Jeremías 31:15 - Tayta Diosninchi Isquirbichishan

¹⁵ Tayta Diosmi nin: «Ramá marcachömi llaquicushan wiyacan. Llaquicuypita fiyupa gaparaypami wagaycan. Raquelmi wamrancunata apacushanpita fiyupa wagaycan. Wamrancuna manana captinmi pï shoganantapis mana munanchu.»

Jeremías 31:15 Referans Kwoze

Jeremías 40:1

Caychöga isquirbiraycan Tayta Dios Jeremiasta willapashancunami. Suldärucunapa mandajnin Nabuzaradanga Jeremiasta Ramá marcacho tariran cadinawan watasha prësu aywaycajta. Payga chaycho caycaran Babiloniaman apananpaj caycaj Jerusalén runacunawan Judá runacunawan iwalmi. Chaura Nabuzaradanga pascarir

Salmos 77:2

Llaquisha caycashä öra Tayta Diosta mañacö. Chacaycuna mañacushpä mana jamaypami maquëcunata jogarirä. Chayno mañacuptëpis manami cushicachimannachu.

Génesis 35:19

Raquelga chaynömi wañuran. Chaura Efrata marcaman näni aywajpa ñaupanman pampaycäriran. Chay marcapami cananga jutin Belén.

Jeremías 10:20

Tiyana toldöcunapis ushajpämi tunisha. Wascancunapis rachir-ushacashami. Wamräcunapis ushajpämi aywacusha. ¡Manami cannachu! Manami pïnëpis cannachu yapay toldöcunata ichichinanpaj, ni tolduwan gatananpäpis.

Isaías 22:4

Chaymi nirä: «Ñaupäpita witicuy-llapa. Fiyupa llaquicurmi wagaj-aywä. Marcä mana alliman chayashanpita wagaycä. Ama shogamaychu-llapa.»

Génesis 42:13

Chayno niptin wauguincunaga niran: «Nogacunaga cä chunca ishcay (12) wauguimi juc taytapa wamrallan. Llapanëpis tiyä Canaán partichömi. Shullca caj wauguëga papänëwanmi quëdamusha. Mas jucmi ichanga illgasha.»

Génesis 37:35

Llapan wamrancuna warmi caj, ollgu cajpis shogaran. Ichanga mana munaranchu maygan shoganantapis. Wamranpäga amatar wagaj. Chayno wagashpanmi cayno niran: «Wamräta lütushaj imaypis wañunäcamami, wañur tincunäcama.»

Lamentaciones 5:7

Papänëcunami juchataga ruraran. Paycunaga mananami cannachu. Paycunapa juchanpitaga nogacunami castïguta chasquiycä.

Génesis 42:36

Chaypita Jacobga wamrancunata niran: «Gamcunaga nogata cachaycämanqui wamraynajllatanami. Cananga noganchïwan mana cannachu Josëpis ni Simeonpis. Cananga Benjamintana guechumaj-aywanqui. Imapis nogapäga manami allinachu.»

Ezequiel 2:10

Chay maquiga ricapaycaptë rölluta pachgariran. Ishcan-läpami isquirbisha caycaran. Chay isquirbishaga caycaran: llaquicuypaj, nanächicur wagaypaj nishancunami.

Salmos 37:36

Chayno caycashanpitami illgacäcusha. Chauraga ashirpis mananami tarishcänachu.

Job 7:21

¿Manachu juchäta perdunamanquiman? ¿Manachu mana allita rurashäta perdunamanquiman? Manapis aycällatanami wañucushaj. Ashimaptiquipis manami cashänachu.»

1 Samuel 7:17

Nircur Ramäman cuticoj. Chayllapitana llapan Israelcunata mandaj. Chaynöpis Tayta Diosta rispitananpaj chaycho juc altarta ruraran.

Josué 18:25

Waquin chasquishan siudäcuna caran Gabaón, Ramá, Beerot,

Génesis 5:24

illgaran. Tayta Dios munashanno cawasha captinmi paytaga Dios apacuran.

Jueces 4:5

Deboraga imaypis jamaraj palma yörapa chaquincho. (Chaymi llapan rejsiran «Deborapa palma yöran» nir.) Chay yöraga caran Efraín trïbupa chacrancuna caj jircacho, Ramäwan Bet-el tincojcho. Chaura Israelcunaga paymanmi aywaj imapitapis arreglananpaj.

Isaías 10:29

Mayuta päsaycämun. Geba partichöna pachacun. Ramá runacuna fiyupa manchariycan. Saúl tiyashan Gabaacho tiyajcunaga gueshpir aywacuycan.