Jeremías 11:19 - Tayta Diosninchi Isquirbichishan

¹⁹ Uyshata pishtananpaj apaptin mana wagacushanno jaucami goyäcuycarä. Nogaga manami musyarächu conträ parlacurcaycashanta. Paycunaga ninacurcaycaran: «Alli wayuraycaj yörata muturiycärishun. Cay munducho manana cananpaj achurishun. Chaura paytaga manami pipis yarpanganachu.»

Jeremías 11:19 Referans Kwoze

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Jeremías 18:18

Runacunaga ninacuran: «Jeremiasta calumyananchïpaj parlacushun. Pay manana captinpis cüracunaga manami pishengapächu yachachimänanchïpaj, musyajcuna willapämänanchïpaj, profëtacunapis Dios nishanta willamänanchïpaj. Jeremiastaga tucuynöpa calumyashun. Pay imata willapämashapis ama wiyaj-tucushunchu.»

Salmos 83:4

Paycunaga nircaycan: «¡Paycunata illgarachishun manana nasyun cananpaj! ¡Israelpa jutintaga pipis manana yarpänanpaj illgarachishun!» nir.

Salmos 31:13

Shap-shapyayllapami nogapäga llapanpis parlarcaycan. Nogapäga juc yarpayllami llapanpis parlacun. Wañuchimänanpämi parlacurcaycan. Intërupami manchariypaj caycan.

Job 28:13

Runaga manami musyanchu chaycuna alli cashantapis. Cay pachachöga manami tarinpischu.

Salmos 27:13

Chaypis alli cashpayquimi gamga yanapämanquipaj. Cay pachacho goyashäcamaga yanapämanquipämi.

Números 1:14

«Gad trïbupita yanapäshunqui Deuelpa wamran Eliasaf.

Isaías 38:11

Nogaga nirä: ‹Cay pachachöga mananachari imaypis Tayta Diosta ricashänachu. Cay pachacho cawaycajcunataga mananachari pitapis ricärishänachu› nir.

Isaías 32:7

Engañacojcunaga yäracun engañayta yachashallanmanmi. Melanaypajcunata rurayllatami yarparaycan. Pobricunatapis llullapaypami llaquicachin. Alli arriglananta ashiycajcunatapis mana allimanmi churan.

Proverbios 10:7

Alli runataga alli cashanpita fiyupami yarparan. Fiyu runatami ichanga manapis aycällatana gongaycärin.

Proverbios 7:22

Aunircorga mösupis warmipa guepanta wasiman yaycusha. Pishtananpaj quiquillan töru aywacuycajno, togllaman lluychu yaycupaycoj-japuy yaycusha.

Salmos 116:9

Tayta Diostami wiyacushaj cay pachacho cawashäcamaga.

Salmos 109:13

Paycunapita mirajcunapis chayllachöna ushacächun. Chay apillïduga illgächunna.

Daniel 9:26

Chay sojta chunca ishcay semäna päsarcuptenga acrasha caycaj mandajta wañuycärachengapämi. Manami pipis ruquin quëdangapächu. Chauraga juc-lä ray shamuptin suldäruncunami Jerusalén siudätawan Templuta illgächengapaj. Yacu jundejnöpis illajpitami ushacayga chayamongapaj. Chaynöllami guërrapis wañuchinacuypis caycanga imaycamapis nishan junaj chayamunancama.

Salmos 142:5

Gamtami mañacamö Tayta Dios. Mañacamushpämi cayno në: «Gammi canqui pacacunä. Gamllami cay bïdachöga cawachimanqui» nir.

Salmos 112:6

Chaynöpami mana alliman mana chayanchu. Alli runataga imaypis yarparaycangami.

Salmos 52:5

Chaypitami Diospis quiquiquita illgächishunquipaj. Charircurmi wasiquipita jitarishunquipaj. Mananami cawanquipänachu. Selah

Salmos 35:15

Mana alliman chayaptëmi ichanga paycuna llapan asipämasha. Juc-lä runacunanömi mana cachaypa magamar ñacachimasha.

Jeremías 26:8

Tayta Dios nishanta willayta ushaycuptin cüracunapis, profëtacunapis, llapan runacunapis Jeremiasta prësu charicarcärir cayno niran: «¡Cananga wañunquimi!

Lamentaciones 3:60

Gamga ricaycanquimi imata rurayta munaycämashantapis, nogapa conträ imano rurananpaj yarpaycashantapis.

Ezequiel 32:24

«Chaychömi caycan Elampis llapan suldäruncunawan pamparashan uchcupa ñaupancho. Paycunaga llapanpis guërrachömi wañusha. Cawashan wichan paycuna runacunata fiyupa mancharachej cashpanpis mala-muertipa wañojcuna caycashan pacha rurinmanmi chayasha. Cananmi ichanga pipis mana rispitaptin waquin wañojcunawan iwalna caycan.

Proverbios 24:15

Alli runacunataga ima mana allitapis ama yarpapaychu. Tiyaycashan wasintapis ama amiychu.

Jeremías 1:19

Paycunaga gamwan pillyangapaj. Ichanga manami binsishunquipächu. Nogami chapäshayquipaj. Noga Tayta Diosmi chayno në.»

Oseas 9:8

Diosga profëtanta churasha Efraín runacunata ricananpämi. Chaypis gamcunaga chay willacoj mana alliman chayananpaj trampata churaparcaycanqui. Intëru Israelchöpis chiquircaycanqui.