Jeremías 18:23 - Tayta Diosninchi Isquirbichishan

²³ Tayta Dios, gamga musyaycanquimi paycuna wañuchimänanpaj parlacushanta. Chayno fiyu cashanpita, juchata rurashancunapitaga ama perdunaychu ari. Fiyupa rabyasha castigaycuy ari. Chaynöpa paycunaga mana alliman chayachun.

Jeremías 18:23 Referans Kwoze

Salmos 35:4

Wañuchiyta munamajcunaga pengaycho quëdachun. Mana allita ruramayta munajcunaga pengay-tucusha gueshpichun.

Isaías 2:9

Chayno manacajcunata rurarmi juchayoj caycan. Chayno cashanpitaga amana perdunaynachu.

Romanos 2:5

Gammi ichanga canqui rumi shongu. ¿Imanirtaj jucha rurayta mana cacharinquichu? Jucha rurayta mana cachariptiquega Tayta Diosninchi fiyupa rabyar llapan juchayquipitami jusgar castigashunquipaj.

Lucas 21:22

Chay wichanga fiyupami castïgu canga. Chayno ruraptinmi Tayta Dios isquirbichishan llapan cumlenga.

Jeremías 18:18

Runacunaga ninacuran: «Jeremiasta calumyananchïpaj parlacushun. Pay manana captinpis cüracunaga manami pishengapächu yachachimänanchïpaj, musyajcuna willapämänanchïpaj, profëtacunapis Dios nishanta willamänanchïpaj. Jeremiastaga tucuynöpa calumyashun. Pay imata willapämashapis ama wiyaj-tucushunchu.»

Jeremías 15:15

Tayta Dios, gamga llapantami musyanqui. Nogata yarpäramay ari. Yanapämänayquipaj shaycamuy ari. ¡Gaticachämajcunata ayñita cutichiy! Paycunataga ama cuyapaychu ari. Nogata wañuchimänantaga ama munaycuychu. Tayta Dios, gam-raycumi tucuyta gayapämaptinpis awantacö.

Jeremías 11:23

Anatot runacunata jusganä junaj chayamongapänami. Paycunaga ñacachiptë ushajpämi ushacangapaj. Manami ni jucnayllapis quëdangachu.»

Jeremías 8:12

¿Fiyupa melanäcushä cajta rurarcur paycunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayanga. Noga Tayta Diosmi chayno në.

Isaías 10:3

Chayno car gamcunaga ¿imataraj ruranquipaj jusgashushayqui öra? Carupita castïgu chayashuptiqui ¿pitaraj mañacunqui? Riquësayquicunatapis ¿maymanraj churanqui?

Salmos 59:5

Tayta Dios, gammi munayniyoj Dios canqui. Gammi Israelcunapa Diosnin canqui. Riccharcur castigay ari mana rispitashojcunataga. Ama cuyapaychu fiyu runacunataga. Selah

Salmos 119:126

Tayta Dios jusganayquipaj caj diya chayamushanami. Mana wiyacojcunaga yachachicuyniquita manami cumlishachu.

Jeremías 6:15

¿Fiyupa melanäcushä cajta rurashanpita quiquincunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayangaga.» Tayta Diosmi chayno nisha.

Jeremías 6:21

Chayno cashanpitami cay runacunapäga camacächishaj mana alliman chayananpaj. Chaynöpami wañur ushacanga taytanpis wamranpis bisïnunpis rejsinacushanpis.» Tayta Diosmi chayno nisha.

Jeremías 7:20

Chaymi fiyupa rabyasha caycashä päsananpaj caycho tiyarcaycaj runacunata castigaj-aywä. Castïgu chayanga llapan uywancunaman, llapan yöracunaman, llapan micuynincunamanpis. Chaynöpami rabyashäga cangapaj nina ratarir mana upejno.»

Jeremías 17:4

Partisyun goycushä nasyuntapis cachaycärinquipämi. Quiquiquicunapis mana rejsishayqui nasyunchömi contrayquicunapa uywaynin canquipaj. Nogaga fiyupami gamcunapaj rabyasha caycä. Chaymi nina fiyupa ratarir mana upejno ushajpaj usharishayquipaj.»

Jeremías 26:8

Tayta Dios nishanta willayta ushaycuptin cüracunapis, profëtacunapis, llapan runacunapis Jeremiasta prësu charicarcärir cayno niran: «¡Cananga wañunquimi!

Jeremías 26:11

Chaura cüracunawan profëtacunaga chaycho caycaj runacunatawan mandajcunata niran: «Payga rimasha siudä illgächisha cananpämi. Quiquiquicunapis wiyashcanquimi. ¡Payga wañuchicächun!»

Jeremías 37:15

Chay mandajcunapis Jeremiaspaj fiyupa rabyacurcuran. Chaymi fiyupa magarcachir acta ruraj Jonatanpa wasincho caycaj carsilman wichgachiran. Chay Jonatanpa wasintami carsilman ticrachicarcärisha caran.

Jeremías 38:4

Chayno nishanpitami mandajcunaga rayta niran: «Chay runataga wañurachishun. Chayno rimashpanga siudächo caycajraj suldärucunatapis, llapan runacunatapis manchariycächinmi. Cay runaga manami munanchu marcanchi alli cananta. Chaypa ruquenga mana alli chayamänanchïtami munan.»

Salmos 56:8

Ayca cuti gueshpishallätapis gamga musyaycanquimi. Ayca cuti wagashallätapis gamga ricamashcanquimi. Chaycunataga gammi libruyquicho apuntaraycächinqui.

Jeremías 17:18

Nogata gaticachämajcunata ichanga pengayman churay. Nogataga ama pengayman churamaychu. Paycuna ricacuchun fiyupa mancharisha. Nogaga ama mancharishächu. Paycuna llaquicuychöpis cachun. Paycunataga fiyupa castigar ushariy.

Lamentaciones 3:60

Gamga ricaycanquimi imata rurayta munaycämashantapis, nogapa conträ imano rurananpaj yarpaycashantapis.

Lamentaciones 3:61

Tayta Dios, masqui wiyaycuy conträ imano rimarcaycashantapis, imata ruramänanpaj yarpaycashantapis.