Isaías 9:3 - Tayta Diosninchi Isquirbichishan

³ Tayta Dios gammi achca runa cananpaj mirachishcanqui. Fiyupa cushicuy cananpäpis camacächishcanqui. Cosëcha wichan cushicushannöraj gampa ñaupayquicho llapan cushicun. Riquësacunata raquipänacur cushicushannörämi cushicun.

Isaías 9:3 Referans Kwoze

Salmos 119:162

Aunimashayquiman yäracurmi cushisha caycä. Pamparaycaj guellayta tariycojnörämi cushisha caycä.

1 Pedro 1:8

Gamcunaga Jesucristuta mana ricasha caycarpis cuyaycanquimi. Canan mana ricarpis payllaman yäracurmi cawaycanqui. Chayno cushisha cawashayquega tantiyaytapis mana atipaypämi.

Isaías 26:15

Tayta Dios gammi runacunata achcayächir nasyunnëta jatunyächishcanqui. Gam rispitasha canayquipämi chayno camacächishcanqui. Nasyunpa lindancunata mas carumanna witichishcanqui.

Isaías 66:10

«Jerusalenta cuyaj cajcunaga llapayqui paywan iwal cushicuy. Paypaj wagasha cashpayquega llapayqui paywan iwal cushicuy.

Isaías 65:18

Ruranäpaj caycajpäga imaycamapis fiyupa cushicuy-llapa. Mushoj Jerusalentami camashaj chaycho fiyupa cushicuy cananpaj.

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

1 Samuel 30:16

Chaypitaga pusharan asaltanticuna caycashanman. Paycunaga intëruman mashtacasha carcaycänaj. Ima-aycatapis suwacushanpita fistata rurar, micur upyar cushisha carcaycänaj. Suwacusha caran Filistea nasyunpita Judäpitapis.

Lucas 11:22

Paypita mas callpayoj runa shamurmi ichanga garutinta guechurir llapan ima-aycantapis apaconga. Nircur runacunata raquiparenga.

Salmos 4:7

Aypalla rïguyojpitapis, aypalla bïnuyojpitapis masrämi gamga shongöta cushicachinqui.

Filipenses 4:4

Jesucristupa maquincho cawaycarga cushicuy-llapa. Yapaypis nëmi «cushicuy-llapa».

Zacarías 10:8

«Israelcunataga wichyacur gayashpämi juc pachallaman shuntashaj. Chaynöga shuntashaj noga salbasha cashpämi. Chauraga unay wichan aypalla cashanno yupaytapis mana atipaypämi cangapaj.

Zacarías 8:23

«Noga, munayniyoj Tayta Diosmi cayno në: Chay wichanga chuncaj juc-lä nasyun runacunami juc Judá runata röpanpita charircur ruwangapaj: ‹¡Gamwan aywaytami munä. Nogacunaga mayashcä Dios gamcunacho caycashantami!› nir.»

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Oseas 4:7

Mas achca cüracuna cashpanga masmi juchatapis ruraran. Chayno juchanpitami cananga alliman churanäpa ruquin pengaymanna churashaj.

Jeremías 31:7

Tayta Dios nin: «Jacobpita miraj Israelcunapaj cushisha cantay. Paycunapa nasyunninmi waquin nasyuncunapitaga mas rispitasha caycan. Cushisha alabar niy: ‹Cawaycar quëdaj Israel runacunataga acrashan runacuna captinmi Tayta Dios salban› nir.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 61:7

Gamcunataga fiyupami ñacachishurayqui, ashllir-ushashurayqui, fiyupa manacajman churashurayqui. Chaypitami nasyunniquichönaga ishcay cutipa mastaraj fiyupa allita chasquinquipaj. Nircurna imaycamapis cushishallana goyäcunquipaj.

Isaías 55:12

Gamcunaga cushishami aywacunquipaj. Allillami cuticunquipaj. Gamcunata ricashushpayqui puntacunapis puytush lömacunapis cushicuypitami cantangapaj. Jircacunacho caj yöracunapis llapanmi macshongapaj.

Isaías 54:1

«Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Runan cachaycusha wawata mana tarej warmimi runayoj warmipita mas achca wawata tarenga.» Tayta Diosmi chayno nisha.

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Salmos 107:38

Tayta Dios bindisyunta gon runacuna aypallaman mirananpaj. Uywancunapis mana ushacaypa miran.

Nehemías 9:23

Gammi camacächirayqui goyllarcunano aypallaman mirananpaj. Mas unay caj awilöcunata aunishayqui chacramanpis pusharayqui goycunayquipaj.

Jueces 5:3

Raycunapis, llapayqui wiyamay. Mandajcunapis, wiyaycäramay. Israelcuna rispitar adurashan Tayta Diostami alabä.

Hechos 8:8

Chaymi chay siudächöga runacuna fiyupa cushicuran.

Job 12:23

Paymi nasyuncunatapis jatunyächin, nircur illgächin. Runacunatapis shuntan; nircur mashtaypa mashtar gargurin.

Isaías 65:14

Sirbimajcunaga llapan shongunpa cushicurmi cantangapaj. Gamcunami ichanga fiyupa llaquicur ñacar waganquipaj.

Levítico 26:13

Noga Tayta Diosniquimi Egipto runacunapa munaynincho caycaptiqui jorgamushcä. Yuntata fiyupa lasaj yügu ñacachejnöpis ñacaycaptiquimi jorgamurä. Nircur llapanchöpis allimi purichishcä.

Jueces 7:22

Chay quimsa pachac (300) Israelcunaga wagracunata jinalla tucarcaycaran. Tayta Diosnami camacächiran Madián runacunaga quiquin-pura pantanacur pillyananpaj. Pillyashpanmi gueshpir aywacuran Bet-sitacama. Zereraman näni aywajpa aywacur chayaran Tabatpa ñaupan Abel-meholapa lindancama.

Jueces 8:12

Zebawan Zalmuna gueshpir aywacuran. Chaura Gedeonga gatir aywashpan prësu chariran. Llapan Madián suldärucunanami machiypa-machir gueshpir aywacuran.

Isaías 10:26

Noga munayniyoj Tayta Dios Madián runacunata Oreb gagacho binsishänömi castigashaj. Munayniyoj cashätapis Asiria runacunata musyachishaj Egipto runacunata musyachishänömi.

Isaías 14:5

Tayta Diosga paquishami fiyu runacuna mandar charashan bäranta. Fiyu mandajcunapa munaynintapis ushacächishami.