Jeremías 50:25 - Tayta Diosninchi Isquirbichishan

²⁵ Nogaga quichaparishcä pillyananpaj pillyacunancuna churarashantami. Nircur jorgamushcä rabyasha pillyanä armäta. Babilonia runacuna tiyashan nasyunchöga yarpaycashäcunatami rurashaj.

Jeremías 50:25 Referans Kwoze

Jeremías 51:55

Babiloniacho tiyaj runacunataga Noga Tayta Diosmi ushajpaj illgaycächë. Llapan gaparpaycajtapis ushajpämi illgaycächë. Gochapita wayrawan yacu shamoj gaparajnörämi contrancunaga fiyupa gaparpashpan paycunaman yagacaycärin.

Jeremías 51:25

«Babilonia, illgächicoj jircanömi caycanqui. Chaynöga caycanqui llapan runacunata chacracunata illgächishpayquimi. Cananga gampa contrayquimi caycä. Quiquiquitanami castigashayqui. Castigashpämi cuchpärimushayqui. Nircur ticrachishayqui pasaypa rupasha jircaman. Noga Tayta Diosmi chayno në.

Jeremías 50:15

Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Apocalipsis 18:8

Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Jeremías 51:20

Mastapis Tayta Dios niran: «¡Babilonia, gamga canqui pï-maytapis tacacuna cumbämi, guërracho pillyacuna armämi! Gamwanmi nasyuncunata ushashcä. Raycuna mandashantapis illgächishcä.

Salmos 45:5

Gampa lëchayquicunaga llauchi punta cashpanmi chiquishojcunapa shonguncamapis chayarin. Tayta ray, llapan runacunami gammanga gongurpacamonga.

Salmos 45:3

Jinyu ray, sabliquita chegllayquiman jaticuy. Tayta ray, chaywanga achicyaypa achicyar sumajmi camaranqui.

Isaías 13:15

Chay junäga pitapis pacaraycajta tarerga tucsirengami. Pitapis charir wañurachengami.