Biblia Todo Logo
Bib sou entènèt

- Piblisite -




Jeremías 16:18 - Tayta Diosninchi Isquirbichishan

18 Paycunaga mana sirbej aypalla ïduluncunata adurarmi partisyunta goycushä nasyunta ganrachisha. Chay partichöga intëruchömi mana munashäcunata rurasha. Chaymi paycunataga juchata rurashanpita fiyupa castigashaj.»

Gade chapit la Kopi




Jeremías 16:18
24 Referans Kwoze  

Paycunataga alli shimillayquipa willapaycuy. Cananpitaga manana llaquisha goyänanpaj cashanta willaycuy. Paycunaga manami uywaynachu canga. Paycunataga juchancunapita castigashcänami. Paycunataga llapan juchanpita perdunashcänami.»


Imanömi jucta ruraran chayno paytapis ruray. Rurashanpita masta cutichiy. Juccunata machächir ñacachishan bäsunman quiquintaga mas aypallata camaripay.


Mana munashäta y melanaypaj ïdulucunata aduraycajcunatami ichanga imanölla rurashanpitapis jusgashaj. Noga Tayta Diosmi chayno në.»


Nogata gaticachämajcunata ichanga pengayman churay. Nogataga ama pengayman churamaychu. Paycuna ricacuchun fiyupa mancharisha. Nogaga ama mancharishächu. Paycuna llaquicuychöpis cachun. Paycunataga fiyupa castigar ushariy.


Nogami gamcunata pushamurä ima-aycapis wayunan partiman, cay particho wayushan frütacunata micunayquipaj, chaycho ima-ayca alli wayojcunatapis micunayquipaj. Ichanga gamcuna chayaycamur alli chacräta ganrachishcanqui. Gamcunaga ticrachishcanqui cay nasyun quiquëpa caycaptin fiyupa melanäcunäpaj.


«Paycunaga nasyunninman cutimongami. Cutiycamorga melanaypaj ïduluncunata jitarengami. Manami ruranganachu melanaypaj cajcunataga.


Mana pengacuypami rumicunata, jatusaj yöracunata rispitar adurasha. Chayno rurarmi nasyunnintaga pasaypa ganrachisha.


Gamcunataga fiyupami ñacachishurayqui, ashllir-ushashurayqui, fiyupa manacajman churashurayqui. Chaypitami nasyunniquichönaga ishcay cutipa mastaraj fiyupa allita chasquinquipaj. Nircurna imaycamapis cushishallana goyäcunquipaj.


Jatariyna-llapa; aywacuyna-llapa. Cay pachaga manami jamaräcunayquipächu. Pasaypa mana allillata rurashayquipitami ushajpaj illganquipaj.


Cay pachataga runacunami ganrachisha. Laycunata manami cumlishachu. Tayta Diospa mandamintuncunata mana wiyacushachu. Imaycamapis alli cananpaj parlashantapis manami cumlishachu.


Paycunaga iticunapa yawarninta mashtaran. Chayga caran ollgu warmi wamrancunapa yawarninmi. Cananeo runacunapa diosnincunapämi wamrancunata rupachiran. Chaynöpami cay pachacho yawar mashtararan.


Lömacunacho ïdulucunata aduranayquipaj jatarachishayqui capillayquicunatapis juchuchishaj. Insinsu saumachicunayquitapis paquir-usharishaj. Wañuptiqui ïdulucuna jananmanmi wicapashayqui. Chayno rurar fiyupami contrayqui ricacushaj.


Chay runacuna imanöpis rurashanga llapanmi nogapa ñaupächo isquirbiraycan. Chaymi castigänillataga mana cachashächu. Paycunataga castigashaj


Tayta Diosmi nin: «Judá runacunaga fiyupa mana allita rurashpanmi rabyachimasha. Nogata aduramänan Templumanmi churasha mana bälej ïduluncunata. Chayno rurashpanmi Templöta ganrachisha.


Nogaga sirbimaj profëtäcunata yaparir-yaparirmi cachamushcä melanashäcunata mana rurananpaj willachishpä.


«Noga Tayta Diosmi jurä: Rispitädu Templöta ganrachishpayqui fiyupa melanaypajcunata rurashayquimannömi nogapis mana cuyapaypa illgächishayqui. Manami perdunashayquichu.


Chayamushanami juchayquiman-tupu castiganäpaj caj junajcuna. Israelcuna, musyanquipänami castïgu mayna chayamushanta. Gamcunaga nircaycanqui: «Profëtaga upami, löcuyaycanmi» nir. Chaynöga nircaycanqui fiyupa juchasapa cashpayquimi, fiyupa chiquicushpayquimi.


quiquincunapa juchanpita, taytancunapa juchanpitapis. Paycunaga puntacunacho insinsutapis rupachin. Puytush lömacunachöpis ïdulucunata adurar rabyachimaj. Chaypitami imanöpis rurashanman-tupu castigashaj.» Tayta Diosmi chayno nisha.


Chaymi runacunata wañuchishanpita, ïdulucunata adurar chay nasyunta ganrachishanpita rabyawan paycunata castigarä.


Swiv nou:

Piblisite


Piblisite