Jeremías 51:32 - Tayta Diosninchi Isquirbichishan

³² Runa päsacunan mayu bäducunachöpis contrancunaga juntashami carcaycan. Pacacunanpaj caj shogush juntasha cajcunatapis cañapaycärishami. Chaura suldärucunapis fiyupami mancharircaycan.

Jeremías 51:32 Referans Kwoze

Jeremías 51:30

Babilonia suldärucunaga mananami pillyayta munannachu. Pacacunallanchönami pacarpaycan. Callpanpis mananami cannachu. Warminönami carcaycan. Siudänincunamanpis contrancunami juntajpaj yagacaycärisha. Nircur wasincunatapis rupaycärachisha.

Isaías 44:27

Noga niptëga lamar yacupis chaquicäcunmanmi. Mayu aywaycashancunapis yacuynaj chaquishami ricacunman.

Isaías 47:14

Masqui ricay, chay musyaj yachajcunaga chaqui ogshanömi carcaycan. Ninaga ushajpämi rupacurconga. Chay ninapitaga manami imanöpapis salbacongachu. Chay ninaga manami ñaupanman jamaycur mashacunapaj shanshanöchu canga.

Jeremías 51:31

Jucpis-jucpis gatinayllanpa willacojcuna Babiloniapa rayninman aywan llapan siudänincunata juccunana charicarcärishanta willananpaj.

Jeremías 51:33

Israelcunapa munayniyoj Tayta Diosninmi nin: «Babiloniaga caycan rïguta ërar cawallu lluchcanan ëranömi. Paycunapäga cosëchan chayaycämunnami.»

Jeremías 52:7

Chaura runacunaga siudäpa curralninta uchcuriycäriran. Babilonia suldärucuna täparcaycaptinpis raywan siudächo carcaycaj suldärucunaga chacaypa gueshpir aywacuran. Ishcay perga caycashan chaupinpa llojshiran. Raypa wertanman näni aywajpa gueshpir aywacuran Jordán guechwaman näni aywarajpa.