Jeremías 17:7 - Tayta Diosninchi Isquirbichishan

⁷ «Nogallaman yäracamoj runami ichanga bindisyunta chasquenga.

Jeremías 17:7 Referans Kwoze

Salmos 34:8

Tayta Dios fiyupa alli cashanta musyanayquipaj masqui camay. Cushishami cawanga payman yäracojcunaga.

Salmos 40:4

Cushishami cawanga Tayta Diosllaman yäracöga, alli-tucojcunata mana tapucöga, ni ïdulucunamanpis mana riguëga.

Salmos 125:1

Tayta Diosman yäracojcunaga Sión lömanömi carcaycan. Sión lömataga manami pipis cuyuchinchu. Imay-yajpis chaynöllami caycan.

Isaías 30:18

Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Proverbios 16:20

Tayta Dios nishanta wiyacorga allichömi canga. Tayta Diosman yäracojcunaga cushishami canga.

Salmos 84:12

Munayniyoj Tayta Dios, ¡cushisha cawachun gamman yäracamojcunaga!

Salmos 146:5

Jacobpa Diosnin yanapashan runaga cushishami cawanga. Tayta Diosllaman yäracoj runaga cushishami cawanga.

Salmos 2:12

Paypa ñaupanmanga sicsicyar gongurpacuy. Mana rispitaptiquega jinan örami rabyacurcunman. Chaura wañunquimanmi. Cushishami cawanga Tayta Diosman yäracojcunaga.

Efesios 1:12

Rimëruga camacächisha nogacunaraj Jesucristupa alli willacuyninta chasquicunäpaj, pay munayniyoj cashanpita alabanäpaj.

Salmos 71:5

Tayta Dios gammanmi mösu cashäpita-pachapis yäracaycämö. Gammi imapitapis chapämashcanqui.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Jeremías 39:18

Nogami camacächishaj mana wañuchishunayquipaj. Gamga nogaman yäracushayquipitami cawaycar quëdanquipaj. Noga Tayta Diosmi chayno në› nir.»

Daniel 3:28

Chaura Nabucodonosorga niran: «¡Sadracpa, Mesacpa, Abed-negopa Diosnenga alabasha cachun! Paymi anjilninta cachamuran sirbejnincunata salbananpaj. Paycunaga Diosnillanta adurayta munashpanmi mana rurashachu noga nishätaga. Diosninta cachaycur gongurpaycur juc diosta adurananpitaga wañuytami munaran.

Salmos 20:8

Paycunaga tunengami. Noganchïmi ichanga jatarcur ichirpaycäshun.

Sofonías 3:12

Gamcuna tiyashayquichöga cachaycushäpaj rispitacojcunatawan, alli runacunallatanami. Paycunaga nogallamannami yäracamongapäpis.