Jeremías 2:36 - Tayta Diosninchi Isquirbichishan

³⁶ ¿Imanirtaj apurä purinqui yanapäshoj nasyuncunata rucachinayquipaj? Asiria runacuna illajpita llullapäshushayquinömi Egipto runacunapis rurashunquipaj.

Jeremías 2:36 Referans Kwoze

Jeremías 31:22

¿Imaycamataj puricunqui mana wiyacoj jipashno? Cay munduchöga noga Tayta Diosmi almiraypajcunata camacächishaj: Runanman warmi cutejnömi gamcunaga nogaman cutimunquipaj.»

Oseas 5:13

«Efraín runacunaga musyanmi gueshyarcaycashanta. Judá runacunapis musyanmi gueriwan gueshyaycashanta. Chaymi Efraín runacunaga aywaran Asiria nasyunman, chay nasyunpa raynin yanapänanpaj ruwacushpan. Chay rayga manami allchacächiranchu. Ni guerincunatapis manami jampiparanchu.

Oseas 12:1

Efraín runacunaga masta-mastami llullacuycan. Fiyupanami wañuchinacurcaycan. Paycunaga wayrallata goyarpoj gatirajnömi manacajcunallata rurarcaycan. Wayrata upoj-japuyllami carcaycan. Asiria runacunawan parlacorga chaytami ruraycan. Egiptumanpis garayninta asëtita apaycächin.»

Jeremías 2:23

«¿Imanöpataj ninquiman: ‹Manami ganracushcächu. Manami aywashcächu Baalcunata adurajpis› nir? Chauraga guechwa pampacho imata rurashayquitapis mä yarpäriy. Rurashayquicunataga reconösiy ari. Manta camëllo wichaypa uraypapis cörricachajnömi cashcanqui.

2 Crónicas 28:16

Chay wichan ray Acazga Asiriapa rayninman cachata cacharan «yanapämay» nir.

Oseas 14:3

Asiria runacunaga manami salbamangapächu. Cawallucunawanpis pillyamanga manami aywashäcunachu. Quiquëcuna rurashätaga mananami imatapis ‹diosnë› nishänachu. Tayta Dios gamllami wacchacunatapis cuyapanqui» nir.

Oseas 10:6

Chay törutaga Asiriamanmi apanga munayniyoj rayta goycunanpaj. Chaynöpami Efraín runacunaga pengaycho ricaconga. Israelcunaga pengaconga ïduluncunata adurashanpitami.

Oseas 7:11

Efraín runacunaga caycan upayasha caycaj palumanömi. Egipto runacunata ruwacun yanapänanpaj. Nircorga Asiriamanna aywan.

Ezequiel 29:7

Charicurcushuptiqui paquicäcur challcurishcanqui. Gamman tucnacamuyta munaptin paquicäcushpayqui tunichishcanqui.

Lamentaciones 5:6

Micunäcunapäpis maquëta chojpacur mañacöcuna Egipto runacunata, Asiria runacunata.

Lamentaciones 4:17

Yanapämänanchïpaj yarpashpanchïmi shuyaraycanchi mana salbamänanchïpaj caj nasyunta. Shuyarar ricchacuycashallanami ñawinchïpis uticasha.

Jeremías 37:7

«Tapucamänanpaj cachamushoj Judäpa rayninta willanqui. Gamcunata yanapäshunayquipaj faraonpa suldäruncuna aywamöga Egiptumanmi cuticonga.

Jeremías 2:33

«Juccunata cuyanayquipaj ashiytaga sumajmi yachanqui. Chaymi guellaypaj cacoj warmicunapis gampita yachacusha.

Jeremías 2:18

Cananga ¿ima allitataj jorgunqui Egiptuman yäracur, Nilo mayu yacuta upushpayqui? ¿Ima allitataj jorgunqui Asiriaman yäracur, Éufrates mayu yacuta upushpayqui?

Isaías 20:5

Chayrämi Etiopiaman yäracoj Filistea runacunaga fiyupa mancharenga. Pengaconga Etiopía runacuna imano caycashantapis ricar. Egipto runacunaman yäracur paycunaga alli-chölu-tucuran.

Jeremías 46:12

Intëru nasyun runacunanami musyarcaycan manacajman churasha cashayquita. Intëru nasyunmanmi wiyacaycan gaparpashayqui. Pillyajniquicunaga quiquin-purami tacanacusha. Nircur ishcanmi cuchpasha.»

Ezequiel 16:28

Chayno pengaypaj ruraycarpis manami yamashcanquichu. Chaypa ruquenga Asiria runacunawanpis amistäta rurar cacushcanqui. Chaypis manami yamacarayquichu.

Jeremías 22:20

«Judá runacuna, yanapäshunayquipaj nasyun runacunaga llapannami ushacasha. Chaymi Líbano puntaman wicharcushpayqui wagay. Basán jircacunachöpis atay. Abarim parti puytush lömacunapitapis gaparpay.

Jeremías 22:22

Mandajniquicunataga wayranömi wacpa-caypa apaconga. Yanapäshunayquipaj parlacushayquicunapis prësumi aywanga. Chayrämi llapantapis mana allita rurashayquipita pengacushpayqui uysurpanquipaj.