Jeremías 12:8 - Tayta Diosninchi Isquirbichishan

⁸ Acrashä runacuna nogapäga canan caycan munticho liyunnömi. Nogata chiquimashpan liyunnöraj gaparpanpis. Chaypitami ricaytapis mana munänachu.

Jeremías 12:8 Referans Kwoze

Amós 6:8

Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»

Oseas 9:15

Tayta Diosmi cayno nin: «Gilgalchömi gamcunaga rurarayqui fiyupa mana allita. Chaychömi gamcunata chiquiyta gallaycurä. Mana allita rurashayquipitami tiyaycashayquipita jitarishayqui. Chaypitami manana masga cuyaycäshayquipänachu. Llapan mandajniquicunapis mana wiyacojllanami.

Zacarías 11:8

Chaypita juc quillallachömi jitarirä quimsaj uyshërucunata. Paycunaga fiyupana rabyachimaran; quiquincunapis chiquicarcäramaran.

Jeremías 51:38

Babiloniacunaga liyuncuna gaparpajnömi gaparpanga. Liyun-mallwacunanörämi aullarcaycanga.

Jeremías 2:15

¿Imanirtaj paycunamanga contrancuna sinchipa gaparpar liyunnöraj yaycun? Paycunapa nasyunnintaga cachaycärisha ragällatami. Llapan siudänincunatapis rupaycachishami. Chaychöga manami pipis tiyannachu.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Ezequiel 23:18

Chaypitanaga pï-maypis ricaycaptinna jucwan-jucwan cacuran. Galapächulla cuerpunta pï-maytapis ricachiran. Chayno captin nogapis ñaupata ñañanta melanäcushänöna melanäcushcä.

Miqueas 2:8

Ichanga Tayta Dios nin: «Gamcunaga ñaupata carayqui acrashä runacunami. Cananmi ichanga conträna ricacushcanqui. Alli goyäcojcunata, alli puricojcunata punchuncunatapis guechuycanqui.