Jeremías 42:2 - Tayta Diosninchi Isquirbichishan

² profëta Jeremiasta. Nircur niran: «Ruwacuyculläshayqui ari tayta. Tayta Diosniquita mañacuycuy nogacuna wallcajllapis quëdajpaj. Quiquiqui ricashayquinöpis ñaupataga aypallami caranchi. Cananga pasaypa wallcajllanami quëdashcanchi.

Jeremías 42:2 Referans Kwoze

Jeremías 36:7

Chauraga capaschari arpinticushpan ruwacur Tayta Diosta mañaconga. Mana allitaga manana ruranganachu. Tayta Dios fiyupa rabyawan castigananpaj nishanga fiyupa manchariypämi caycan.»

Levítico 26:22

Micucoj animalcunatami cachamushaj. Chauraga chay animalcunami wamrayquicunata miconga; uywayquicunatapis ushanga. Chaynöpami gamcunaga wallcajllana quëdanquipaj. Chauraga näniquicunapis chunyajna ricaconga.

Santiago 5:16

Juchata rurasha carga mayganiquipis ama pacaychu. Jucniqui-jucniquipäpis Tayta Diosninchïta mañacuptiqui payga allchacächishunquimi. Tayta Dios munashanno goyaj runa mañacushantaga Tayta Dios wiyanmi.

Hechos 8:24

Chaymi brüju Simonga ruwacur niran: «Nogapaj Diosta mañacuycullay ari perdunaycamänanpaj.»

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Isaías 37:4

Tayta Diosniquega wiyashami canga Asiriapa raynin cachamushan mandaj suldärun ashllishpan imata nishantapis. Cawaj Diostami ashllisha. Ashllishanpita Tayta Diosniqui castigaycunman. Mañacushpayqui ruwacuycuy ari quëdajcunallapäpis› nir.»

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

1 Samuel 12:19

Samuelta ruwacuran: «Tayta Diosta mañacuycuy ari nogacuna mana wañunäpaj. Juchasapa caycarpis mastachaj juchata rurashcäcuna ‹rayta churapämay› nishpä.»

1 Samuel 7:8

Samuelta niran: «Mana chawaypa Tayta Diosninchïta mañacuy ari Filistea runacunapita salbamänanchïpaj.»

Jeremías 37:20

Cananga ruwacushäta wiyaycamay ari tayta ray: Ama yapayga apachimaychu acta ruraj Jonatanpa wasinman. Chayman apachimaptiquega wañushächari.»

Jeremías 37:3

Ray Sedequiasga Selemiaspa wamran Jucaltawan Maasiaspa wamran cüra Sofoniasta cacharan profëta Jeremías cajman. Jeremiasta niran: «Tayta Diosninchïta mañacuy ari nogacunata yanapämänanpaj» nir.

1 Reyes 13:6

Chaura rayga profëtata niran: «Nogapaj Tayta Diosniquita ruwacapaycamay ari maquë allchacänanpaj.» Chaura profëtaga Diosta mañacuran. Chaura raypa maquenga allchacaran.

Deuteronomio 28:62

Israelcuna goyllarcunano aypalla casha carpis Tayta Diosninchïta mana wiyacushayquipita wallcallanami quëdanquipaj.

Éxodo 8:28

Chayno niptin faraón niran: «Carucama mana aywacunayqui captenga chunyajman aywanayquipaj cachashayquimi chaycho Tayta Diosniquipaj uywayquicunata pishtarcur rupachinayquipaj. Nogapäpis Tayta Diosniquita mañacamunqui.»

Mateo 24:22

Acrashan runacunata cuyaparmi Tayta Diosga chay ñacay junajcunata wallcayächenga. Man'chäga manami pipis salbacunmanchu.

Ezequiel 12:16

Chaypis camacächishämi juc ishcay runacuna guërracho mana wañunanpaj, gueshyawan yargaywan mana wañunanpaj. Chaynöpanami juc nasyuncunaman chayashpan willaconga ‹melanaypajcunatami rurarä› nir. Chayrämi musyanga noga Tayta Diosnin cashätapis.»

Jeremías 42:20

Gamcunaga Tayta Diosta mañacapänäpaj ruwacamashpayquimi nimarayqui: ‹Nogacunapaj Tayta Diosninchïta mañacuycuy. Nircorga imata nishantapis willamay nishanno ruranäcunapaj ari› nir. Canan nogaga gamcunata willashcä imano willanäpäpis Tayta Dios nimashantami. Ichanga gamcuna manami wiyacuyta munanquichu. Chay nishayquita mana cumlir gamcunaga fiyupa juchatami aparicuycanqui.

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

1 Samuel 12:23

Noga ichanga gamcunapaj Tayta Diosta mañacuycäshaj. Mana mañacorga juchayojmi cashaj. Imano captinpis willapäshayqui alli cawanayquipaj.

Deuteronomio 4:27

Chaymi Tayta Diosga juc-lä nasyuncunaman machiypa-machir gargushunquipaj. Chaura chayashayqui nasyunchöga wallcajllanami cawaycar quëdanquipaj.

Éxodo 9:28

Runtu tamyapis räyupis chawananpaj Tayta Diosta mañacuycuy ari. Chaura aywanayquicunapaj cachaycushayquimi. Cananga manami michäshayquinachu.»

Jeremías 15:11

Tayta Dios, nogaga gamta allimi sirbishcä. Chiquimajcuna llaquicuycho, ñacaycho caycaptin yanapänayquipaj nogaga gamta mañacamushcämi. Mana mañacusha captëga maldisyunamashancuna jina chayamächun ari.

Jeremías 38:14

Ray Sedequías niran Templuman yaycuna quimsa caj puncuman profëta Jeremiasta pushapänanpaj. Chaychöna Jeremiasta ray niran: «Tapucushayqui. Rasun cajta willamay ari.»

Jeremías 40:15

Chaymi Johananga pacayllapa Gedaliasta niran: «Noga pacayllapa aywar Ismaelta wañuycachimushaj. Manami pipis musyangachu pï rurashantapis. ¿Imanöpataj dëjashaj gamta wañuchishunayquitaga? Gamta wañuycachishuptiquega alli shuntacasha caycaj Judá runacunapis mashtaypa mashtarchari aywaconga. Chauraga quëdasha caycaj runacunapis cay Judächöga ushajpächari illganga.»

Oseas 8:10

Chayno pägar alli parlacusha caycaptinpis castiganäpaj may-chaypitapis cutichimushämi. Chaymi munayniyoj raypa maquincho ñacar goyanga.

Amós 7:2

Chay chüpacacuna llapan guewacunatana micur ushaycaptin nogaga ruwacurä: «Tayta Dios, nogacunata perdunaycamay ari. Mana perdunaptiquega ¿imanöraj canga Jacobpita mirajcuna? Paycunaga caycan wallcajlla quëdaj runacunami.»

Deuteronomio 28:63

Gamcuna alli cawanayquipaj, achcaman miranayquipaj yanapäshushpayqui Tayta Dios cushicushannöllami mana wiyacushayquipita ushacächishushpayquipis cushiconga. Mana munaycajtami tiyashayqui nasyunpitapis gargushunquipaj.

Salmos 119:170

Mañacaycämushätaga wiyaycamuy ari. Aunimashayquino salbaycamay.

Isaías 42:20

Paycunaga tucuytami ricasha. Ichanga manami cuentata gocushachu. Wiyaytaga wiyanmi. Ichanga imata niycashätapis manami tantiyanchu.»

Jeremías 2:27

Israelcunaga juc yöratami ‹taytä canqui› nircaycan. Jatun rumitana ‹mamä canqui› nircaycan. Nogatami ichanga manana ni ricäramaytapis munannachu. Juc-lällapana ticraräcunpis. Chayno carpis ima ñacaymanpis chayashpanga ‹¡Tayta salbaycamay ari!› niman.