Jeremías 17:16 - Tayta Diosninchi Isquirbichishan

¹⁶ Chayno niycämaptinpis nogaga manami mañacamurächu castiganayquipaj. Paycuna fiyupa ñacananpäpis manami nirächu. Gamga musyanquimi imata nishallätapis. Wiyaycämaptiquimi llapantapis nishcä.

Jeremías 17:16 Referans Kwoze

Hechos 20:20

Gamcunata yachachinäpaj cajtaga imatapis manami pacashcächu. Chaypa ruquenga llapan runa wiyaypis, wasicunachöpis willapashcämi, yachachishcämi.

Santiago 3:1

Ermänucuna, yachachicoj car llutanta yachachiptiquimi Tayta Diosninchi jusgashunquipaj. Chayno caycaptenga shuntacashayquicho llapayquega ama yachachicojlla caychu.

Santiago 1:19

Cuyashä ermänucuna sumaj yarpachacuy: Yachaj-tucur alläpa parlayga manami allichu. Waquinpis parlananpaj upälla cacunqui. Mana yarpachacuypa llutancunata parlanayquipa ruquenga sumajraj yarpachacuy imata parlanayquipäpis. Llutallapis ama rabyacuychu.

2 Corintios 2:17

Nogacunaga manami pägapächu Tayta Diospa alli willacuyninta willacö. Waquinmi ichanga pägapaj willacun. Tayta Diosninchi cachamaptinmi Jesucristupaj willacur puriycä. Rasunta rimashätaga quiquin Tayta Diosninchïpis musyaycanmi.

2 Corintios 1:12

Ermänucuna, gamcunawanpis allimi cashcä. Pitapis manami llullapashcächu. Quiquëcunallapitachu manami cawä. Tayta Diosninchïmi cuyacoj cayninwan llapanchöpis yanapäman. Chaymi imapitapis mana pengacöchu.

Jeremías 20:9

«Tayta Diosta amana yarpashänachu. Paypa jutinchöpis mananami parlashänachu» nir yarpaptëga willacunäpaj nimashayqui cuerpöcho nina imatapis rupaycajnörämi ricacun, tullöcamaraj chayarinpis. Upälla cacuyta munarpis manami upälla cacuytaga camäpacöchu.

Jeremías 18:20

Paycunaga mana alliman tunichimänanpämi uchcuta rurasha. ¿Allita rurashanchïpita mana alliwanchu cutichimanchi? Paycunapaj fiyupa rabyasha caycashayquipita allchacänayquipaj paycunapa faburnin gamta ruwacushäta yarpaycuy ari.

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Jeremías 12:3

Tayta Dios, gamga nogata rejsimanquimi. Ricamashpayqui musyanquimi gamllaman yäracamushäta. Chay runacunataga uyshata pishtananpaj apashanno shuntay ari. Nircur churay imay junaj wañunanpäpis.

Amós 5:10

Israelcuna gamcunaga dimanduta alli arriglaj cajta chiquinquimi. Rasun cajta rimaj testïgutaga manami rimanantapis munanquichu.

Jeremías 15:15

Tayta Dios, gamga llapantami musyanqui. Nogata yarpäramay ari. Yanapämänayquipaj shaycamuy ari. ¡Gaticachämajcunata ayñita cutichiy! Paycunataga ama cuyapaychu ari. Nogata wañuchimänantaga ama munaycuychu. Tayta Dios, gam-raycumi tucuyta gayapämaptinpis awantacö.

Jeremías 20:7

Tayta Dios, gamga llullapämashcanquimi. Nogaga nimashayquitami riguishcä. Gam nogapita mas callpa cashpayquimi binsimashcanqui. Cananga imay örapis runacuna asipänanmi caycä. Llapanmi manacajman churamar asipäman.