Jeremías 51:38 - Tayta Diosninchi Isquirbichishan

³⁸ Babiloniacunaga liyuncuna gaparpajnömi gaparpanga. Liyun-mallwacunanörämi aullarcaycanga.

Jeremías 51:38 Referans Kwoze

Jeremías 2:15

¿Imanirtaj paycunamanga contrancuna sinchipa gaparpar liyunnöraj yaycun? Paycunapa nasyunnintaga cachaycärisha ragällatami. Llapan siudänincunatapis rupaycachishami. Chaychöga manami pipis tiyannachu.

Zacarías 11:3

Uyshërucunaga gaparayparämi wagarcaycan, cuyayllapaj guewancuna ushajpaj illgasha captin. Jordancho fiyupa juntasha caycaj jachacuna ushajpaj illgasha captinmi liyunpis wagaycan.

Isaías 35:9

Chaychöga manami tiyangachu liyuncuna. Micucoj animalcunapis manami chaymanga yaycongachu. Chay nänipaga salbacusha cajcunallami cutimonga.

Salmos 58:6

Tayta Dios, ¡quiruncunatapis amirgäriy! Tayta Dios, ¡chay liyuncunapa agärancunata paquirgäriy!

Salmos 34:10

Rïcucunapis pobriyar muchupacarga yarganmi. Tayta Diosman yäracojcunapaga manami ima-aycanpis pishengachu.

Jueces 16:20

Gayacuran «¡Sansón Filistea runacuna charishunqui!» nir. Sansonga riccharaycamur yarparan imaypis salbacushannölla salbacuyta. Ichanga mana musyaranchu Tayta Dios manana yanapashanta.

2 Samuel 17:8

Gamga musyanquimi papäniqui, yan'guincuna pillyay yachaj cashanta. Cananga wawan guechusha ösu-japuypis fiyupa rabyashami caycanga. Jinachöpis papäniquega pillyay yachacashami. Chaymi waquinwan iwalga mana puñongachu.

Isaías 5:29

Shamoj runacuna gaparashanpis wiyacaycan liyuncuna gaparashanno, gaparar micunanpaj cäsata charejno, pipis guechuyta mana puydiptin micunanpaj apacojnömi.