Jeremías 14:19 - Tayta Diosninchi Isquirbichishan

¹⁹ Tayta Dios, ¿fiyupachu rabyacurcushcanqui Judá runacunapäga? Sión siudätaga ¿mananachu ricaytapis munanquina? ¿Imanirtaj mana cuyapaypa mana alliman chayachimashcanqui? Nogacunaga allilla goyaytami yarpaycarä. Nishäga manami imapis alliga cashachu. Mana gueshyaypa cawaytami yarparäcuna. Nishäga fiyupa manchacuyllami casha.

Jeremías 14:19 Referans Kwoze

Lamentaciones 5:22

Ichanga, gam Tayta nogacunata ricamaytapis manami munanquichu. Nogacunapäga fiyupami rabyacurcushcanqui.

Jeremías 8:15

Alli goyaytami munarcaycaranchi. Ichanga manami yarpashanchïnöchu casha. Mana gueshyayllapa goyaytami yarparanchi. Ichanga fiyupa manchachicuyllami casha.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

Jeremías 6:30

Paycunataga jutichapäshun ‹Mana sirbej guellay› nirnachari. Chay runacunataga noga jitarishcänami.»

Jeremías 30:13

Manami pipis canchu gamta ricashunayquipäga. Manami pipis canchu gueriquita jampipäshunayquipäga. Manami jampipis canchu allchacänayquipäga.

Jeremías 15:18

Chaura noga llaquicushäga ¿imanirtaj imaypis mana päsanchu? Shongu nanaynëga ¿imanirtaj mana chawanchu? Nogapäga gam ricacushcanqui pashtaj yacu illajpita chaquicäcojnömi.

Jeremías 12:8

Acrashä runacuna nogapäga canan caycan munticho liyunnömi. Nogata chiquimashpan liyunnöraj gaparpanpis. Chaypitami ricaytapis mana munänachu.

Salmos 78:59

Chayno rurajta ricashpanmi Tayta Diosga fiyupa rabyacurcuran. Chaymi Israelcunataga melanäcuranna.

Job 30:26

Nogaga cushisha goyaytami yarparä. Nishäga chayamasha llaquicuymi. Achquita shuyaraycarä. Nishäga chacayllami caycan.

Lamentaciones 4:17

Yanapämänanchïpaj yarpashpanchïmi shuyaraycanchi mana salbamänanchïpaj caj nasyunta. Shuyarar ricchacuycashallanami ñawinchïpis uticasha.

Lamentaciones 2:13

Cuyayllapaj Jerusalén, ¿imamanraj o imawanraj gamta tincuchëman? Cuyayllapaj Sión siudä, ¿gamta imaman tincuchiyparaj willapäman shoganäpaj? Gamtaga fiyupami mana allicuna chayashurayqui. Cananga ¿piraj allchacächishunquiman?

Jeremías 15:1

Tayta Dios nimaran: «Jeremías, Israelcuna aywacunanpaj willay. Amana nogapa ricanächöga tiyachunnachu. Paycunataga manami perdunänachu. Ni Moiseswan Samuel shamushpan ruwamaptinpis manami perdunashänachu.

Jeremías 8:22

Galaadchöga ¿manachuraj ima jampillapis can? Chaychöga ¿manachuraj pillapis jampicoj can? ¿Imanir-raj marca-masëcuna mana allchacanchu?

Jeremías 7:29

Jerusalén, gamcunapäga Tayta Dios fiyupa rabyashami caycan. Cachaycushurayquinami. Manami ricaytapis munashunquinachu. Chaymi ajchayquita ruturir jitariy. Chunyaj jirca lömacunacho llaquicuypajcunata cantay.› »

Salmos 89:38

Chayno aunisha caycashpayquipis manacajmanmi churashcanqui acrashayqui raytaga. Paypäga fiyupami rabyacurcushcanqui.

2 Crónicas 36:16

Tayta Diospa willacuyninta willapaptinpis pasaypa manacajman churar asiparan. Profëtacunatapis asiparan. Chaymi Tayta Diosga acrashan runacunapaj fiyupa rabyacurcuran. Chaymi runacunaga Tayta Diosman yäracunanpaj manana imata ruraytapis camäpacurannachu.

Jeremías 12:7

«Acrashä runacunatami cachaycushcä. Nogapa caycaptinmi gargushcä. Amatar cuyashä nasyun runacunatami contrancunapa munayninman cachapaycushcä.

Miqueas 1:12

Marotcho tiyajcunaga yanapänantami shuyarpaycaran. Nishan Tayta Diosga camacächisha asta quiquin Jerusalén puncuncama mana alli chayananpämi.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Jeremías 30:12

«Noga Tayta Diosmi cayno në: «Gueriquega manami imanöpapis allchacannachu. Nanächicuycashayquipäga manami jampi canchu.

Jeremías 51:5

Chaynöga canga Israelcunatawan Judá runacunata Noga, munayniyoj Tayta Dios, mana gongaycusha captëmi. Nasyunnincho pasaypa juchata rurasha captinpis Noga, Santo Tayta Diosnenga manami gongaycushcächu.

Lamentaciones 2:22

«Gammi camacächishcanqui wacpita caypita mana allicuna chayamunanpaj. Fistaman runa aywajnörämi tucuy-niraj mana allicuna chayamasha. Tayta Dios, rabyasha caycashayqui öraga manami pipis gueshpishachu. Noga uywashäta yachachishätaga chiquimajcunami wañuycachisha.»