Jeremías 48:8 - Tayta Diosninchi Isquirbichishan

⁸ Contrayquicunaga llapan siudäcunatami illgächenga. Manami ni jucnayllapis sänuga quëdangapächu. Ragra pampacho cajcunapis, altu jircacho cajcunapis illgächishami canga. Noga Tayta Diosmi chayno në.

Jeremías 48:8 Referans Kwoze

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»

Ezequiel 25:9

Chaypitami Moabpa cantunpa yaycunata rurashaj. Nircorga juc cantupita juc cantucamami siudäniynajta cachaycushaj. Fiyupa almirashan Bet-jesimot, Baal-meón, Quiriataim siudäcunata illgächinanpämi camacächishaj.

Jeremías 51:56

Babiloniata illgächej aywaycämunnami. Pillyaj suldäruncunatami prësu charenga. Pillyananpaj caycaj lëchancunatapis ushajpämi paquirgärenga. Noga Tayta Diosga cada-ünuntami imanöpis rurashanman-tupu cutichishaj.

Jeremías 48:18

«Dibón siudä runacuna alli-tucur rispitäducho jamaraycashayquipita llojshircur chucru chaqui pampamanna jamacuy. Illgächicöga gamcuna cajchönami caycan. Sumaj curalasha pergayquicunatapis maynami illgächisha.

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Jeremías 15:8

Biyüdacunapis aypallami canga lamar cantuncho caycaj agushpitapis masraj. Las-dösi intimi mamantinman llapan mösucunamanga wañuyta cachamushaj. Paycunamanga illajpitami manchariytawan llaquicuytapis chayachishaj.

Josué 13:21

Rubén trïbu runacunallapämi caran intëru pampacho caycaj siudäcuna, Hesboncho tiyaj Sehón llapan mandashancuna. Sehonga Amorreo runacunapa rayninmi caran. Paytawan paypa munaynincho caycaj Madián runacunapa mandajnincunatami Moisés wañuchiran. Chay mandajcuna caran Evi, Requem, Zur, Hur, Reba.

Josué 13:17

Hesboncama. Paycunapa caran pata-pata Dibón, Bamot-baal, Bet-baal-meón,

Josué 13:9

Paycunapaj caran: Arnón mayu läduncho caycaj Aroer siudäpita, Arnón ragracho caycaj siudäcunapita-pacha Diboncamami, llapan Medeba pampa patapis.