Jeremías 51:3 - Tayta Diosninchi Isquirbichishan

³ Babilonia mösucunataga ama cuyapaychu. Suldäruncunata ushajpaj illgächiy. Chaynöpami lëchawan illapayta yachaj Babiloniacunapaga camaricunanpäpis timpu mana canganachu. Chapänanpaj chalëcucunata jaticunanpäpis timpun manana canganachu.

Jeremías 51:3 Referans Kwoze

Jeremías 50:14

«Babiloniacunataga intërunpa curalacaycäriy. Lëchayojcuna sumaj camacay. Nircur paycunataga lëchayquicunawan illapay. Paycunaga nogapa conträmi juchata rurasha.

Jeremías 46:4

¡Cawalluyquicunata sillacuy! ¡Muntacuyta yachajcuna muntacuy! ¡Cascuyquicunata chucucuy! ¡Nircur sumaj fïlacay! ¡Tucsicunayquicunata sumaj afilacuy! ¡Chapäshunayquipaj caj chalëcucunata jaticuy!

Jeremías 50:21

«Babiloniapa contrancuna, Merataim partiman pillyaj yaycapaycuy. Pecod particho tiyaycajcunamanpis yaycapaycuy. ¡Chay particunacho tiyajcunataga gaticachashpayqui ushajpaj wañuchiy! ¡Nishätaga llapanta cumliy! Noga Tayta Diosmi chayno në.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Jeremías 9:21

«Wasinchïcunaman wañuymi chayamusha. Palasyunchïcunamanpis chayasha. Wamranchïcunata cällicunacho wañuchin; mösucunatana läsacunacho.

Salmos 137:9

¡Tayta Dios bindisyunta gochun wamrayquicunata charircur rumicunaman apaycur pajshirejtaga!

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.

Jeremías 51:53

Babilonia runacuna syëlucama wichaptinpis chapacuna pergacunata altuta pergacurcuptinpis Nogaga contrancunata cachashämi yaycuycur ushajpaj illgächinanpaj. Noga Tayta Diosmi chayno në.