Jeremías 14:17 - Tayta Diosninchi Isquirbichishan

¹⁷ «Jeremías, llaquicushpayqui runacunata cayno niy: « ‹Cuyashä runacunaman manchariypaj disigrasya chayashanpita weguëpis mana chawaypa aywachun. Malubrashan nanaywan fiyupa gaparpaptinmi weguëpis mana chawaypa aywachun.

Jeremías 14:17 Referans Kwoze

Jeremías 8:21

Marca-masëcuna ñacashannömi nogapis ñacaycä. Llaquicuywan manchariymi nogataga mana cacharimanchu.

Lamentaciones 2:13

Cuyayllapaj Jerusalén, ¿imamanraj o imawanraj gamta tincuchëman? Cuyayllapaj Sión siudä, ¿gamta imaman tincuchiyparaj willapäman shoganäpaj? Gamtaga fiyupami mana allicuna chayashurayqui. Cananga ¿piraj allchacächishunquiman?

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Miqueas 6:13

Chaypitami cananga gamcunata castigayta gallaycushayqui, juchayquicunapitapis illgächiyta.

Lamentaciones 2:18

Cuyayllapaj Sión, Tayta Dios yanapäshunayquipaj mañacuy. Chacaypa junajpapis weguiquega yacunöraj aywaypa aywachun. Mana chawaypa wagay.

Jeremías 10:19

¡Ananau, cay nanaytaga manami awantänachu! Marca-masëcuna ñacashantami ñacaycä. Nogapäga ñacay manami ushacanchu. Noga yarparä «cay nanaytaga awantashämi» nir.

Isaías 37:22

« ‹Noga Tayta Diosga Asiriapa rayninpaj caynömi në: « ‹Senaquerib, gampäga Sión siudä juc jipashnömi asicun. Gam aywacuptiqui Jerusalenga manacajman churashushpayquimi umanta awicun.

Salmos 39:10

Amana castigamaynachu ari. Castigamashpayquimi wañuycächimanquina.

Amós 5:2

Israelga runa yatänillaraj caycarmi mana alliman chayasha. Chaypita alli cashanmanga mananami cutenganachu. Quiquinpa marcallanchömi mashtarpaycar quëdasha. Pipis manami canchu mashtarpaycajta jatarachinanpäga.

Salmos 119:136

Yachachishayquicunata mana cumliptinmi nogaga fiyupa wagä.

Jeremías 8:18

Llaquicuynëpäga manami ima jampipis canchu. Llaquicuyllawanmi shongöpis ushaycan.

2 Reyes 19:21

«Noga Tayta Diosga Asiriapa rayninpaj caynömi në: «Senaquerib, gampäga Sión siudä juc jipashnömi asicun. Gam aywacuptiqui Jerusalenga manacajman churashushpayquimi umanta awin.

Jeremías 9:18

Rasunpa juclla shamuchun. Noganchïpaj llaquicuywan wagachun. Paycuna wagaptin noganchïpapis weguinchi ñawi junta yurichun. Guepshanchïcunapis ushmasha cachun.

Jeremías 18:13

Chaymi Tayta Dios cayno nin: «Mä nasyuncunacho tapucachay. Mä pillaga wiyashachush cay runacuna rimashantano. ¡Israel runacunaga manchariypaj mana allitami rurasha!

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.