Isaías 66:6 - Tayta Diosninchi Isquirbichishan

⁶ Masqui wiyay-llapa siudächo gaparaypa rimaycämushanta. Wiyay-llapa quiquin Templuchöpis gaparaypa rimaycämushanta. Wiyay-llapa rurashanman-tupu conträcunata noga imano castigaycashätapis.

Isaías 66:6 Referans Kwoze

Amós 1:2

Cayno nirmi Amosga willacuran: «Tayta Diosga Sión lömapita liyunnömi gaparämun. Jerusalenpitami busninpis junrurumun. Chauraga jircacho caycaj guewacunapis wañuytacäcunmi. Carmelo puntapis chaquicäcunmi.

Isaías 34:8

Chayno canga chay junaj Tayta Dios ayñita cutichiptinmi. Chay watami Sionga ñacachejcunata ayñita cutichenga.

Isaías 59:18

Chayno camaricurcurmi Tayta Diosga cada-ünunta imanöpis rurashanmanno cutichenga. Contrancunataga castigangami. Chiquej cajtaga imanöpis rurashanmannömi cutichenga. Chaynömi ruranga lamar cantun nasyuncunacho tiyaycajtapis.

Apocalipsis 12:2

Chay warmimi gueshyacuyta ñacar nanaywan fiyupa gaparaycaran.

Isaías 26:21

Tiyananpitami Tayta Diosga shamoj-aywan cay pachacho tiyajcunata juchanpita castigananpaj. Runa wañuchishan wañojcunata allpaga manami pacanganachu. Chaypa ruquin llapantami allpa ricacächenga.