Isaías 9:17 - Tayta Diosninchi Isquirbichishan

¹⁷ Chaypitami Tayta Diosga mösucunata mana cuyapashachu. Wacchacunata ni biyüdacunatapis mana cuyapashachu. Chayno mana cuyapashachu llapanpis mana yäracojlla, mana allita rurajcunalla cashanpita, llapanpis manacajcunallata parlashanpitami. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Isaías 9:17 Referans Kwoze

Jeremías 18:21

Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Isaías 10:6

Paytami cachä acrashä juchasapa runacunata magananpaj. Rabyachimaj nasyun runacunamanmi cachä. Chayman cachä ima-aycantapis suwapänanpaj, guechunanpaj, cällicho caycaj mituta-jina lluchcargärinanpämi.

Isaías 5:25

Chaypitami Tayta Diosga acrashan runacunapaj fiyupa rabyacurcusha. Nircur castigasha. Puntacunapis chucchusharämi. Wañojcunanami cällicunacho jitaräcuran ganra jitarajno. Chayno castigarcurpis Tayta Diosga rabyashanpita manami allchacanrächu. Payga jinallarämi castigananpaj yarparaycan.

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Isaías 9:12

Inti yagamunan caj-läpitaga chayasha Asiria runacuna. Inti yaganan caj-läpitana chayasha Filistea runacuna. Paycunami Israel runacunataga micuyta juc amuyta micucurcojnölla usharisha. Chaypis Tayta Dios rabyashanga manami päsacanrächu. Payga jinallarämi castigananpaj rimaycan.

Isaías 10:4

Ima ruraytapis mana camäpacur prësunami aywanquipaj; man'chäga wañojcunawan iwalmi wañunquipaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Isaías 9:21

Manasés runacunaga Efraín runacunata magarcaycan. Efraín runacunapis Manasés runacunata magarcaycan. Nircur ishcan aywan Judá runacunata magananpaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Salmos 147:10

Tayta Diosga manami cushicunchu cawallu fiyupa firsayoj captinpis, ni runa callpasapa captinpis.

Mateo 16:3

Tutapapis inti yagamur garwanchuywan intublarämuptin gamcunaga ninqui ‹Cananga tamyangami› nir. Tamyananpaj mana tamyananpaj cashantapis sumajmi musyanqui. Chauraga ¿imanirtaj mana tantiyanquichu gamcunacho noga ruraycashäta?

Zacarías 9:17

¡Chaura ima alli, ima cuyayllapäraj canga chay nasyonga! Rïgupis, bïnupis aypalla captinmi ollgupis warmipis wamracuna cuyayllapaj alli wiñanga.

Miqueas 7:2

Chaynömi cay munduchöga manana cannachu allita rurajcuna, ni Tayta Dios nishanta rurajcunapis. Imay örapis wañuchinacuyllatami ashircaycan. Jucnin-jucninpis llullapänacun mana alliman chayachinacunanpaj.

Ezequiel 20:33

Ichanga noga Tayta Diosmi në: Cananmi ichanga gamcuna mayanquipaj fiyupa munayniyoj cashäta. Sumaj castigarcurmi gamcunapa rayniqui cashaj.

Jeremías 5:1

Tayta Dios cayno nin: «Jerusalén cällicunapa puriy-llapa. Sumaj ricchacuy. Intërupa purishayqui läsacunachöpis sumaj ashiy. Chaycho mä tarinquichush jucnayllatapis alli runata, rasun cajta rurayta munajta. Jucnayllatapis tariptiquega Jerusalencho tiyaycajcunata perdunashämi.

Isaías 65:19

Jerusalenpäga quiquëpis cushicushämi. Acrashä runacunapäpis fiyupami shongöchöga cushicushaj. Paycunaga manami waganganachu. Ni llaquicuypis manami canganachu.

Isaías 62:5

Imanömi juc mösu majachacan jipashwan, chaynömi Diosga paypana canayquipaj shuntashunquipaj. Tayta Diosga cushishami caycangapaj warminwan runan cushisha goyashanno.

Isaías 13:18

Mösucunatapis lëchawanmi wañurgärachenga. Manami cuyapangachu chayraj yurisha caycaj iticunatapis. Manami llaquipangachu jatullan wamracunatapis.

Isaías 10:2

Paycunaga pobricunata mana allimi rican. Ñacarcaycajtapis manami alliga arriglanchu. Biyüdacunapa ima-aycantapis guechun. Wacchacunata suwapan.

Isaías 1:4

Ay imanöraj canqui juchasapa runacuna, mana allita rurar jucha aparicoj runacuna, juchasapacunapita mirajcuna, pirdicasha wamracuna. Gamcunaga Tayta Diospitami witicurishcanqui. Israelcunapa Santo Diosnintami manacajman churashcanqui. Paytaga gongaycärishcanquinami.

Job 15:34

Diosman mana yäracojcunapaga wamrancunapis manami canganachu. Saynita chasquishan ima-aycanpis ninachömi rupanga.

Salmos 109:12

Pipis ama cuyapächunchu payta ni quëdaj waccha wamrancunatapis.

Isaías 3:8

Rasunpami Jerusalenga juchonga. Judá nasyunnami pasaypa mana allicho ricaconga. Chaynöga canga munayniyoj Tayta Dios nishanta mana cäsushpan llutancunata rurashanpitami, Tayta Diospa contran mana allicunata rimashanpitami.

Isaías 14:20

Gamtaga manami waquin raycunatanöchu pampashunquipaj nasyunniquita mana alliman churashayquipita, marca-masiquicunata wañuchishayquipita. Mana allita rurajcunapita mirajcunataga manami pipis yarpanganachu.

Isaías 24:5

Cay pachataga runacunami ganrachisha. Laycunata manami cumlishachu. Tayta Diospa mandamintuncunata mana wiyacushachu. Imaycamapis alli cananpaj parlashantapis manami cumlishachu.

Isaías 31:2

Tayta Diosga fiyupa yarpaysapami. Chaymi musyan imanöpa disigrasyata chayachiytapis. Imano rurananpäpis nishantaga simrimi cumplin. Fiyu runacunataga castigangami. Mana allita rurajcunata yanapajcunatapis castigangami.

Isaías 31:3

Egipto runacunaga runallami, manami dioscunachu. Cawalluncunapis aychallami, manami espirituchu. Tayta Diosga paycunata castigangami. Chauraga yanapaj Egiptuwan, «yanapämay» nej cajpis mana allimanmi chayangapaj. Llapan iwalmi wañongapaj.

Isaías 40:30

Mösucunapis uticar bëtanrämi. Mas sinchi callpayojcunapis tacacar tuninrämi.

Amós 4:10

«Egiptuman yurichishäno castïgutami gamcunamanpis chayachimurä. Nogami camacächishcä gamcunacho caycaj mösucuna guërracho wañunanpaj. Camacächirä cawalluyquicunata chiquishojcuna guechurishushpayqui apacunanpaj. Nogami camacächirä pillyacho wañoj runacuna ismushan asyaytapis tiyarcaycashayquicho mayanayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Amós 8:13

Chay junäga yacunaypita chiyacäcongapärämi cuyayllapaj camaraj jipashcuna, jinyu mösucunapis.

Isaías 5:24

Chaypitami nina ogshata rupacurcushanno, chaqui öjacunatapis ushacurcushanno gamcunapis ushacanquipaj. Sapinpita ismoj lantacunanömi, ismuptin waytancuna allpaman ticrashannömi ticranquipaj. Chaynöga canquipaj munayniyoj Tayta Dios yachachishushayquita mana wiyacushayquipitami, Santo Tayta Diospa layninta mana cäsushayquipitami.

Isaías 33:11

Gamcuna rurayta yarpaycashayquiwan rurashayquipis caycan ogshanölla, rïgu päjanölla. Chayno captinmi pücarcuptillä jämaynëga nina rupacurcojnöpis usharengapaj.

Isaías 33:12

Juc-lä nasyun runacunaga rupar uchpayajnömi ushacangapaj. Cashata muturcur sindipaycusha nina ratarir ushacurcushannömi illgangapaj.»