Jeremías 31:19 - Tayta Diosninchi Isquirbichishan

¹⁹ Mana cäsushpämi gamta gongaycurä. Cananga yarpachacur arpinticushcämi. Juchayoj cashätapis tantiyacushcämi. Chaymi cananga llaquicur pëchöta tacacuycä. Cananga pengay-tucushami uysuraycä, juchata rurashäpita› nir.

Jeremías 31:19 Referans Kwoze

Ezequiel 36:31

Mana allita rurashayquipita, imanöpis goyashayquipita, juchasapa cashayquita yarpärishpayquega quiquiquicunami fiyupa pengacunquipaj.

Jeremías 3:25

Cananga pengacuypita uysurpäshaj. Nogacunaga tacsha cashäpita-pachami mana allillata rurashcä. Nogacunapis, unay caj awilöcunapis gam mana munashayquita rurar juchatami rurashcä. Tayta Dios, gamtaga manami wiyacushcäcunachu.»

Ezequiel 21:12

Runa, gamga gaparaypa gayacuy. Acrashä runacunataga chay sabliwan wañuchinanpämi caycan. Israelpa mandajnincunatapis llapanta wañuchinanpämi caycan. Paycunapis acrashä runacunawan iwal wañunanpämi caycan. Chaymi gamga llaquicushpayqui pëchuyquita tacacuy.

Lucas 18:13

Impuesto cobraj runami ichanga pengacushpan carullacho ichiraycaran. Syëlumanpis mana ricäriyllapis ricärishachu. Chaypa ruquenga fiyupa llaquicur pëchunta tacacushpan mañacuran: ‹Cuyapaycallämay Tayta Dios. Nogaga fiyupa juchasapami cä› nir.

Deuteronomio 30:2

Canan niycashäno llapan shonguyquicunawan, llapan buluntäniquicunawan gamcunapis wamrayquicunapis Tayta Diosta wiyacuptiquega

Zacarías 12:10

Davidpita mirar aywajcunata, Jerusalén runacunataga shacyächishaj cuyapäcoj cananpaj, nogaman yäracamur mañacamunanpaj. Chaypitaga tucsimashanmanmi ricäramonga. Chaymi llaquicur waganga japallan wamran wañushapänöraj, guechpa wamran wañushapänöraj.

Salmos 25:7

Jucha rurashäcunata ichanga ama yarpaycuychu. Mösu car mana allita rurashäta gongaycuyna. Tayta Dios, fiyupa cuyapäcoj alli car yarpaycamay ari.

Esdras 9:6

nirä: «Tayta Diosnillä, Tayta Diosnillä fiyupami pengacuycä. Manami musyächu imano ruwacuytapis. Fiyupa mana allita rurashäcunaga maychicashi cacunpis. Juchata rurashäcunapis yamacächishunquinami.

2 Timoteo 2:25

Contran jatarejcunata alli shimillanpa tantiyachej canman. Tantiyachiptin capaschari tantiyacur Tayta Dios munashannönapis goyanman.

Romanos 6:21

Chayno mana allicunata rurar ¿imatataj jorgushcanqui? Tantiyacuriptiquega chay rurashayquicuna llapanpis pengaypämi caycan. Chayno cawashayquipitami wañuyman chayanayquipaj caycarayqui.

Lucas 15:30

Chay guella wamrayqui guellaypaj cacoj warmicunawan guellayniquita usharcushpan chayaycamuptin ichanga werannin töru-mallwataraj pishtaycachinquipis› nir.

Ezequiel 36:26

Gamcunataga mushoj shongutami goshayqui. Mushoj espiritutapis goshayquimi. Gamcunapa rumi shonguyquitaga jorgushämi. Nircorga alli shongutanami churashaj.

Ezequiel 23:3

Chay warmicunaga wamra jipash cashanpita-pachami Egiptucho jucwan-jucwan cacuran. Chaychömi chuchuncunata yatapaptinpis dëjacuran. Chaynöpami donsëlla caynintapis pirdichiran.

Ezequiel 6:9

Chay cawaycar quëdajcunaga prësu aywashan nasyuncunacho tiyashpan nogata yarpäramanga. Yarpärenga paycuna mana wiyacamaptin imano ñacashäta, nogata cachaycamar melanaypaj ïduluncunata aduraj aywacushantapis. Paycunaga melanaypajcunata quiquincuna rurashanta yarpärir pasaypami pengaconga.

Jeremías 32:30

«Unaypita-pachapis Israelcunawan Judá runacunaga mana munashallätami rurasha. Israelcunaga imaypis rabyachimasha quiquincuna ïduluncunata rurarcur adurashpanmi.

Jeremías 22:21

Alli goyaycashayqui wichallannami nogaga willaparä. Ichanga manami wiyacurayquichu. Wamra cashayquipita-pachapis mana wiyacojmi cashcanqui. ¡Noga willapashätaga manami wiyaytapis munashcanquichu!

Isaías 54:4

Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

Job 20:11

Timpullanchöraj caycar wañonga.

Job 13:26

Castigamaptiquimi llaquicur wagar goyaycä. Mösu car jucha rurashäcunapita ñacaycächimanqui.

Salmos 119:67

Manaraj mandamintuyquicunata wiyacushäcamaga achcatami llutancunata rurarä. Cananmi ichanga palabrayquicho nishannöna cumliycä.

Ezequiel 21:17

Nogapis maquëta jitashämi rabyasha caycashä pascacänancama. Noga Tayta Diosmi chayno nishcä.› »