Jeremías 50:37 - Tayta Diosninchi Isquirbichishan

³⁷ ¡Guërracho cachun carrëtacunata garachasha apananpaj caycaj cawalluncunapis! Juc-lä nasyunpita guellaypaj pillyaj suldäruncunapis warmino ricacuchun. ¡Paycunapa ima-aycantapis apacuchun!

Jeremías 50:37 Referans Kwoze

Jeremías 51:30

Babilonia suldärucunaga mananami pillyayta munannachu. Pacacunallanchönami pacarpaycan. Callpanpis mananami cannachu. Warminönami carcaycan. Siudänincunamanpis contrancunami juntajpaj yagacaycärisha. Nircur wasincunatapis rupaycärachisha.

Nahúm 3:13

Suldäruyquicunaga caycan warminöllami. Rancayquicunata nina rupar ushashanpitami siudäniquicunapa puncuncunapis quicharaycan. Chaymi contrayquicuna yaycamunanpaj libri caycan.

Jeremías 51:21

Gamwanmi ushacächë cawallucunatapis, muntasha purej runacunatapis. Gamwanmi ushacächë carrëtacunacho aywarcaycaj runacunatapis carrëtantinta.

Jeremías 48:41

Moab runacunapataga siudänincunata pacacunancunatapis contrancunami charenga. Chay junaj Moabpa suldäruncunaga warmi nanaycho caycajnörämi sicsicyangapis.

Jeremías 25:20

Chay nasyuncho tiyaycajtaga tucuy casta runacunata llapantami upuchirä. Chayno upuchirä Uz nasyunpa raynincunatapis, Filistea particho caj Ascalonpa, Gazapa, Ecronpa, Asdodpa raynincunatapis.

Isaías 19:16

Chay junaj Egiptucunaga cangapaj warminömi. Fiyupa mancharishpan ima ruraytapis manami camäpacongapächu Tayta Dios paycunata castigananpaj maquinta jogariycajta ricashpan.

Ezequiel 30:5

« ‹Pillyachöga wañongami Etiopiapa, Libiapa, Lidiapa, llapan Arabiapa, Cubpa suldäruncunapis. Nogawan conträtuta rurasha caycaj yanapaj nasyun runacunapis wañongami.

Isaías 45:3

Nogami goycushayquipaj pacaraycaj fiyupa cuestajcunata. Pipis mana tarinan pachacho pacaraycaj riquësacunatami goycushayqui. Chaymi musyanquipaj noga Tayta Dios cashäta, Israelcuna rispitar adurashan Dios gamta jutiquipa gayashäta.

Hageo 2:22

Munducho caj mandajcunapa munaynintaga ushajpämi illgächishaj. Jamaräcunantapis ichic-ichicllami rurarishaj. Pillyapaj caj carrëtancunatapis cuchpärishaj. Chay carrëtacunacho aywajcunatapis sajtargärishämi. Wañongami cawallucuna, chayno muntädu aywaj runacunapis. Quiquin-purallami wañuchinacongapaj.

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»

Ezequiel 39:20

Alli micuytami camaripäshaj cawallu aychacunawan, muntädu aywaj wañojpa aychancunawan, suldärucunapa aychanwan, waquin tucuy casta pillyajcunapa aychanwanpis. Chaycunatami sacsananyaj miconga. Noga Tayta Diosmi chayno në.

Jeremías 50:26

¡Intërupita shamoj suldärucuna, magaj yaycapaycäriy! ¡Micuy churacunancunatapis quichariycäriy! ¡Llapanta shuntaycur ushariy! ¡Cawaycäga ni jucnayllapis ama quëdachunchu!

Jeremías 25:24

Arabia nasyunpa raynincunata, chunyaj chaqui pachacho tiyaj achca casta runacunapa raynincunatapis;

Salmos 76:6

Tayta, Jacobpa Diosninmi canqui. Gam rabyacurcuptiquega carrëtancuna ni cawalluncunapis mananami cuyucunnachu.

Salmos 46:9

Payga guërratapis intëruchömi chawächisha. Paymi lëcha jitacunatapis paquirgärisha. Tucsicunantapis ichic-ichiclla paquirgärisha. Guërrapaj caycaj carrëtacunatapis rupargärachisha.

Jeremías 51:4

Babilonia nasyunchöga llapan siudäcunapa cällincunachömi wañusha runa mashtarpäconga.

Jeremías 51:22

Gamwanmi wañuchichë llapan runacunata. Wañuchichë ollguta, warmita, auquinta, mösuta, wamrata, jipashcunatapis.

Jeremías 50:10

Babilonia runacunataga ima-aycantapis guechongami. Apaytapis mana puydinancamami guechonga. Noga Tayta Diosmi chayno në.