Jeremías 16:21 - Tayta Diosninchi Isquirbichishan

²¹ «Chaypitami chay juc-lä nasyun runacunataga jucllana musyachishaj imano munayniyoj cashätapis. Chayrämi musyanga noga Tayta Dios cashäta.»

Jeremías 16:21 Referans Kwoze

Salmos 9:16

Tayta Dios gamga musyachimashcanqui allita ruraj cashayquitami. Fiyucunaga watacäcusha quiquincuna churashan togllachömi. Selah

Jeremías 33:2

Syëlutapis cay pachatapis camaj, chaycuna imano cananpäpis sumaj camacächej Tayta Diosmi nin:

Salmos 83:18

Llapan musyachun gam japallayqui Tayta Dios cashayquita. Tantiyacuchun gamlla janaj pachacho cay pachachöpis Tayta Dios cashayquita.

Amós 5:8

Tayta Diosmi ichanga chacayta junajman ticrachin. Junajtapis yanauyaycaj chacayman ticrachin. Paymi ruraran «Pléyades» nishan, «Orión» nishan goyllarcunatapis. Paymi gayan lamarcho caycaj yacucunata, nircorga allpa jananmanna machirin. Tayta Diosmi camacächin pacacuna siudä illgänanpäpis. Chaynöpami mana allita chayachimun curalasha caycaj siudäcunaman. Paypa jutenga Tayta Diosmi.

Isaías 43:3

Nogami cä gamcunapa Tayta Diosniqui, salbashojniqui. Gam Israelcunapa Santo Diosniquimi caycä. Gamcunata jorgamunäpäga ruquiqui churashcä Egiptutami, Etiopiatami, Sabätami.

Éxodo 15:3

Tayta Diosga guërracho pillyay yachajmi. Paypaga jutinpis Tayta Diosmi.

Ezequiel 25:14

Edom runacuna imano rurashanpitapis acrashä Israel runacunawanmi ayñita cutichishaj. Edom runacunataga paycunami imatapis ruranga noga fiyupa rabyasha caycashämanno. Chaynöpami Edom runacunaga musyanga noga ayñita cutiycächishäta. Noga Tayta Diosmi chayno në.

Ezequiel 24:27

Chay junajmi upa caycashayquipita shimiqui pashtangapaj. Chaura chay gueshpimojwan parlanquipaj. Chaynöpami gamga canquipaj llapan runacuna musyananpaj señal. Chayrämi paycuna musyanga noga Tayta Diosnin cashäta.»

Ezequiel 24:24

Chaynömi gamcunapäga Ezequiel canga tantiyacunayquipaj. Pay rurashannöllami gamcunapis ruranquipaj. Chayrämi gamcunaga musyanquipaj noga rasunpa Tayta Dios cashäta.›

Ezequiel 6:7

Chaychica runami wañonga. Chayrämi tantiyacunquipaj noga rasunpa Tayta Dios cashäta.

Éxodo 14:4

Nogami camacächishaj faraón rumi shonguno contra ricacushpan guepayquita gatishushpayqui shamunanpaj. Chayno gatishuptiqui nogami suldäruncunata ushacächishaj. Chaynöpami musyachishaj munayniyoj cashäta. Chayrämi Egiptucunaga musyanga noga Tayta Dios cashäta.» Chaymi Israelcunaga Tayta Dios nishannölla cutiran.

Éxodo 6:3

Abrahamta, Isaacta, Jacobta yuriparcur noga musyachirä Munayniyoj Dios cashäta. Ichanga paycunata manami willarächu Tayta Dios jutë cashanta.