Isaías 8:17 - Tayta Diosninchi Isquirbichishan

¹⁷ Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Isaías 8:17 Referans Kwoze

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Salmos 33:20

Noganchëga Tayta Diosmanmi yäracunchi. Paymi yanapämanchi, chapämanchi.

Isaías 54:8

Illajpita rabyacurcushpämi juc rätulla mana ricamänayquipaj witicurirä. Ichanga imaycamapis cuyapäcoj cashpämi gamta cuyapashcä.» Jorgushoj Tayta Diosniquimi chayno nin.

Hebreos 9:28

Jesucristupis juc cutillami wañuran llapanta juchancunapita perdunananpaj. Cay pachaman yapay cutimushpanga mananami runacunata juchanpita perdunangapächu. Chaypa ruquenga cutimonga payman yäracur shuyaraycajcunata pushacunanpänami.

Salmos 27:14

Tayta Diosman yäracuy. Mana guellanayllapa yäracuy. Tayta Diosllaman yäracuy ari.

Isaías 59:2

Ichanga gamcunapa juchayquimi Tayta Diospitaga pergano raquishurayqui. Gamcuna juchata rurashayquipitami Tayta Diosga mana ricärishunquinachu. Mañacuptiquipis mana wiyashunquinachu.

Isaías 50:10

¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

1 Tesalonicenses 1:10

Chaynöpis musyaycan Tayta Diospa wamran Jesucristo cutimunanpaj cashanta shuyarpaycashayquita. Paytami Tayta Dios cawarachimusha. Paymi salbamäshun fisyu junajcho chayamunanpaj caycaj castïgupitaga.

Miqueas 7:7

Nogami ichanga Tayta Diosllata shuyäcuycäshaj. Salbamaj Tayta Diosnilläman yäracushaj. Payga wiyamangami.

Miqueas 3:4

Gamcunaga juc junaj Tayta Diosta mañacunquipämi. Ichanga pay manami wiyashunquipänachu. Fiyupa mana allita rurashayquicunapitami gamcunapitaga juc-läpa ticracurcongapaj.

Oseas 12:6

Chayno caycaptenga Israelcuna, Diosniquita wiyacuy. Cuyanacuy; alli cajtana ruray. Nircorga mana cachaypa Tayta Diosman yäracuy.

Deuteronomio 32:20

Chaymi nisha: ‹Paycunata manami yanapäshänachu. Mä imamanshi chayanga. Paycunaga fiyu runacuna, mana yäracuypaj wamracunami.

2 Tesalonicenses 3:5

Tayta Diosninchi yanapayculläshunqui pay cuyacoj cashanno gamcunapis cuyacoj canayquipaj. Yanapayculläshunqui ima ñacaycho carpis Jesucristo cawashanno cawanayquipaj ari.

Isaías 64:7

Pipis manami canchu gamta adurashöga. Pipis manami yarpachacunchu gamman yäracamunanpäga. Chaypitami nogacunapitaga pacacuycushcanqui. Jucha rurashäcunapitami cachaycamashcanquipis.

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

Salmos 39:7

Tayta Dios chayno caycaptenga ¿imatanataj shuyaräshaj? Gamllamanna yäracamushaj.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Salmos 130:5

Llapan almäpami Tayta Diosman yäracö. Paypa palabranmanmi yäracö.

Génesis 49:18

¡Tayta Dios gam salbamänallayquitanami shuyaraycä!

Lucas 2:38

Simeón rimayta usharcuptin Anapis witiycur Tayta Diosta agradësicur aduraran. Nircorga ñïñu Jesuspaj willaparan Tayta Dios cachamushan Cristuta shuyaraycaj runacunata.

Isaías 64:4

Unaypita-pachapis manami mayashcäcunachu gampita mas jucga dios cashanta. Chaytaga manami wiyashcäcunachu. Manami pipis ricashachu yäracojcunata dioscuna yanapashanta.

Isaías 33:2

Tayta Dios, nogacunataga cuyapaycamay ari. Nogacunaga gammanmi yäracaycämö. Cada tuta yanapaycamay ari. Ñacaycunacho caycashä örapis salbaycamay ari.

Salmos 40:1

Tayta Dios juclla yanapämänantami shuyarashcä. Paynami wiyamar yanapämasha.

Salmos 37:34

Gamga Tayta Diosllaman yäracuy. Payllata wiyacuy. Paymi alliman chayachishunquipaj. Aunishushayqui alli pachatapis goycushunquipaj. Ñawiquiwanmi ricanquipaj fiyu runacunata illgächejtapis.

Lucas 24:27

Chayno nircur Jesús willaparan imano cananpäpis quiquinpaj isquirbiraycashancunata. Tantiyachiran Moisés isquirbishancunapita gallaycur waquin profëtacuna isquirbishancama.

Hebreos 2:13

Mastapis niycan: «Nogaga payllamanmi yäracushaj.» Chaynöpis nin: «Tayta Dios tarichimashan wamräcunawan nogaga caychömi caycä.»

Job 13:24

¿Imanirtaj nogapita pacacunqui? ¿Imanirtaj contrayquitano ricamanqui?

Isaías 30:18

Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Isaías 45:15

Israelcunata salbaj Tayta Dios gamga runa mana tantiyayta atipashancunatami, almiraypajcunatami ruranqui.

Job 14:14

Ichanga runa wañushpan ¿cawarimongachuraj? Cawarimunan captenga may-jina ñacashpäpis noga shuyarämanmi cawarimunäpaj.

Job 35:14

«Tayta Diosta ‹Gamta manami ricächu› nishpayquipis shuyaycuy ari. Paypa maquinchömi caycanqui arriglashunayquipäga.

Isaías 57:17

Israelcuna juchata rurashanpitami juc timpu rabyasha caycarä. Chaynöpami paycunataga castigarcur cachaycurä. Chaura paycunaga quiquincuna munashannöna goyaran.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.