Jeremías 5:16 - Tayta Diosninchi Isquirbichishan

¹⁶ Paycunaga llapanpis pillyay-yachaj jinyullami. Pillyacunancunapis runa wañuchej yachacashami.

Jeremías 5:16 Referans Kwoze

Isaías 5:28

Lëchancunapis auja-puntami caycan. Lëchata jitacunanpis sumaj chutashami caycan. Cawalluncunapa shilluncunapis rumino chucrumi. Carrëtancunapa ruyrancunapis shucucuy wayra gachwarejnörämi tumarin.

Salmos 5:9

Fiyu runacunaga manami imaypis rasun cajtaga rimanchu. Shongunchöpis mana alli yarpaycunallami. Shiminpis sepultüra quicharishanömi caycan. Alli-tucullarmi parlan.

Romanos 3:13

Shiminpis sepultüranömi quicharaycan. Imaypis llullacuycanllami. Parlashancunapis caycan culebrapa benënunno.

Isaías 13:18

Mösucunatapis lëchawanmi wañurgärachenga. Manami cuyapangachu chayraj yurisha caycaj iticunatapis. Manami llaquipangachu jatullan wamracunatapis.

Lamentaciones 3:13

Tayta Dios jitamushan lëchacunaga cuerpöman fiyupa ruricamami jaticasha.

Jeremías 6:22

Tayta Diosmi cayno nin: «Fiyupa caru norte cajpitami munayniyoj nasyun runacuna shamunanpaj camaricurcaycan.

Jeremías 6:23

Chay runacunaga lëchanwan sablinwan camaricushallanami carcaycan. Chay runacunaga fiyumi. Manami pitapis cuyapanchu. Pillyapaj gayarparpis lamar yacu gaparajnörämi gaparpan. Llapanpis cawallun muntashallami aywarcaycämun. Jerusalén runacunawan pillyananpaj camaricushanami carcaycan.» Judá runacunaga nircaycan: