Jeremías 51:40 - Tayta Diosninchi Isquirbichishan

⁴⁰ Nircurnami uyshata, carnicunata, chïbucunatapis camalman apashanno wañuchej apashaj.

Jeremías 51:40 Referans Kwoze

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Ezequiel 39:18

Suldärucunapa aychanta miconga. Munducho mandajcunapa yawarnintana uponga, imanömi uyshapa, carnipa, chïbupa Basancho caj werannin töru-mallwacunapa yawarninta upun, chaynöraj.

Isaías 34:6

Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.

Salmos 44:22

Gamman yäracamuptëmi imay örapis wañuchiyta munarcaycäman. Pishtananpaj caycaj uyshatanömi nogacunataga ricaycäman.

Salmos 37:20

Fiyucunaga ushajpämi illgangapaj. Tayta Diosta chiquejcunaga gaushusha jachanömi rupanga. Goshtaynömi illgacäconga.

Jeremías 48:15

Chayamonganami Moabcho, siudänincunacho tiyajcuna illgänanpaj, allinnin caj mösucunapis ushajpaj wañunanpaj. Chayno cananpäga Israelcunapa raynin noga Tayta Diosmi nishcä.