Jeremías 16:10 - Tayta Diosninchi Isquirbichishan

¹⁰ «Chayno niycashäta willaptiqui runacunaga tapushunquipaj: ‹¿Imanirtaj Tayta Dios chayno fiyupa manchariypaj llaquicuywan castigamäshun? ¿Ima mana allitataj rurashcanchi? ¿Ima juchatataj rurashcanchi Tayta Dios mana munashantaga?› nir.

Jeremías 16:10 Referans Kwoze

Jeremías 5:19

‹¿Imanirtaj nogacunata Tayta Dios cayno ruramasha?› nir chay quëdaj runacuna tapushuptiqui gam ninqui: ‹Gamcunaga Tayta Diosta gongaycärirmi juc-lä nasyuncunapa diosnincunata nasyunniquicho adurarayqui. Chaypitami gamcunapis juc-lä nasyun runacunata juc-lä nasyuncho sirbinquipaj› nir.

Jeremías 13:22

Gamcuna capas yarpachacunqui ‹¿Imanir-raj cayno caycä?› nir. Quiquiquicunapa juchayquipitami gamcunataga garapachaycur munashanta rurarcaycäshunqui.

Oseas 12:8

Gamcunaga ninqui: ‹Fiyupami rïcuyashcä. Nogapaga alli surtimi casha. Achcata chasquishäpitaga manami pipis dimandamangachu. Juchätaga manami pipis tarengachu› nir.

Jeremías 2:35

Chayno ruraycarpis nircaycanqui: ‹Juchaynajmi cä. Nogacunapäga Dios manami rabyashanachu caycan› nir. ‹Juchaynajmi cä› nishayquipitami Nogaga llapan rurashayquita ashimuyta gallaycushaj.

Jeremías 11:17

«Nogami gamcunapa munayniyoj Tayta Diosniqui cä. Nogami gam Israel runacunatawan Judá runacunataga churarä juc lantata lantajno. Cananmi ichanga camacächishcä juchayquipita castïgu chayashunayquipaj. Gamcunaga rabyachimashcanqui Baalta adurashpayquimi.»

Jeremías 2:23

«¿Imanöpataj ninquiman: ‹Manami ganracushcächu. Manami aywashcächu Baalcunata adurajpis› nir? Chauraga guechwa pampacho imata rurashayquitapis mä yarpäriy. Rurashayquicunataga reconösiy ari. Manta camëllo wichaypa uraypapis cörricachajnömi cashcanqui.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Jeremías 44:3

Chay castïguga chayasha mana allita rurashpan rabyachimashanpitami. Paycunaga rabyachimaran juc dioscunata adurashpan, chay dioscunapaj insinsucunata rupachishpan. Chay dioscunataga paycunapis, gamcunapis, ni unay caj awiluyquicunapis manami rejsiranchu.