Jeremías 15:8 - Tayta Diosninchi Isquirbichishan

⁸ Biyüdacunapis aypallami canga lamar cantuncho caycaj agushpitapis masraj. Las-dösi intimi mamantinman llapan mösucunamanga wañuyta cachamushaj. Paycunamanga illajpitami manchariytawan llaquicuytapis chayachishaj.

Jeremías 15:8 Referans Kwoze

Isaías 3:25

Jerusalencho tiyaj ollgu cajcunaga llapanmi guërracho wañonga. Guërrachömi pillyay yachajcunapis ushacanga.

Lucas 21:35

Cay pachaman cutimushä junäga pipis manami gueshpengachu. Cay pachacho caycajcunaga manami gueshpengachu, ni jucnayllapis.

Jeremías 5:6

Chay runacunaga alläpanami juchata rurasha. Tayta Diostapis achca cutinami mana wiyacushachu. Chaypitami contrancunaga liyuncuna muntipita llojshimojno wañuchenga. Chunyajcunapita micucoj jirca allgucuna shamur rachir-usharejnömi rurarenga. Siudänin ñaupancunacho tigricuna wañurgärachejnömi rurarenga. Siudäpita llojshej cajtapis rachir-usharenga.

Jeremías 4:16

Jerusalencho tiyajcunata, waquin nasyun runacunatapis willay fiyupa caru nasyunpita contrancuna aywaycämushanta. Paycunaga Judá nasyunman magaj yaycunanpämi büllata ruraraycar aywarcaycämun.

Isaías 3:26

Siudächo caycajcunaga wagar llaquicur lütu röpata jaticongapaj. Mana pipis washaptinmi llaquicur allpaman jamacongapaj.

Isaías 4:1

Chay wichanga ollgu runacuna wallcajllanami quëdanga. Chaymi ganchis warmicuna juc runallata guechunaconga. Runatana nengapaj: «Nogacunaga quiquëpa micuynëcunawanmi cawacushaj. Röpäcunatapis quiquëcunami ruracushaj. Gam ichanga auniycamay ari ‹paypami cä› ninäcunapaj. Chaynöpami nogacunataga mana jamurpämangachu.»

Jeremías 16:3

Cay nasyuncho yurej wamracunapis, maman-taytancunapis

Jeremías 18:21

Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Jeremías 22:7

Nogaga pasaypa ushananpämi runacunata cachamushaj. Chay runacunami ushajpaj illgächengapaj. Chay runacunami muturgärenga pilancuno jatusaj sedru ichirpaycajcunata. Nircur ninaman rupaycärachenga.

Lamentaciones 5:3

Taytaynaj wacchanönami ricacushcäcuna. Mamäcunapis biyüdanönami ricacusha.

Ezequiel 22:25

Profëtayquicunaga rabyar gaparpan aychata rachipänacunanpaj liyuncuna gaparpajnöraj. Paycunaga runacunata wañurachin. Bälej cösancunata, ima-aycantapis guechun. Chaymi runacuna wañuptin biyüdacunapis achca quëdan.

Oseas 4:5

Gamcunaga quiquiquicunapa juchayquipitami pagaspa junajpapis mana alliman chayanquipaj. Profëtacunapis mana alliman tunengapaj. Mamayquitanami illgarachishaj.

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»