Jeremías 23:28 - Tayta Diosninchi Isquirbichishan

²⁸ Chay profëtacuna suyñushallanta willacuyta munarga willacuchun. Noga willapashä cajcuna ichanga willapashänölla willacuchun. Päjapita rïgu mas bälishannömi willacuynëpis mas bälin.

Jeremías 23:28 Referans Kwoze

1 Timoteo 1:12

Taytanchi Jesucristumi imaypis yanapämasha. Chaymi payta agradësicö alli runata-japuy acramashanpita, willacuyninta willacur purinäpaj churamashanpita.

2 Corintios 2:17

Nogacunaga manami pägapächu Tayta Diospa alli willacuyninta willacö. Waquinmi ichanga pägapaj willacun. Tayta Diosninchi cachamaptinmi Jesucristupaj willacur puriycä. Rasunta rimashätaga quiquin Tayta Diosninchïpis musyaycanmi.

Lucas 12:42

Niptin Jesús niran: «¿Piraj tincun alli uywayman, tantiyaj uywayman? Alli uyway captin, tantiyaj uyway captenga patrunnin churan llapanninta ricananpaj. Chauraga paynami örancho waquin cajta garachin.

Mateo 24:45

«¿Piraj tincun alli uywayman, tantiyaj uywayman? Alli uyway captin, tantiyaj uyway captenga patrunnin churan llapanninta ricananpaj. Chauraga paynami örancho waquin cajta garachin.

Proverbios 14:5

Alli testïgoga mana llullacuyllapami riman. Alman ranticojcunami ichanga manacajtapis rasun-rasullantaraj rimaycun.

1 Corintios 4:2

Imatapis rurananpaj churaptin alli sirbëga yäracuypaj cashantami musyachin.

Jeremías 9:12

¿Imapitataj chay nasyun mana alli, chaquisha, chunyaj pipis mana purinan caycan? ¿Pitataj Tayta Dios willapasha chayta willacunanpaj? Imanir chayno päsashantapis musyananpaj ¿pitaj musyaj-yachaj caycan?

Jeremías 9:20

Tayta Dios nishanta sumaj wiyay warmicuna. Pay imata willapäshushayquitapis sumaj yarpay. Wamrayquicunata yachachiy wagayta. Warmi-masiquicunatapis yachachiy cayno llaquicunanpaj:

Jeremías 23:25

«Nogaga wiyashcämi chay llutan profëtacuna llullacuypa nogapa jutëcho willacur ‹Suyñushcämi. Suyñuynëchömi willapämasha› nir willacuycajta.

Jeremías 42:4

Chayno niptin Jeremías niran: «Au, nimashayquinömi gamcunapaj Tayta Diosta mañacushaj. Nircur pay nimashantaga juctapis mana pacaypa llapantami willashayqui.»

Ezequiel 13:3

Tayta Diosga caynömi nin: Ay imanöraj canqui yarpayniynaj profëtacuna. Imatapis mana musyaycächiptëmi paycunaga quiquincuna yarpashallanta willacurcaycan.

1 Reyes 22:14

Chayno niptin profëta Micaías niran: «¡Nogaga Tayta Diospa jutinchömi jurä: Tayta Dios nimashallantami rimashäga!»

1 Reyes 22:16

Chaura rayga niran: «¿Ayca cutitaj nishayqui Tayta Diospa jutincho rasun cajllata willamänayquipaj?»

Isaías 21:10

Rïguta ërar lluchcar-ushashanno caycaj marca-masëcuna, nogaga willaycä munayniyoj Tayta Diosninchi nimashantami.