Jeremías 22:7 - Tayta Diosninchi Isquirbichishan

⁷ Nogaga pasaypa ushananpämi runacunata cachamushaj. Chay runacunami ushajpaj illgächengapaj. Chay runacunami muturgärenga pilancuno jatusaj sedru ichirpaycajcunata. Nircur ninaman rupaycärachenga.

Jeremías 22:7 Referans Kwoze

Isaías 37:24

Cachayquicunawan ashllichimarmi cayno nimashcanqui: «Yupaytapis mana atipaypaj aypalla carrëtäcunawanmi yaycushcä intëru puntancunapapis. Mana pipis yaycunan Líbano jircacunamanpis yaycushcämi. Mas cuyayllapaj pïno gueruncunatapis, jatunnin sedru gueruncunatapis sajtashcämi. Chayashcämi altunnin jircancunaman, may-may muntincunamanpis.

Jeremías 21:14

Chaymi imatapis rurashayquimanno castigashayqui. Ima-aycayquitapis rupaycachishämi. Llapantami ninaga rupacurcongapaj. Noga Tayta Diosmi chayno në.»

Mateo 22:7

«Chaura mandäga fiyupa rabyarshi suldäruncunata cachasha. Paycunashi aywaycur wañuchisha. Nircur marcancunatapis rupachir-ushasha.

Zacarías 11:1

¡Líbano, puncuyquicunata quichay. Sedru gueruyquicunatapis ninami rupacurconga!

Jeremías 5:15

Tayta Diosmi cayno nin: «Israelcuna, gamcunata magashunayquipämi caru runacunata pushamushaj. Chay runacunaga fiyupa callpayoj, unay cajcunami canpis. Gamcunaga rimaynintapis manami yachanquichu. Chaymi imata nishantapis mana tantiyanquipächu.

Jeremías 15:8

Biyüdacunapis aypallami canga lamar cantuncho caycaj agushpitapis masraj. Las-dösi intimi mamantinman llapan mösucunamanga wañuyta cachamushaj. Paycunamanga illajpitami manchariytawan llaquicuytapis chayachishaj.