Jeremías 50:38 - Tayta Diosninchi Isquirbichishan

³⁸ ¡Mayuncunapis chaquicäcuchun! Chaynöga cachun melanaypaj ïduluncuna Babiloniacho aypalla captin. Chay runacunaga mana bälej ïduluncunawanmi pasaypa pirdicasha caycan.

Jeremías 50:38 Referans Kwoze

Apocalipsis 16:12

Sojta caj anjilnami Éufrates mayuman tacshimuran chararaycashan bäsucho caycaj castïguta. Chaymi mayu chaquicäcuran inti yagamunan caj-lä nasyunpita shamoj mandajcuna suldäruncunawan päsamunanpaj.

Jeremías 50:2

«Nasyuncunaman willacuy. Llapanta musyachiy. Señalpaj bandërata churay. Willapashätaga juctapis mana gongaypa willacuy. Cayno niy: ‹Babiloniataga maynami charisha. Bel diospis pengaychömi caycan. Marduc diosga fiyupa mancharishami caycan. Ïduluncunaga, manacaj diosnincunaga pengaychömi, mancharishami carcaycan.›

Isaías 44:27

Noga niptëga lamar yacupis chaquicäcunmanmi. Mayu aywaycashancunapis yacuynaj chaquishami ricacunman.

Jeremías 51:52

Juc junajmi ichanga Babiloniacho caycaj ïdulucunata illgächishaj. Chaura malubracusha caycajcunaga nasyun intërucho nanaywan gaparpangapaj.

Jeremías 51:47

Chaynömi chayamongapaj Babiloniacho caycaj ïdulucunata ushajpaj illgächinäpaj caycaj junaj. Chayrämi nasyun intëru pengaycho ricaconga. Wañushacunapis llapan siudänincunachömi mashtarpanga.

Apocalipsis 17:5

Urcunchönami sasa tantiyay isquirbiraycaran cayno nir: «Nogaga jatuncaray Babiloniami cä. Nogami mañösa warmicunapa maman cä. Tucuy jucha rurajcunapapis maman cä.»

Hechos 17:16

Atenascho Silastawan Timoteota shuyar Pabloga ricapacur puriran. Aypalla ïdulucunata ricar fiyupa llaquicuran.

Daniel 5:4

Llapan machasha cashpannaga goripita, guellaypita, runsipita, fyërrupita, guerupita, rumipita rurasha diosnincunata alabarcaycaran.

Jeremías 51:44

«Babiloniapa diosnin Belta castigashämi. Llapan micushancunatapis gumitachimushämi. Chaura maygan nasyunpis mananami masga payman aywangapänachu. ¡Ni Babiloniapa pergancunapis ichiraycäga manami quëdangachu!

Jeremías 51:7

Babiloniaga maquëcho caran gori cöpata aptaraycashänömi. Chay cöpawanmi llapan nasyuncho tiyajcunata upuchirä. Nasyuncunacho tiyaj runacunaga chay cöpapita bïnuta upucurcurmi löcutaran.

Jeremías 50:12

Ichanga nasyunniqui fiyupa pengaychömi ricacongapaj. Waquin nasyunpita mas piyurmi ricacongapaj. Chaqui, chunyaj purunyashami ricacongapaj.

Isaías 44:25

Nogaga manami camacächëchu llulla profëtacuna ‹caynömi, wacnömi canga› nishanno cananpäga. Nogami camacächë musyacojcunapapis manana yarpaynin cananpaj. Nogami camacächë yachajcuna jucnin nishan jucnin nishanwan mana tincunanpäpis. Yachashancunapis imapäpis mana bälejna cananpaj camacächë.

Génesis 8:1

Tayta Diosga manami gongaranchu Noëta y büquicho caycaj animalcunatapis. Chaymi Dios niran chay lamar yacuta wayra pücananpaj. Wayra pücaptinmi yacuga chaquiyta gallaycuran.

Jueces 6:30

«Wamrayqui Gedeonta jorgamuy wañuchinäpaj. ¡Paymi juchuchisha taytanchi Baalpa altarninta. Muturisha altarpa ñaupancho caycaj mamanchi Aseratapis!»