Jeremías 15:1 - Tayta Diosninchi Isquirbichishan

¹ Tayta Dios nimaran: «Jeremías, Israelcuna aywacunanpaj willay. Amana nogapa ricanächöga tiyachunnachu. Paycunataga manami perdunänachu. Ni Moiseswan Samuel shamushpan ruwamaptinpis manami perdunashänachu.

Jeremías 15:1 Referans Kwoze

Ezequiel 14:14

Chay nasyuncho Noé, Daniel, Job tiyashpanpis paycuna quimsallanmi salbacunman alli runa cayninpa. Noga Tayta Diosmi chayno në.

Jeremías 14:11

Tayta Dios nimaran: «Cay runacunata yanapänäpäga ama ruwacamaychu.

Jeremías 11:14

Chaymi Jeremías, gamga chay runacunata cuyapänäpaj ama mañacamaychu. Paycunapäga ama mañacamaychu ni ruwacamaypischu. Ñacaycashan öra ruwacur mañacamaptinpis paycunataga manami yanapäshäpächu.

Salmos 106:23

Tayta Diosga runacunata illgarachinanpämi caycaran. Ichanga acrashan Moisesmi ruwacur allchacächiran Tayta Dios rabyasha caycajta. Chaynöpami mana illgächirannachu.

Salmos 99:6

Aaronwan Moisés cürancuna caran. Samuelnami caran Tayta Diosta mañacoj. Paycuna mañacuptin Tayta Diosnami yanapaj.

1 Samuel 12:23

Noga ichanga gamcunapaj Tayta Diosta mañacuycäshaj. Mana mañacorga juchayojmi cashaj. Imano captinpis willapäshayqui alli cawanayquipaj.

2 Reyes 17:20

Chaura Tayta Dios gongaycuranna Israelpita mirar aywajcunata. Nircorga pasaypa pengayman churaran. Asaltanticuna ima-aycantapis apacoj. Chaypitanaga Tayta Diosmi lädunpita jitariran.

1 Samuel 7:9

Chaura Samuelga Tayta Diospaj juc cashnita jinanpa rupachiran. Nircur Israelcunata salbananpaj mañacuran. Chaura Tayta Dios yanaparan.

Jeremías 52:3

Chaypitami Tayta Diosga fiyupa rabyaran Jerusalenpäwan Judá runacunapaj. Ñaupanpitapis juc-lämanna jitariran. Chaypitana Sedequiasga Babiloniapa rayninpa contran jatariran.

Jeremías 23:39

Chayno llaquicachimaptiquimi gamcunataga cachaycushayqui. Unay awiluyquicunata goycushä siudäpitapis carumanmi jitarishayqui.

Jeremías 18:20

Paycunaga mana alliman tunichimänanpämi uchcuta rurasha. ¿Allita rurashanchïpita mana alliwanchu cutichimanchi? Paycunapaj fiyupa rabyasha caycashayquipita allchacänayquipaj paycunapa faburnin gamta ruwacushäta yarpaycuy ari.

Jeremías 15:19

Chaymi Tayta Dios nimaran: «Arpinticushpayqui nogaman yapay cutimuptiquega cuyapar chasquishayquimi. Chauraga nogatanami sirbimanquipaj. Manacajcunallata manana rimar, alli cajllatana rimarga noga nishätami willacunquipaj. Gam willapashayquitami runacunaga wiyaconga. Manami gamchu runacunataga cäsupänayqui.

Proverbios 14:35

Yarpaysapa uywaytaga ray amatarmi cuyan. Mana tantiyaj uywaytami ichanga fiyu ñawinpa rican.

Hebreos 9:24

Jesucristoga manami cay pachacho runa rurashallan Mas Rispitädu cuartumanchu yaycusha. Payga yaycusha quiquin syëlumanmi. Canan payga Tayta Diospa ñaupanchömi noganchïpaj mañacuycan.

Jeremías 35:19

Chaypitami Israelcunapa munayniyoj Tayta Diosnin në: Jonadabpita mirajcunaga sirbimänanpaj imaycamapis caycangami› nir.»

Jueces 5:9

«Nogaga llapan shongöpami cushicö Israelcunapa mandajnincunapaj, pillyaj aywaj marca-masëcunapaj. Tayta Diosta llapayqui alabay.

Génesis 19:27

Chaypita warannin tuta Abrahamga aywaran Tayta Dioswan parlashan cajman.

Zacarías 3:3

Josuëga pasaypa ganra röpan jatisha jinalla ichiraycaran Tayta Diospa anjilninpa ñaupancho.

Deuteronomio 9:26

Ruwacur nirä: ‹Acrashayqui runacunataga ama ushacaycachiychu ari Tayta Dios. Paycunaga gampami caycan. Gammi fiyupa munayniquiwan Egipto nasyunpitapis pushamushcanqui.

1 Samuel 12:19

Samuelta ruwacuran: «Tayta Diosta mañacuycuy ari nogacuna mana wañunäpaj. Juchasapa caycarpis mastachaj juchata rurashcäcuna ‹rayta churapämay› nishpä.»

Jeremías 9:19

Sionpita-pacha wiyacämun nanaywan cayno gaparpashanpis: «¡Fiyupa cuyapaypämi llapanchïpis mana alli quëdashcanchi! ¡Fiyupa pengaypämi carcaycanchi! Cananga nasyunninchïta cachaycärirchari aywacushun. Wasinchïcunapis juchushami caycan.»

Jeremías 10:18

Tayta Diosmi cayno nin: «Cay nasyuncho tiyarcaycaj runacunata cananga fiyupa carumanmi gargushaj. Chaychömi castigashaj fiyupa ñacananpaj» nir.

Jeremías 16:5

Tayta Diosga mastapis nimaran: «Ama aywaychu wañusha runa täpacuycashanman. Chay wañojpäga ama wagaychu ni llaquicuypischu. Cay runacunataga cachaycushcä mana allina goyänanpämi. Mananami cuyänachu; ni cuyapänapischu.

Jeremías 16:13

Chayno cashanpitami cay partipita gargushaj unay caj awiluncuna ni paycunapis mana rejsishan nasyunman. Chay nasyunchömi pagasta junajtapis juc dioscunatana sirbengapaj. Paycunataga manami cuyapäshäpänachu.

Jeremías 22:28

Jeconiasga ¿mana sirbej cañalla paquichu? ¿Pipis mana munashan manca paquichu? ¿Imanirtaj paytaga llapan wamrancunatawan jitarisha mana rejsishan pachaman?

Ezequiel 22:30

«Chay runacunacho noga ashishcä juc runata paycunata mana illgächinäpaj faburnin nogawan parlananpaj. Ichanga pitapis manami tarishcächu.

Jeremías 14:12

May-jina ayunashpan mañacamaptinpis manami yanapäshäpächu. Maychica uywacunata, chaqui micuy ofrendacunata nogapaj apamuptiquipis manami cuyapäshächu. Paycunataga ushacächishaj guërrawan, muchuywan, gueshyawanmi.»

Oseas 9:15

Tayta Diosmi cayno nin: «Gilgalchömi gamcunaga rurarayqui fiyupa mana allita. Chaychömi gamcunata chiquiyta gallaycurä. Mana allita rurashayquipitami tiyaycashayquipita jitarishayqui. Chaypitami manana masga cuyaycäshayquipänachu. Llapan mandajniquicunapis mana wiyacojllanami.