Jeremías 18:21 - Tayta Diosninchi Isquirbichishan

²¹ Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Jeremías 18:21 Referans Kwoze

Amós 4:10

«Egiptuman yurichishäno castïgutami gamcunamanpis chayachimurä. Nogami camacächishcä gamcunacho caycaj mösucuna guërracho wañunanpaj. Camacächirä cawalluyquicunata chiquishojcuna guechurishushpayqui apacunanpaj. Nogami camacächirä pillyacho wañoj runacuna ismushan asyaytapis tiyarcaycashayquicho mayanayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Lamentaciones 5:3

Taytaynaj wacchanönami ricacushcäcuna. Mamäcunapis biyüdanönami ricacusha.

Jeremías 15:8

Biyüdacunapis aypallami canga lamar cantuncho caycaj agushpitapis masraj. Las-dösi intimi mamantinman llapan mösucunamanga wañuyta cachamushaj. Paycunamanga illajpitami manchariytawan llaquicuytapis chayachishaj.

Jeremías 9:21

«Wasinchïcunaman wañuymi chayamusha. Palasyunchïcunamanpis chayasha. Wamranchïcunata cällicunacho wañuchin; mösucunatana läsacunacho.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.

Éxodo 22:24

Chaymi fiyupa rabyacurcur wañuchishayquipaj. Chaura gamcunapa warmiquicunami biyüda quëdanga. Wamrayquicunami waccha quëdanga.

2 Timoteo 4:14

Jirrëru Alejandrumi fiyupa conträ ricacusha. Chayno cashanpita Tayta Diosninchïmi jusganga.

Jeremías 12:3

Tayta Dios, gamga nogata rejsimanquimi. Ricamashpayqui musyanquimi gamllaman yäracamushäta. Chay runacunataga uyshata pishtananpaj apashanno shuntay ari. Nircur churay imay junaj wañunanpäpis.

2 Crónicas 36:17

Chaynöpami Tayta Diosga camacächiran Caldea nasyunpa raynin aywaycur Judá runacunata wañuchinanpaj. Chay runacunaga cuchuypa llapanta wañuchiran jinan Templucho. Manami cuyaparanchu mösucunata, jipashcunata, auquincunata, gueshyajcunatapis. Llapantami Tayta Diosga cachaycuran Caldea runacuna wañuchinanpaj.

1 Samuel 15:33

Chayaptin Samuel niran: «Gamga sabliquiwanmi achcaj warmicunapa wamranta wañuchishcanqui. Cananga mamayquipis wamraynajmi quëdanga.» Samuel chayno nir Agagtaga ichic-ichiclla cuchuran Tayta Diospa ñaupancho, Gilgalcho.

Salmos 63:10

Paycunaga wañonga sabliwan tucsiypami. Chaytanami atojcunapis miconga.

Isaías 9:17

Chaypitami Tayta Diosga mösucunata mana cuyapashachu. Wacchacunata ni biyüdacunatapis mana cuyapashachu. Chayno mana cuyapashachu llapanpis mana yäracojlla, mana allita rurajcunalla cashanpita, llapanpis manacajcunallata parlashanpitami. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Isaías 13:18

Mösucunatapis lëchawanmi wañurgärachenga. Manami cuyapangachu chayraj yurisha caycaj iticunatapis. Manami llaquipangachu jatullan wamracunatapis.

Jeremías 14:16

Chay profëtacuna llullapashan runacunapis guërrachömi, muchuywanmi wañonga. Wañonga warminwan ollgu warmi wamrancunawan iwal. Chauraga Jerusalenpa cällincunacho wañushami jitarpäconga. Pipis manami pampananpaj cangapächu. Juchanpitami chayno castigashaj.

Jeremías 15:7

Rïgu päjata jorquëtiwan jitajnömi gamcunataga siudäniquicunapita jorgurcur jitarishayqui. Gamcuna tiyashayquega chunyajmi quëdanga. Mana alli ruraycunata mana cachashayquipitami illgächishayqui.

Jeremías 50:30

Chaypitami llapan mösuncuna cällicunacho wañusha mashtarpanga. Chay junajmi llapan suldäruncunapis wañonga. Noga Tayta Diosmi chayno në.

Lamentaciones 1:15

«Tayta Diosga yagarachisha washämaj jinyu runacunata. Paymi cachamusha magamänanpaj jäpa suldärucunatana, paycuna nogapa jinyu suldäröcunata wañuchinanpaj. Tayta Diosga llapiramasha juc runa bïnupaj übasta gapchirishannömi.

Ezequiel 16:38

Chaycho jusgarmi castigashayquipaj majayoj caycar majayojcunawan cacojtano, wañuchicojtano. Nircorga fiyupa rabyasha cashpämi wañunayquipaj nishaj.

Ezequiel 22:25

Profëtayquicunaga rabyar gaparpan aychata rachipänacunanpaj liyuncuna gaparpajnöraj. Paycunaga runacunata wañurachin. Bälej cösancunata, ima-aycantapis guechun. Chaymi runacuna wañuptin biyüdacunapis achca quëdan.

Salmos 63:11

Raymi ichanga cushicongapaj Tayta Dios yanapashanpita. Tayta Diospa jutincho juraj cajcunaga alabashpanmi cantanga. Llullacojcunatami ichanga shimintapis chaparconga.

Isaías 9:16

Chay mandajcunaga engañacojcunami. Tantiyachinanta munajcunapis pantacashami carcaycan.