Biblia Todo Logo
Bib sou entènèt

- Piblisite -




Jeremías 51:20 - Tayta Diosninchi Isquirbichishan

20 Mastapis Tayta Dios niran: «¡Babilonia, gamga canqui pï-maytapis tacacuna cumbämi, guërracho pillyacuna armämi! Gamwanmi nasyuncunata ushashcä. Raycuna mandashantapis illgächishcä.

Gade chapit la Kopi




Jeremías 51:20
20 Referans Kwoze  

Tayta Diosga caynömi nin: «Sión runacuna, jatarcärir ërayna-llapa. Nogami yanapäshayqui fyërrupita wagrayoj, runsipita shilluyoj töruno fiyupa callpayoj canayquipaj. Chaynöpami achca nasyun runacunata lluchcar-ushanquipaj. Mana allita ruraypa tarishan cösancunatapis gamcunami guechunquipaj. Nircorga llapanpaj munayniyoj noga Tayta Diosniquitami goycamanquipaj.»


Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.


«Chaura mandäga fiyupa rabyarshi suldäruncunata cachasha. Paycunashi aywaycur wañuchisha. Nircur marcancunatapis rupachir-ushasha.


¡Cumbanöpis intëru nasyunta magaj Babilonia nasyun cananga paquicäcushami! ¡Babilonia chayno ruracäcuptin intëru nasyun runacunami fiyupa manchariycan!


cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.


«¡Ay imanöraj canga Asiriapa raynin! ¡Manami musyanrächu! Payga caycan rabyasha car pitapis castigacuna guerömi. Payga caycan ollgur pitapis wirucuna guerömi.


Cay nasyunpitaga ima-aycantapis ushajpämi apaconga. Siudäcunapis ragällanmi quëdanga. Cay nasyuncunacho tiyajcunaga ganchis chunca (70) watacamami Babiloniapa rayninpa maquincho canga.


Ichanga ¿mutuycaj runapita jächa mas munayniyoj-tucunmanchuraj? ¿Cuchuycajpita rusadörapis mas munayniyoj-tucunmanchuraj? ¡Tucrucuycaj runata tucruga manami munashanpa apanmanchu! ¡Shauya guerupis mas lasajtaga manami awantanmanchu!


Caru nasyunpitami aywarcaycämun. Allpapa cuchun syëlupa chaquinpitami aywaycämun. Chay aywaycämöga Tayta Dios rabyar castigacunanmi. Runacunata ushajpaj illgarachinanpämi aywaycämun.


May caru nasyuncunacho caycajcuna wiyamay-llapa: Juc-lä nasyun runacuna mä shuntacay. Mä mancharachimay. Armayquicunata may-jina camaricusha carpis pirdinquipämi. Rasunpami may-jina camaricurpis ushacanquipaj.


Cirotaga Tayta Diosmi acrasha ray cananpaj. Maquipita charicurcurmi yanapasha llapan nasyuncunata mandananpaj, munayniyoj raycunatana ushananpaj. Tayta Diosmi camacächisha may siudä runacunatapis Ciro binsinanpaj. Cananga Tayta Diosmi payta nin:


Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.


Ichanga chay nasyun runacuna manami musyanchu Tayta Diospa yarpaynin imano cashanta, ni imata rurananpaj yarpaycashantapis. Manami musyanchu rïguta ëraman shuntajno Tayta Dios shuntaycashanta.


Nínive, gammanga illgächicojmi aywaycämun. ¡Sumaj curalasha siudäniquicunapa pergan jananman camacay ricachacojcuna! ¡Nänipa shamojta ricachacuy! ¡Espädayquita chegllayquiman sumaj watacuy! ¡Pillyanayquipaj sumaj camaricuy-llapa!


Paycunapitami yurengapaj llapan mandajcuna: wasi isquïnan simintucho tucnaj rumino, tolduta ichichinanpaj caycaj istäcano, guërracho pillyananpaj lëchata jitacunanno. Chaynömi paycunapitaga yurengapaj munayniyoj mandajcuna.


Chay sablitaga afilasha, llushwachasha caycächin wañuchicojta aptaparcunanpämi.


Swiv nou:

Piblisite


Piblisite