosga cuyapashami. ¡Jircacuna, cushisha caycashayqui musyacänanpaj gaparpay!

Isaías 48:20

Caldeacho caycaj Babiloniapita llojshicuy-llapa. Gueshpir aywacuy-llapa. Llojshicunanpaj caj willapataga fiyupa cushicur gayacuyparaj willacuy. Intëruman musyachiy. Cayno willacuy «¡Tayta Diosga salbashami sirbejnin Jacobpita mirajcunata!

Jeremías 50:41

«Caru norte caj-lächo caycaj partipitami juc nasyun runacuna shamunanpaj camaricurcaycan. Paycunaga fiyupa munayniyojmi. Paycunamanga aypalla raycunami guellicushapis caycan.

Jeremías 50:9

Nogami camacächishaj norte caj-läpita munayniyoj nasyuncuna Babiloniaman chay öralla wacpita-caypita yaycapaycunanpaj. Sumaj parlacarcärir aywarmi binsenga. Paycunaga fiyupami pillyayta yachan. Lëchancunawanga jitayllan-tupumi chayachin.

Proverbios 11:10

Alli runacuna alliman chayaptenga marca intërumi cushicun. Fiyu runacuna mana alliman chayaptinpis marca intërumi cushicuywan pinticachan.

Jeremías 51:56

Babiloniata illgächej aywaycämunnami. Pillyaj suldäruncunatami prësu charenga. Pillyananpaj caycaj lëchancunatapis ushajpämi paquirgärenga. Noga Tayta Diosga cada-ünuntami imanöpis rurashanman-tupu cutichishaj.

Ezequiel 35:14

« ‹Noga Tayta Diosmi cayno në: Gamta illgächiptëga munducho cajcuna llapanmi cushiconga.