Jeremías 32:37 - Tayta Diosninchi Isquirbichishan

³⁷ Chaypis fiyupa rabyar intëru nasyunman gargushä Israelcunata llapantami shuntashaj. Cutichimushaj pipis imatapis mana rimapaptin allillana goyäcunanpämi.

Jeremías 32:37 Referans Kwoze

Jeremías 23:3

Ichanga may-chaypapis aywacunanpaj camacächishäpita quiquëmi yapay shuntamushaj. Llapanta shuntarcurmi paycunataga tiyashancunaman cutichishaj. Chaychönami aypallaman miranga.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Ezequiel 11:17

Mastapis cayno ninqui: ‹Tayta Diosmi cayno nin: «Nogami shuntamushayquipaj maymanpis mashtacächishä nasyuncunapita. Intërupita cutiycachimurmi Israel nasyuncho caycaj chacracunataga goycushayquipaj» nir.›

Jeremías 33:16

Chay wichan Judá runacunaga allinami goyangapaj. Jerusalén runacunapis allillami goyanga. Chaymi jutintaga churapangapaj ‹Tayta Diosmi alliman churamajninchi› nir.

Salmos 106:47

¡Tayta Dios salbaycamay ari! ¡Llapan nasyuncunacho carcaycajtapis shuntaycamay llapanë gamta agradësicunäpaj, cushisha alabanäcunapaj!

Zacarías 14:11

Rasunpami Jerusalenchöga runacuna junta tiyangapaj. Yapayga mananami illgächengapänachu. Chaycho tiyajcunaga allinami goyäcongapaj.

Oseas 1:11

Chauraga Judá runacunawan Israel runacuna jucllachacar iwalnami goyanga. Jucnayllatanami mandajnin cananpäpis churanga. Chauraga may-chaypitapis Jerusalenmanmi cutenga. ¡Chay junaj Jezreelchöga fiyupa cushicuymi cangapaj!

Jeremías 23:8

Chaypa ruquenga jurangapaj ‹Israelcunapita mirar aywajcunata norte caj-lä nasyunpita cutichimoj, waquin nasyuncunaman mashtarishanpita shuntamoj Tayta Diospa jutincho jurä› nishpannami. Nircorga quiquincunapa nasyunninchönami tiyacongapaj.»

Zacarías 3:10

Chay junaj chayamuptenga jucniqui-jucniquimi marca-masiquicunawan goturpanquipaj übas yörayqui chaquincho, ïgus yörayqui chaquinchöpis. Munayniyoj Tayta Diosmi chayno në.› »

Sofonías 3:20

Chay wichanga gamcunata pushamushayquipaj. Juc pachallamanmi shuntashayquipaj. Nircorga camacächishaj yapay allina goyänayquipaj. Nogami camacächishaj llapan nasyuncunacho rispitasha rejsisha canayquicunapaj. Noga Tayta Diosmi chayno në.»

Joel 3:20

Judächöwan Jerusalenchömi ichanga imaypis runacuna tiyarcaycangapaj.

Oseas 3:5

Chayno cashanpitarämi Israelcunaga Tayta Diosman cutenga. Davidpita miraj rayninmanpis cutenga. Ushanan watacunachöga fiyupa rispitar aywanga Tayta Diospa ñaupanman. Chaura Tayta Diospis bindisyunnintami churanga.

Jeremías 33:7

Juc-läman gargushä Judäcunatawan Israelcunataga cutichimushämi. Paycunataga wasita jatarachej-jinami jatarachishaj yapay unayno allina goyänanpaj.

Jeremías 31:10

Nasyuncunata Tayta Dios nin: «Noga imata nishätapis wiyay. Nircur lamar cantunpa carucho tiyajcunata willapay. Willapar ninqui: ‹Israel runacunataga Diosmi intëruman mashtacächiran. Cananga shuntaycushpannami ricanga uyshëru uyshancunata ricashanno.›

Jeremías 30:18

Tayta Dios nin: «Jacobpita mirajcunata nogami cutichimushaj. Paycuna tiyashan nasyunninta cuyapäshämi. Juchusha caycaj janancunachömi siudänincunatapis yapay ruranga. Palasyuncunatapis maychöpis cashanchömi yapay jatarachenga.

Jeremías 29:14

Nogaga gamcunawannami caycäshaj. Chaymi gamcunataga may nasyunpitapis, mayman gargusha cashpäpis cashgan cutichimushayquipaj. Shuntamur camacächishäpaj cay nasyunniquiman cutimunayquipaj. Noga Tayta Diosmi chayno në.»

Ezequiel 36:24

Chay nasyuncunapita nogami jorgamushayqui. Shuntarcurmi quiquiquicunapa nasyunniquiman cutichishayquipaj.

Jeremías 16:14

«Juc junäga mananami juranganachu ‹Egiptupita Israelcunata jorgamoj imaycamapis cawaj Tayta Diospa jutincho jurä› nir.

Jeremías 16:15

Chaypa ruquenga jurar nengapaj: ‹Israelcunata norte caj-lä nasyunpita jorgamoj Tayta Diospa jutincho, intëru nasyunman mashtashanpita shuntar cutichimoj Diospa jutincho› nirna. Unay awiluncunata goycushä nasyunman cutimunanpäga nogami camacächishaj.

Jeremías 21:5

Quiquëmi gamcunapaj fiyupa rabyasha cashpä contrayqui pillyashaj. Munayniyoj cashpämi gamcunata magashayqui.

Jeremías 24:6

Ima mana alli chayananpitapis nogami chapäshaj. Cay nasyunmanmi cutichimushäpäpis. Cutiycachimurnami alli goyächishaj. Yapayga manami illgächishäpänachu. Juc pachaman jamaycachir manami jitarishänachu.

Jeremías 32:15

Chayno ruray cay pachacho yapayna chacrata, wasita, übas chacratapis ranticanacunanpaj captinna. Israelcunapa munayniyoj Tayta Diosninmi chayno në.›

Ezequiel 28:25

« ‹Noga Tayta Diosmi cayno në: Nasyuncunacho machicasha caycaj Israelcunata shuntamushämi. Nircorga santo cashäta musyachishaj llapan nasyun runacuna ricaycaptin. Chaura sirbimaj Jacobta goycushä nasyunchömi paypita mirajcunaga tiyacaycärenga.

Jeremías 12:14

Tayta Dios caynömi nin: «Israelcunapa bisïnun nasyun runacunaga acrashä runacunatami pirdichisha. Chaypitami paycunataga noga gargushaj. Judá runacunatapis paycunapita gargushämi.

Ezequiel 20:34

Maychöpis nasyuncunacho, marcacunacho machicasha caycajtami jorgamushayqui. Fiyupa munayniyoj cashäta musyachir, rabyawan castigashpämi shuntamushayqui.

Ezequiel 28:26

Chaychöga allillanami goyangapaj. Wasicunata jatarachenga. Übascunata lantapaconga. Nogami castigashäpaj Israelcunata manacajman churaj bisïnun nasyun runacunataga. Chauraga Israelcunapa noga Tayta Diosnin cashä musyacangami.› »