Jeremías 12:12 - Tayta Diosninchi Isquirbichishan

¹² Chunyaj lömacunapa intërupami contran fiyu runacunaga yuricarcamusha. Paycunami acrashä nasyun runacunata usharinäpaj sablëno caycan. Chaymi mayganpäpis manana alli goyay cannachu.

Jeremías 12:12 Referans Kwoze

Amós 9:4

Chiquejcuna prësu apaptinpis nogami camacächishaj sabliwan wañumunanpaj. Paycunataga ricapaycäshaj manami yanapänäpächu, chaypa ruquenga castiganäpämi.»

Jeremías 47:6

Paycunaga llaquicur nircaycan: ‹¡Tayta Diospa sablin! ¿imayraj jamaycunqui? Churaränayquiman cashgan cuticuy. Jamacuyna. Amana cuyucuynachu› nir.

Ezequiel 14:17

«Capas chay nasyuncho guërrata gallaycachir noga camacächëman runatapis, uywatapis wañuchinanpaj.

Isaías 34:6

Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.

Apocalipsis 6:4

Niptinmi llojshimuran puca cawallu. Chay cawalluta muntarajtana jatun sablita goran cay pachacho runacunata chiquinacachir fiyupa wañuchinacachinanpaj.

Sofonías 2:12

¡Etiopía runacuna, gamcunapäpis Tayta Dios camacächenga espädanwan wañunayquipämi!

Ezequiel 5:2

Atacayta ushaycorga juc partiman raquishayqui caj ajchayquita siudäpa chaupincho rupachinqui. Yapay juc partiman raquishayqui cajtana siudäpa wajtanpa acapa-acapa cuchuraycar tumachinqui. Yapay juc parti puchoj cajtana janajpa jitarir machirinqui. Chay siudächo tiyaj runacunataga nogami espädäta aptacurcur gaticachäshaj.

Jeremías 48:2

Alli cashanta Moabpäga mananami imaypis parlanganachu. Contrancuna Hesbón siudächo llapanmi parlacurcaycan: ‹Moab nasyunta ushajpaj illgächishun› nir. Madmén marca, gampis illgächishami canquipaj. Imaypis guërrallachömi canquipaj.

Jeremías 34:17

Chaypitami noga Tayta Dios në: Gamcunaga manami wiyacamashcanquichu. Chaymi mana cachaycushcanquichu hebreo-masiqui uywayniquicunatapis. Chaypitami cananga cachaycushayqui guërrawan, yargaywan, fiyu gueshyawan ushacänayquipaj. Chayno ruraptë canquipaj may-chaycho caj raycunapis ricacunanpämi. Noga Tayta Diosmi chayno në.

Jeremías 15:2

‹¿Maymantaj aywashaj?› nir tapushuptiquega noga nishäta cayno willanqui: « ‹Gueshyawan wañojpaj cajcunaga gueshyawanmi wañunqui. Guërracho wañojpaj cajcunaga guërrachömi wañunqui. Yargaywan wañojpaj cajcunaga yargaypitami wañunqui. Prësu aywajpaj cajcunaga prësumi aywanqui.›

Jeremías 3:2

Galayasha jircacunata masqui ricay. Chay jircacunachömi juchata rurashpayqui dioscunata adurashcanqui. Chunyajcho jamarpaj Arabiacunanöpis caminu cantuncunacho juc mösucunata shuyaraj warminömi cashcanqui. Pï-maywanpis cacushpayqui, mana allita rurashpayquimi nasyunniquitapis ganrachishcanqui.

Isaías 57:21

Chaynömi fiyu runacunapäga alli goyay mana canchu.» Tayta Diosmi chayno nisha.

Levítico 26:33

Gamcunataga sablita aptacurcurmi gaticachäshayqui. Wacpa caypami mashtarishayqui. Nasyunniquega pasaypa chunyajmi ricacongapaj. Siudäniquicunapis ragällami quëdanga.

Deuteronomio 32:42

Mandajnincunatawan suldäruncunata ushaptë lëchäcunapis yawarllami canga. Espädäpis aychanta cuchurmi ushanga. Chayno wañonga guërracho pillyajcunapis prësu charisha cajcunapis.›

Jeremías 3:21

«Chunyaj jircacunacho gaparashanmi wiyacaycan. Israelcunami wagashpan cuyapänanpaj mañacurcaycan. Paycunaga allipa aywarcaycashanpitami llutanpa aywacusha. Chaymi Tayta Diosnin caycaptë nogataga gongaycäramasha.

Jeremías 4:27

Tayta Diosmi cayno nin: «Cay pachacho cajtaga llapantami illgächishaj. Ichanga manami ushajpäga illgächishärächu.

Jeremías 16:5

Tayta Diosga mastapis nimaran: «Ama aywaychu wañusha runa täpacuycashanman. Chay wañojpäga ama wagaychu ni llaquicuypischu. Cay runacunataga cachaycushcä mana allina goyänanpämi. Mananami cuyänachu; ni cuyapänapischu.

Jeremías 25:11

Cay nasyunpitaga ima-aycantapis ushajpämi apaconga. Siudäcunapis ragällanmi quëdanga. Cay nasyuncunacho tiyajcunaga ganchis chunca (70) watacamami Babiloniapa rayninpa maquincho canga.

Jeremías 30:5

Chay rimashanga caynömi caycan: «¡Fiyupa llaquicuywan gaparpashanmi wiyacaycan! ¡Fiyupa manchariywan wagarcaycashanmi wiyacaycan!

Jeremías 46:10

Chay junäga cangapaj noga munayniyoj Tayta Dios castiganä junajmi. Chay junajmi llapan conträcunata ayñita cutichishaj. Sablëmi tucsenga yamacashancama. Chayno tucsenga pasaypa yawar ñitinancamami. Chay junäga noga munayniyoj Tayta Diosmi norte caj-lächo caycaj nasyuncho, Éufrates mayu läduncho aypalla runata wañuchishaj.

Lamentaciones 3:17

Nogapäga manami cannachu alli goyayga. Cushisha goyay cashantapis gongaycushcänami.

Ezequiel 21:4

Rasunpami sablëta jorgushaj alli cajtapis juchasapa cajtapis, norte caj-lächo tiyajpita sur caj-lächo tiyajcama llapanta wañuchinäpaj.

Ezequiel 21:28

«Runa, gamga Israelcunata ashllej Amón runacunata cayno niy: ‹Tayta Dios nin: « ‹Sabliga churaränanpita jorgushanami caycan. Wañuchiyta gallaycunanpaj listunami caycan. Achicyaypa achicyar ushajpaj illgächinanpaj llushwachashami caycan.

Jeremías 8:15

Alli goyaytami munarcaycaranchi. Ichanga manami yarpashanchïnöchu casha. Mana gueshyayllapa goyaytami yarparanchi. Ichanga fiyupa manchachicuyllami casha.

Ezequiel 21:8

Tayta Dios nimaran:

Ezequiel 21:9

«Runa, imano cananpaj cashantapis nogapa jutëcho willacuy. Chaymi ninqui: ‹Tayta Diosga caynömi nin: « ‹¡Sabli, sabli! Fiyupa afilashanami, achicyänanpaj llushwachashanami caycan.