Jeremías 50:31 - Tayta Diosninchi Isquirbichishan

³¹ «Alli-tucoj nasyun runacunaga, llapaniquipa contrayquimi caycä. Gamcunata castiganäpaj caycaj junaj chayamushanami.

Jeremías 50:31 Referans Kwoze

Jeremías 50:29

«¡Lëchawan illapay yachajcunata llapanta shuntay Babiloniaman magaj yaycupaycärinanpaj! ¡Siudä cantunpa tiyacaycäriy pipis mana gueshpinanpaj! ¡Rurashanmanno ayñita cutichiy! ¡Imanömi jucta ruraran chayno paycunatapis ruray! Paycunaga Israelcunapa Santo Tayta Diosnin caycaptëmi mana rispitamashpan rabyachimasha.

Jeremías 21:13

«Jerusalén runacuna, gamcunaga patacho cashpayquimi nircaycanqui: ‹¿Piraj noganchïmanga yaycamunman magamänanchïpaj? ¿Piraj chayamunman pacacunanchïcho carcaycashanchïcama?› nir. Nogami gamcunapäga fiyupa rabyasha caycä.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»

Santiago 4:6

Tayta Diosninchëga fiyupami cuyapämanchi. Chaymi palabranchöpis cayno niycan: «Tayta Diosninchi manami yanapanchu alli-tucojcunataga. Umildicunatami ichanga cuyapar yanapan.»

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»

Ezequiel 39:1

«Runa, gamga nogapa jutëcho Gogpa contran rimay: ‹Tayta Diosga caynömi nin: Mesecpawan Tubalpa mas mandajnin Gog, nogami gampa contrayqui ricacö.

Nahúm 3:5

Munayniyoj Tayta Dios caynömi nin: «Nogaga gampa contrayquimi caycä. Juc-lä nasyuncuna galallata ricashunayquipämi umayquiyaj justanniquitapis shucuparcushayqui. Chaymi fiyupa pengaycho ricacunquipaj.

Ezequiel 38:3

Payta cayno ninqui: ‹Tayta Dios caynömi nin: Mesecpawan Tubalpa mas mandajnin Gog, nogaga gampa contrayquimi caycä.

Ezequiel 29:3

cayno ninqui: ‹Caynömi Tayta Dios nin: « ‹Egiptupa raynin faraón, cananga nogami contrayqui ricacö. Gamga canqui jatuncaray waräcuy mayu yacullacho tiyacojnömi. Chayno carmi ninqui: «Nilo mayuga nogapami. Nogami rurashcä» nir.

Ezequiel 5:8

Chaypitami noga Tayta Diosga në: Nogapis ricacushaj gamcunapa contrayquimi. Llapan nasyuncuna ricacunanpämi castigashayqui.

Jeremías 51:25

«Babilonia, illgächicoj jircanömi caycanqui. Chaynöga caycanqui llapan runacunata chacracunata illgächishpayquimi. Cananga gampa contrayquimi caycä. Quiquiquitanami castigashayqui. Castigashpämi cuchpärimushayqui. Nircur ticrachishayqui pasaypa rupasha jircaman. Noga Tayta Diosmi chayno në.

Jeremías 50:32

Alli-tucoj nasyun runacuna mana allimanmi chayanquipaj. Cananga manami pipis faburniqui canchu. Llapan siudäniquicunamanmi ninata sindipaycushaj. Chaura ninanami intëru siudäniquicunata rupar ushacurcongapaj.»

Jeremías 49:16

Pï-maytapis manchachej cashayquimi, alli-tucushayquimi engañashurayqui. Gagapa shillincunachömi tiyarcaycanqui. Altunnin puntacunachömi pachacaraycanqui. Ichanga ancacunano altunnincho caycajtapis urächimushayquimi. Noga Tayta Diosmi chayno në.

Jeremías 48:29

Pï-maypis musyanmi Moab runacuna alli-tucushanta, waquinpita mas ollgoj munayniyoj-tucushanta, pitapis mana rispitaj cashanta, baduläqui cashanta.

Apocalipsis 18:8

Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»

Isaías 2:12

Chay junäga munayniyoj Tayta Dios manacajmanmi churanga alli-tucojcunata, llapan ollgojcunata, munayniyoj-tucojcunatapis.