Jeremías 23:10 - Tayta Diosninchi Isquirbichishan

¹⁰ Cay nasyunchöga juchallatami rurarcaycan majayoj-masincunawan cacushpan. Mana allita rurananpäga bïbumi. Paycuna chayno cashanpitami cay nasyuntaga Tayta Dios maldisyunaycusha. Chauraga allpapis chaquicäcushami. Chunyajcho wiñamoj guewacunapis rupacäcushami.

Jeremías 23:10 Referans Kwoze

Salmos 107:34

Alli chacracunatapis agushman ticrachin chaycho tiyajcuna mana allita ruraptin.

Jeremías 9:10

Jircacunachöpis atayparämi wagashaj. Pashpacunachöpis llaquicuywan wagashpä cantashaj. Chaycunaga ushajpaj rupashami caycan. Chaypaga manami pipis purinnachu. Wäcacuna büyashallanpis manami wiyacannachu. Äbicunapis jirca animalcunapis chaypitaga gueshpirmi aywacusha.

Jeremías 9:2

¡Ojalä chunyajcho wasë canman chaycho tiyacunäpaj! Chauraga marca-masëcunata cachaycur caruchömi tiyacöman. Paycunaga llapanpis pasaypa juchasapallanami carcaycan. Paycunaga llapanpis Diostami chiquicurcusha.

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Isaías 24:6

Chaypitami castïgu chayamur cay pachataga usharisha. Chay castïguwanmi cay pachacho tiyajcunapis ñacaycan. Chaypitami cay pachacho tiyajcuna ushacasha. Wallcallanami runacunaga cawaycar quëdasha.

Santiago 4:4

¡Diosta mana wiyacoj runacuna! Mana allicunata ruraycarga ¿imanirtaj yarpanqui Tayta Dios munashanno goyaycashayquita? Mana allicunata rurarga Tayta Diosninchïtami chiquircaycanqui.

Hebreos 13:4

Llapayqui majayoj caycajcuna majayquiwan cuyanacur alli caway. Majayquita jananpar jucwan ama cacuychu. Tayta Diosninchëga jusgangami majanta jananpajcunata y majaynaj caycar jucwan-jucwan cacojcunatapis.

1 Timoteo 1:10

jucwan-jucwan cacojcunapaj, ollgu-pura cacojcunapaj, uyway cananpaj runa-masinta ranticojcunapaj, llullacunapaj, y manacajpita jurajcunapäpis. Chayno cawajcunaga Tayta Diosninchïpa alli yachachicuyninta manami wiyacunchu.

Joel 1:10

Chacracunapis gallpallanami caycan. Llapan chacrami llaquisha caycan. Rïgupis shuntananpaj manami cashanachu. Übas yöra chaquiptin bïnupis manami cannachu. Olivo yöracuna chaquiptin asëtipis manami cannachu.

Jeremías 14:2

«Judá runacunaga llaquicuywanmi wagarcaycan. Siudäcunacho tiyajcunapis fiyupami llaquicurcaycan. Runacunaga llaquicuywan pampachömi goturpaycan. Jerusalencunaga nanaywanmi gaparpaycan.

Jeremías 7:9

Gamcunaga suwacurcaycanqui, wañuchicurcaycanqui runa-masiquipa warminwan cacurcaycanqui, llullacuypa jurarcaycanqui, insinsuwan Baal diosta saumaycächinqui. Gamcunaga juc-lä runacuna «diosnë» nir adurashantami adurarcaycanqui.

Levítico 5:1

«Pitapis ricashanta, wiyashanta cärananpaj gayachiptin mana cärarga paypis juchayojmi ricaconga.

Isaías 5:18

Ay imanöraj canqui llullacuypa mana allita apaycämojcuna, jucha rurayta garchaycämojcuna.

Jeremías 9:12

¿Imapitataj chay nasyun mana alli, chaquisha, chunyaj pipis mana purinan caycan? ¿Pitataj Tayta Dios willapasha chayta willacunanpaj? Imanir chayno päsashantapis musyananpaj ¿pitaj musyaj-yachaj caycan?

Jeremías 12:11

Chaymi pasaypa garayashata cachaycärisha. Cuyapaypaj llaquicurcaycajtami nogaga ricaycä. Nasyun intërumi chunyaj caycan. Chaypis manami mayganpis yarpachacunchu.

Oseas 7:4

Paycunaga llapanpis pasaypa shanaripacushami carcaycan. Wayllasha jurnu mana gasashannömi carcaycan. Tanta ruraj runa wayllasha jurnuta junta waycupaycur manana waycapashannömi carcaycan.

Esdras 10:18

Juc-lä nasyun warmicunawan tiyarcaycaj cüracunaga caran cayno jutiyojcunami: Josadacpa wamran Josuëpita mirajcuna famillyancunawan caran: Maasías, Eliezer, Jarib, Gedalías.

Jeremías 6:13

«Rucupis wamrapis yarparcaycan mana allita ruraypa imatapis tariyllatami. Profëtacunapis cüracunapis engañacojllami.

Sofonías 3:4

Profëtayquicunaga carcaycan mana rispitacoj, engañacoj. Cüracunapis Tayta Diosta aduranan Templuta ganraycächin. Tayta Diospa laynincunatapis manami cumlinchu.