Jeremías 50:14 - Tayta Diosninchi Isquirbichishan

¹⁴ «Babiloniacunataga intërunpa curalacaycäriy. Lëchayojcuna sumaj camacay. Nircur paycunataga lëchayquicunawan illapay. Paycunaga nogapa conträmi juchata rurasha.

Jeremías 50:14 Referans Kwoze

Jeremías 50:29

«¡Lëchawan illapay yachajcunata llapanta shuntay Babiloniaman magaj yaycupaycärinanpaj! ¡Siudä cantunpa tiyacaycäriy pipis mana gueshpinanpaj! ¡Rurashanmanno ayñita cutichiy! ¡Imanömi jucta ruraran chayno paycunatapis ruray! Paycunaga Israelcunapa Santo Tayta Diosnin caycaptëmi mana rispitamashpan rabyachimasha.

Habacuc 2:17

Líbano jircacho yöracunata ushashayquipitami ayñi quiquillayquiman cutimongapaj. Chaycho tiyaj animalcunata wañuchishayquipitami fiyupa mancharinquipaj. Llapan chaycunaga chayashunquipaj runacunata wañuchishayquipitawan siudäcunacho tiyajcunata fiyupa mana allita rurashayquipitami.

Habacuc 2:8

Gamcunaga achca nasyun runacunatami ima-aycantapis guechushcanqui. Cananga ima-aycayquitapis paycunanami cutichicongapaj. Llapan mana allita rurashayquipitami wañuchishayquipitami ayñita cutichishunquipaj.

Jeremías 50:42

Paycunaga sablincunawan, lëchancunawanmi carcaycan. Paycunaga fiyu runacunami. Manami pitapis cuyapanchu. Pillyashpanpis gaparpan lamar yacu pullchajyar gaparajnörämi. Cawallun muntashallami aywanpis. Babiloniacunawan pillyananpäga camaricushallanami carcaycan.

Jeremías 50:9

Nogami camacächishaj norte caj-läpita munayniyoj nasyuncuna Babiloniaman chay öralla wacpita-caypita yaycapaycunanpaj. Sumaj parlacarcärir aywarmi binsenga. Paycunaga fiyupami pillyayta yachan. Lëchancunawanga jitayllan-tupumi chayachin.

Jeremías 50:7

Contrancuna tariycärir ñacachej. Nircur nej: ‹Noganchëga manami juchayojchu canchi. Quiquincunami juchayöga alli goyächej Tayta Diosta mana wiyacushanpita. Unay awiluncunapis Paymanmi yäracoj.›

Apocalipsis 17:5

Urcunchönami sasa tantiyay isquirbiraycaran cayno nir: «Nogaga jatuncaray Babiloniami cä. Nogami mañösa warmicunapa maman cä. Tucuy jucha rurajcunapapis maman cä.»

Jeremías 51:27

«¡Nasyuncunacho bandëracunata awiy Babiloniaman pillyaj yaycunanpaj! ¡Trompëtata tucashpayqui nasyuncunacho tiyajcunata ushajpaj camaricachiy! ¡Babiloniaman pillyaj aywananpaj shacyächiy Araratcho, Minicho, Askenazcho caycaj raycunata! ¡Pillyacho mandananpaj juc capitanta churay! Muntädu aywaycajcunata gaycuy aypalla chüpacacuna aywaycajtanöraj.

Jeremías 51:2

Disigrasya chayaptin, chay nasyunmanga wacpita-caypitami pillyaj yayconga. Camacächishaj Babiloniataga contran fiyu runacuna rïguta wayrajnöpis rurarinanpaj. Chaura chay nasyunchöga ni juc runapis manami tiyangapänachu.

Jeremías 50:11

«Acrashä runacunata ima-aycatapis guechoj Babilonia runacuna, ¡cushicuy-llapa fistata ruray-llapa! ¡Alli guewacho ternëra pañajnöraj pinticachay! ¡Cawallu wagajnöraj wichyacuy!

Jeremías 49:35

«Elam runacunapa lëchancunatami paquirishaj. Lëchancunallawanmi paycunaga pï-maytapis manchachin.

Jeremías 46:9

«¡Cawalluwan muntäducuna pillyaj yaycuy! ¡Carrëtawan cajcunapis ayway! Pillyajcuna yaycuy. Ayway Etiopía nasyun suldärucuna, Fut parti suldärucuna chapacuna escüduyquicunata camaricarcärir. Camaricuy lëchawan illapay yachaj Lud parti suldärucuna.

Isaías 13:4

Masqui wiyay. Aypalla runacuna shuntacasha cashanmi puntacunapita wiyacaycämun. Masqui wiyay. Achca nasyun runacuna shuntacaycur gaparashanmi wiyacaycämun. Munayniyoj Tayta Diosmi shuntaycan pillyaman aywananpaj camaricusha caycaj suldäruncunata.

Isaías 5:28

Lëchancunapis auja-puntami caycan. Lëchata jitacunanpis sumaj chutashami caycan. Cawalluncunapa shilluncunapis rumino chucrumi. Carrëtancunapa ruyrancunapis shucucuy wayra gachwarejnörämi tumarin.

Salmos 51:4

Gamta mana wiyacushpämi contrallayqui jatarishcä. Ricaycämaptiquimi llutanta rurashcä. «Juchasapa» nimar rasun cajtami niycämanqui. Manami «Juchaynaj cä» nëmanchu.

2 Samuel 10:9

Chaypita Joabga musyaran guepapita ñaupapita yaycapänanta. Chaymi acraran mas allinnin Israel suldärucunata. Nircur camaricuran Siria runacunata ichipänanpaj.

1 Samuel 17:20

Warannin tuta chacalla Davidga aywacuran uyshata ricaycänanpaj jucta ashiycur taytan Isaí apachishancunata apacurcur. Chayaptin pillyaman llojshinanpäna ollgurcaycaran.

Jeremías 49:14

«Cachata cachashcänami nasyuncunaman cayno willacunanpaj: ‹¡Llapayqui shuntacarcur sumaj camaricuy! ¡Nircur Edom runacunaman magaj ayway!› nir.

Jeremías 51:3

Babilonia mösucunataga ama cuyapaychu. Suldäruncunata ushajpaj illgächiy. Chaynöpami lëchawan illapayta yachaj Babiloniacunapaga camaricunanpäpis timpu mana canganachu. Chapänanpaj chalëcucunata jaticunanpäpis timpun manana canganachu.