Isaías 8:22 - Tayta Diosninchi Isquirbichishan

²² Cay pachacho imata ashirpis manami imatapis tarengapächu ni ricangapächu. Cay pachachöga caycangapaj llaquicuyllami. Llaquicuyllawanmi pachapis chacacäconga. Chay runacunataga chacajmanmi jitarponga.

Isaías 8:22 Referans Kwoze

Isaías 5:30

Chayamushpan chay runacunaga Israelcunaman yaycunanpaj gaparpangapaj lamar yacunörämi. Chay runacuna aywaycämushan caj-läpa ricärerga ricangapaj fiyupa chacashatarämi. Chacasha captinmi junaj cashanpis mana musyacangachu.

Mateo 22:13

Chaura uywaynincunata nisha: ‹Cay runapa chaquinta maquinta manyarcur jitariy jawa chacajman. Chaychömi wagashpan quiruntapis uchur ñacanga›.

Mateo 8:12

Rimëru gayachishancunami ichanga Tayta Diospa willacuyninta yacharpis mana yäracamashanpita chacaj pachaman jitarisha cangapaj. Chaychömi fiyupa wagar quiruntapis uchongapaj.»

Jeremías 13:16

Yanauyaycaj chacaj pachaman Tayta Dios manaraj chayachishushayquicama payta rispitay. Yanauyaycaj chacayta chayachimuptenga jircacunachöpis tacacanquipämi. Tayta Diosta rispitay shuyaraycashayqui achquita manaraj chacajman ticrachiptin.

Judas 1:13

Mayu cantunman tucuy-niraj ganrata yacu jitarimushannömi paycunapis manacajcunallata rurar pengayman chayan. Chaypitami goyllar shicwashanno paycunapis yanauyaycajman chayar chaycho imaycamapis ñacangapaj.

Proverbios 14:32

Fiyu runataga quiquin rurashallanmi mana alliman chayachin. Alli runatami ichanga allita rurashanpita Tayta Dios chapanga.

Job 18:18

Cay pachapitaga jitarenga. Achicyajcho caycajtapis chacajmanmi gaycurenga.

Mateo 24:29

«Fiyupa ñacaycuna päsariptillanmi intipis chacacäconga. Quillapis mana achicyamonganachu. Goyllarcunapis shicwacamonga. Janaj pachapis fiyupami sicsicyanga.

Jeremías 23:12

Chayno cashanpitami caminuncunapis fiyupa llushca y chacaj ricaconga. Nogami camacächishaj tangariptin chaycho tuninanpaj. Juchancunapita jusgashpä paycunaman disigrasyatami chayachimushaj. Noga Tayta Diosmi chayno në.

Isaías 9:1

Canan ñacaycajcunapämi ichanga manana ñacay canganachu. Ñaupataga Tayta Dios manacajmanmi churaran Zabulón runacunawan Neftalí runacuna tiyashanta. Shamoj watacunachömi ichanga Jordán mayupa chimpancho, lamar cuchuncho caycaj Galilea marca fiyupa rejsisha cananpaj camacächenga. Chay partiga caycan mana Israelcuna tiyashan partimi.

Isaías 8:20

Mä yachachicuycunata ricay. Yachachishäcunata mä yarpachacuy. Yachachishäman mana tincuptenga musyacojcuna parlashanga manami rasun cajchu. Paycunaga chacayllachömi caycan.

Apocalipsis 16:10

Pichga caj anjilnami waräcuy mandashan runacunaman tacshimuran chararaycashan bäsucho caycaj castïguta. Chaymi waräcuy mandashan partiga chacacäcuran. Runacunanami fiyupa nanaywan galluncunatapis cañiran.

Isaías 9:20

Quiquinpa wamrancunata cada-ünun micucarcärin. Jucaj läduncho caycajta ultayllapa micucurcurpis yargaycanraj. Yapay jucaj läduncho caycajta micucurcurpis manami sacsanchu.

Isaías 30:6

Egiptuman aywajcunaga chunyaj Neguevpami päsarcaycan bürruncunata y camëlluncunata cargasha. Päsarcaycan micucoj liyuncuna tiyashanpami, culebracuna, buylaj culebracuna tiyashanpami. Ima-aycantapis, cuestaj cösancunatapis apacurcaycan mana bälej Egipto nasyunman.

Isaías 50:11

Cuydädu, achquicunayquipaj quiquiquicunalla ninata sindejcuna; chay ninawan achquicusha purejcuna. Chayno cawaptiquega Tayta Dios castigashunquipämi. Fiyupa llaquicur ñacaychömi goyanquipaj.

Isaías 59:9

Juchanchïcunapitami salbacunanchïpäga fiyupa sasa caycan. Chaynöpami Tayta Diospa achicyaynin mana chayamunchu. Achicyajta shuyarashanchïpis chacajllami caycan. Achicyayta munaycarpis yanauyaycajllachörämi purircaycanchi.

Éxodo 10:21

Chaura Tayta Diosga Moisesta niran: «Syëlupa maquiquita jogariy intëru Egiptucho pacha chacacäcunanpaj. Chauraga yana mancapa siquinnörämi fiyupa chacacäconga.»

Éxodo 10:22

Maquinta Moisés jogariptin intëru Egiptucho fiyupa chacacäcuran. Chayno chacaylla cacuran quimsa junajcama.

Isaías 50:3

Nogami syëlutapis yanauyaycajman ticrarachë. Lütu caycajmanno yanayächë.»

Isaías 60:2

Cay pachataga chacajmi chapacurcusha. Nasyuncunataga yanauyaycajmi ñiticurcusha. Gammanmi ichanga achquino noga chayamushäpaj. Munayniyoj cashäpis gamcunawanmi caycangapaj.