Biblia Todo Logo
Bib sou entènèt

- Piblisite -




Jeremías 49:13 - Tayta Diosninchi Isquirbichishan

13 Noga Tayta Diosmi jutëcho jurä: Bosra siudäga quëdangapaj pengaypaj, chunyaj ragällan, willapapaj, fiyupa llaquipaypaj castigashami. Waquin caj siudänincunapis imaycamapis juchusha ragällanmi caconga.

Gade chapit la Kopi




Jeremías 49:13
21 Referans Kwoze  

Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.


Bela wañuptinnami Zerapa wamran Jobab ray caran. Payga caran Bosra marcapitami.


Gayacamur niran: «Caynömi Tayta Dios nin: ‹Gamga noga nishäta imatapis ruranquimi. Japallan cuyay wamrayquitapis manami ñïgamashcanquichu. Chaypitami cananga jurashpä gamta në:


Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»


Temán siudämanmi ninata sindipaycushaj. Chay ninami rupar ushacurconga Bosra siudächo caycaj palasyucunata.»


Contrancunaga Bosraman yayconga chipsata charinanpaj anca lluyllucarcur cörrejnömi. Chay junaj Edompa suldäruncunaga warmi nanaycho caycajnörämi sicsicyangapis.»


Egiptucho tiyarcaycaj Judá runacuna sumaj wiyay noga Tayta Diosniqui nishäta: Cay Egiptucho tiyaycaj Judá runacuna mayganpis mananami jutëta rimangapänachu «Cawaj Tayta Diospa jutincho» nishpan. Chayno cananpaj cashantaga nogami fiyupa rispitädu jutëcho jurä.


«Juc runami Edomcho caycaj Bosra siudäpita aywaycämun. Röpanpis pucaman tiñisha aywaycämun. Achicyaypa achicyaycaj röpan jatisha aywaycämun. Payga fiyupa munayniyojmi aywaycämun. ¿Piraj chay aywaycämöga?» «Noga llapantapis alli arriglajmi aywaycämö. Salbanäpäpis munayniyoj caycajmi aywaycämö.»


Nogaga jutëchömi jurashcä. Alli cajta ruranäpämi jurarä. Chayno nishäga cumlicangami. Nogata rispitamashpan llapanmi gongurpacamongapaj. Pï-may runacunapis nogapa jutëchömi juranga.


Chay Israel runacunawan Judá runacunaga canga ninano, nina wapchar imatapis ushacurcojno. Esaüpita miraj Edom runacunami ichanga canga ogshano. Chauraga chay ninano cajcunami ushajpaj usharengapaj. ¡Edom runacunaga manami jucnayllapis salbacongapächu! Noga Tayta Diosmi nishcä chayno cananpaj.


Egiptoga pasaypa ushacashami quëdangapaj. Edomnami chunyajman ticrangapaj. Chaynöga cangapaj Judá runacunata magashanpitami, mana juchan caycaptin nasyunnincho Judá runacunata wañuchishanpitami.


Bela wañuptin ruquin ray caran Zerapa wamran Jobab. Jobabga caran Bosra marcapita.


Chayno cashanpitami nasyunnintapis chunyajna cananpaj camacächisha. Fiyupa manchariypaj ragällanna caycan. Llapanpis chaypa päsajcunaga almirashami umanta awiconga.


Cay siudätami chunyajman ticrachishaj. Fiyupa manchariypämanmi ticrachishaj. Pipis chaypa päsajcunaga ushajpaj ushacasha caycajta ricaycur manchariywan chiyacasha ricarpanga.


¡Nogami chiquishojcunataga gaycamushaj aypalla chüpacacunata-jina. Chauraga paycunanami gamcunata binsiycushushpayqui cushicuypita gaparpanga! Noga munayniyoj Tayta Diosmi chayno në.»


Queriot, Bosra, Moabcho caycaj llapan siudäcuna carucho sercacho caycajcunapis.


Swiv nou:

Piblisite


Piblisite