Jeremías 37:19 - Tayta Diosninchi Isquirbichishan

¹⁹ Cananga ¿maytaj ‹Babiloniapa raynin suldäruncunawan manami yaycamongapächu gamcunaman ni nasyunniquimanpis› nishoj profëtacunaga?

Jeremías 37:19 Referans Kwoze

Jeremías 2:28

Judá, ¿maychötaj caycan rurashayqui diosniquicunaga? Chaycuna mä shamuchun ñacaycho caycashayqui öra salbashunayquipaj. ¿Gamcunapaga diosniquicunapis manachu siudäniquicunano aypalla?

Jeremías 29:31

«Prësu aywasha caycajcunaman willachiy. Noga Tayta Diosmi paycunata në: Nehelam runa Semaiasga noga mana cachaycämuptëmi jutëcho willacusha. Chay willacushanwan gamcunataga mana rasun cajtami riguichisha-cashunqui.

Jeremías 23:17

Noga willachishäta manacajman churajcunata chay profëtacunaga nin ‹Llapanpis allimi llojshipäshunquipaj› nir. Shongun munashannölla mana allita rurajcunatana ‹Gamcunataga manami ima disigrasyapis chayashunquipächu› nin.

Jeremías 8:11

Paycunaga acrashä runacuna nanächicushantapis yanga yangallami jampin. Chayno rurarmi «Alli goyay caycan, alli goyay caycan» nin. Rasunpaga mana alli goyayllami caycan.

Jeremías 6:14

Paycunaga acrashä runacunapa dañäduntapis janan janallanmi jampin. Chayno rurarcorga ‹Alli goyay caycan, alli goyay caycan› nin. Rasunpaga mana alli goyayllami caycan.

2 Reyes 3:13

Chayaptin Israelpa rayninta Eliseo niran: «¿Imamantaj shamushcanqui? Gamga ¿manachu tapucoj aywanqui mamayquipa taytayquipa profëtancunaman?» Chayno niycaptinpis Israelpa raynenga niran: «Manami. Tayta Diosmi quimsanëta caypa pushamasha Moab runacuna wañuchimänanpaj.»

Lamentaciones 2:14

Profëtayquicuna willashushayquega manami rasunpachu caran. Juchayoj cashayquita paycunaga manami willashurayquichu. Willashuptiquega canan manami prësu aywanquimanchu caran. Llutanta willapäshushpayquimi gamcunataga riguichishurayqui.

Deuteronomio 32:38

¿Maytaj chay uywacunapa wiranta «micun» nishayqui, bïnuta churashayquita «upun» nishayqui dioscuna? ¡Canan jatarimuchun yanapäshunayquipaj! ¡Shamuchun washäshunayquipaj!

Ezequiel 13:2

«Runa, noga nishäta rimay Israelcunacho caycaj profëtacunapaj. Chay profëtacuna quiquincunapa yarpaynillanpita willacurcaycajta cayno ninqui: ‹Wiyay-llapa Tayta Dios nishanta.

Ezequiel 13:6

«Tayta Diosmi ricachimasha» nishancunapis manami rasun cajchu. Ima cananpaj cashanta nirpis llullacuycanmi. Paycunaga nircaycan «Tayta Diosmi nimasha» nir. Paycunataga noga manami cachamushcächu. Chaypis ¿nishancunata cumlinätachu shuyarpaycan?