Jeremías 16:16 - Tayta Diosninchi Isquirbichishan

¹⁶ «Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

Jeremías 16:16 Referans Kwoze

Amós 4:2

Rispitädu jutincho jurashpanmi Tayta Dios cayno nin: «Juc junajmi liyacurcur gamcunata apacushunquipaj. Wamrayquicunatami aushicunawan janchacurcongapaj.

Miqueas 7:2

Chaynömi cay munduchöga manana cannachu allita rurajcuna, ni Tayta Dios nishanta rurajcunapis. Imay örapis wañuchinacuyllatami ashircaycan. Jucnin-jucninpis llullapänacun mana alliman chayachinacunanpaj.

1 Samuel 26:20

Nogaga wañuyta munä Tayta Diospa ñaupanchömi. ¡Gamga piquita-yupaypis ashimarmi shamushcanqui. Chacwatanöpis jircacunapa gaticachaycämanqui!»

Génesis 10:9

Nimrodga Tayta Dios yanapaptinmi yachacuycuran jirca animalcunata chariyta. Chaypitami rimaypis can: «Tayta Dios yanapaptin Nimrod cashanno animal chariyta yachan» nir.

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Amós 5:19

Chay junäga canga, juc runa liyunpita gueshpiycashancho ösuwan tincupurajnömi. Man'chäga gueshpir wasinman yaycurir pergaman guellicuycojta culebra cañiycushannömi.

1 Samuel 24:11

Tayta, masqui ricay aptaraycashäta. Jacuraycashayquipa cantunmi. Chayno cuchuycarga maynami wañurachëman caran gamtaga. Cananga tantiyacunquiman. Nogaga manami wañuchiyta yarpashcächu. Manami ufindishcäpischu. Chaypis gamga wañuchimänayquipaj gaticachaycämanqui.

Isaías 2:21

Chay junaj runacunaga mancharishpanmi yagacaycärengapaj gagacho caycaj uchcucunaman, pachapa shimin uchcucunamanpis. Chaynöga pacaconga Tayta Diosta manchacushpanmi.

Isaías 7:19

Paycuna llapan chayamushpan tiyacaycärengapaj chunyaj ragracunacho, jircacunacho caycaj machaycunachöpis. Tiyacaycärengapaj shata casha caycashancunacho, uywacuna yacuta upunan particunachöpis.

Jeremías 4:29

Lëchata jitajcuna, muntäducuna gayarashpan shamojta wiyar llapanmi siudäpita gueshpir aywacun. Shatacunaman munticunaman pacacaycärin. Gaga chaupincunaman wichacarcärin. Siudäcunaga llapanpis chunyajmi quëdacun. Chaychöga manami pipis tiyannachu.

Jeremías 6:9

Munayniyoj Tayta Diosmi cayno nin: «Übaspa wayuyninta yaparir-yaparir ushajpaj ashejnömi Israel quëdajcunatapis contrancuna manyapita ashenga.»

Jeremías 49:5

Chaypitami gamcunamanga intërupita cachamushaj fiyupa manchachicojcunata. Chaura cada-ünuyquimi munashayquipa gueshpir aywacunquipaj. Chayno gueshpir aywacojcunata cutichimunanpäga manami pipis cangapächu. Noga munayniyoj Tayta Diosmi chayno në.

Lamentaciones 4:18

Chiquimajcunaga ricaparcaycämanmi. Manami cällicunaman llojshiyllatapis puydëcunachu. Ushacänanchïpäpis wallcanami pishin. Ushacänanchïpaj caj öra chayaycämunnami.

Oseas 10:10

Gamcunataga imaypis munashä örami castigashayqui. Fiyupa mana allita rurashayquipita gamcunata castigaptëmi gamcunawan pillyananpaj achca nasyun runacuna shamonga.

Sofonías 1:12

Chay wichanga lamparinwan achquicurcurmi Jerusalencho tiyajcunataga acramushaj. Nircur castigashaj pogusha bïnupa gonchun tiyacurcushanno mana yarpachacuypa caycaj runacunata. Chay runacunaga caynömi nircaycanpis: ‹¡Tayta Diosga manami imatapis rurangachu allita ni mana allitapis!› nir.

Lamentaciones 4:19

Nogacunata gaticachämajcunaga ancacunapitapis mas fiyupa aywajmi. Jircacunapami gaticacharcaycäman. Chunyaj chaqui jircachöpis shuyarpaycämanmi.