Jeremías 50:11 - Tayta Diosninchi Isquirbichishan

¹¹ «Acrashä runacunata ima-aycatapis guechoj Babilonia runacuna, ¡cushicuy-llapa fistata ruray-llapa! ¡Alli guewacho ternëra pañajnöraj pinticachay! ¡Cawallu wagajnöraj wichyacuy!

Jeremías 50:11 Referans Kwoze

Isaías 47:6

Acrashä runacunapämi rabyacurcurä. Chaymi cuyashä nasyun runacunataga pengayman churarä. Chaynöpami gam Babiloniapa maquiquiman cachaycurä. Chaura paycunataga manami cuyapashcanquichu. Auquincunatapis fiyupa lasaj yüguta matancapajnömi ñacachishcanqui.

Zacarías 14:12

Jerusalén runacunawan pillyaj juc-lä nasyun runacunatami ichanga Tayta Dios gueshyawan fiyupa castigangapaj. Chay runacunapaga cawaycaptillanmi aychan ismongapaj; ñawincunapis cawaycaptillanmi chaquicäconga; galluncunapis shimin rurillanchömi ismonga.

Abdías 1:12

Ama cushicunquimanchu caran castayquicuna mana alliman chayasha caycajta ricaycashpayquega. Ama cushipanquimanchu caran Judá ragällan quëdashan öra. Ama asipanquimanpischu caran paycuna llaquicuycashan öra.

Amós 4:1

Sumaj wiyay Samaria warmicuna. Basán particho wäcacunano caycaj warmicuna wiyay cayno nishäta: Gamcunaga pobricunatami ñacaycächinqui. Pishëpacojcunatapis magar-ushaycanqui. Runayquicunatana «Bïnuta apamuy upyanäpaj» nircaycanqui.

Oseas 10:11

«Efraín runacunaga manshu wäca rïgu ëraycho yachacasha cacojnömi caran. Chaymi yüguta churapaytaga mana yarparächu. Cananmi ichanga cuyayllapaj matancanman yüguta churapäshaj. Judá runacunami yapyajnin canga. Jacobpita mirajcunami cuspiyajnin canga.

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 46:21

Guellaypaj pillyaj mincaynincunapis wera töru-mallwacunanömi. Ichanga paycunapis upucruypita gueshpirmi aywaconga. Pillyananpäpis manami ichipangapänachu. Paycuna disigrasyaman chayanan junäga chayaycämunnami. Castigasha canan junäga chayaycämunnami.

Jeremías 5:28

Cananga alli allita micucarcärirmi werayasha carcaycan. Mana allita ruraytaga manami jamanchu. Pïninpis mana caj wacchacunatapis manami alliga arriglanchu. Pobricunatapis manami yanapanchu.

Jeremías 5:8

Potru china cawalluta ashiycajnömi runa-masinpa warminta munaparcaycan.

Proverbios 17:5

Pobricunata manacajman churarga Tayta Diostapis manacajmanmi churaycan. Pipis mana alliman chayaptin cushipäga castigashami canga.

Salmos 22:12

Chiquimajcunaga wishtacoj törucunano tumaparcaycäman. Chaycunaga carcaycan Basancho tiyaj callpasapa törucunanömi.

Deuteronomio 32:15

«Israel ichanga werayasha, jaytacojyasha. Jesurún wera cayllawan llushwaypa llushwasha. Chayno carmi Camajnin Tayta Diostapis gongaycusha. Salbajninta, chapajninta manacajman churasha.

Isaías 47:8

«Chaypita cananga wiyay Babilonia. Fiyupa cuyayllapajcunallata cuyaj warmimi cashcanqui. Mana yarpachacuypami mandanayqui sillunniquicho jamaraycanqui. Shongullayquicho niycanqui: ‹Manami pipis noganöga canchu. Nogaga manami biyüdapis quëdashächu. Manami wawaynajpis quëdashächu› nir.

Jeremías 12:14

Tayta Dios caynömi nin: «Israelcunapa bisïnun nasyun runacunaga acrashä runacunatami pirdichisha. Chaypitami paycunataga noga gargushaj. Judá runacunatapis paycunapita gargushämi.

Jeremías 46:20

Egiptucunaga caycan cuyayllapaj ternëra-nirajmi. Chayno caycajta cañiycunanpämi norte caj-läpita upucruy aywaycämun.

Ezequiel 35:15

Gamga cushicurayquimi Israelcuna partisyunta chasquishan nasyunta mana alliman churaptë. Chaynömi gamtapis rurashayqui. Edom nasyuncho caycaj intëru Seir jirca chunyajmanmi ticranquipaj. Chayrämi noga Tayta Dios cashäta musyanquipaj.›

Ezequiel 36:5

Noga Tayta Diosga caynömi në: Rabyasha rimashäcuna waquin runacunapäga caycan nina rataycajnömi. Chayno nishä masga caycan intëru Edom nasyunpämi. Paycunaga fiyupa cushicushpanmi acracushä nasyunta charicarcäriran. Chaycho tarishancunatapis manacajman churashpan apacuran.›

Habacuc 1:15

Caldeacunataga pescäduta charejtanömi churashcanqui. Paycunaga ansuylawannöpis, redawannöpis nogacunata chariycäman. Nircorga juc pachallaman shuntaycur fiyupa cushicun.