Jeremías 21:11 - Tayta Diosninchi Isquirbichishan

^11-12 «Davidpita mirar aywaj Judäpa raynincunata willanqui noga nishäta: «Waran-waran alli cajllata ruray. Ñacachejcuna ñacarcaycächishanta jorguy. Man'chäga mana allita rurashayquipitami nina ratarejnöraj fiyupa rabyacurcushaj. Chaura rabyashäpitaga ninata upichiyta mana camäpacushanno pipis manami allchacächimangachu.

Jeremías 21:11 Referans Kwoze

Jeremías 17:20

Cayno willacunqui: ‹Judäpa raynincuna, Judá runacuna, Jerusalencho tiyaj runacuna Tayta Dios nishanta sumaj wiyay-llapa.

Miqueas 3:1

Sumaj wiyay-llapa: Israelcunapa autoridänincuna, mandajnincuna, gamcunaga ¿manachu alli cajta ruranquiman?

Jeremías 13:18

Raytawan maman raynata niy: «Umayquipita corönayqui shicwasha captinmi munayniynajna caycanqui. Chaymi silluncho jamaraycashayquipita jatarcur pampaman jamacuy» nir.

Jeremías 22:1

Tayta Dios nimaran: «Jeremías, ayway raypa palasyunman. Chaychöna David jamarashancho jamaraycaj Judäpa rayninta, llapan mandäshejnincunata, llapan runacunatapis noga cayno nishäta willacunqui:

Jeremías 22:18

Chaypitami Josiaspa wamran Judäpa raynin Joacimpaj Tayta Dios cayno nin: «Pay wañuptenga manami pipis wagangapächu. Manami pipis ‹¡Wauguillau! ¡Pañillau! ¡Ay taytallau! ¡Ay mandajnillau!› nir wagangapächu.