Isaías 61:10 - Tayta Diosninchi Isquirbichishan

¹⁰ Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 61:10 Referans Kwoze

Filipenses 3:9

Cananga Jesucristuwan jucnayllanömi cawä. Manami laycunata cumlishäpitachu ni allicunata rurashäpitapischu Tayta Diosga alli ricaman. Chaypa ruquenga Jesucristuman yäracuptinchïmi Tayta Dios alli ricamanchi.

Salmos 132:9

Cüracunaga allillatana rurachun. Wiyacushojcunana cushicuypita gaparpächun.

Romanos 14:17

Tayta Diospa maquincho cawayga manami micunallanchïpächu ni upunallanchïpächu caycan, chaypa ruquenga allillata rurananchïpaj, pï-maywanpis alli cawananchïpaj y Espíritu Santu yanapämaptinchi cushisha cawananchïpämi.

Romanos 5:11

Chaypis manami chayllachu. Tayta Diosninchïwan alli cawananchïpämi Tayta Jesucristo camacächisha. Tayta Jesucristumi Tayta Dioswan amistachimashcanchi. Chaypitami payta alabaycanchi.

Salmos 132:16

Cürancunaga munashäno cumlishpan allita ruranga. Wiyacamajcunana cushicuypita gaparpanga.

Apocalipsis 21:2

Ricarä mushoj Jerusalén siudätapis Tayta Diospa ñaupanpita bäjaycämojta. Casarananpaj mushoj röpan jatisha jipashno cuyayllapaj caycaran.

Isaías 49:18

Masqui sumaj intërupa ricachacuy. Ricay, imanöshi Israelcunaga shuntacarcaycan. Nircorga gammanna cuticaycämun. Noga Tayta Diosmi jurar cayno në: Paycunaga llapanpis cangapaj cuestaj aläjacunata churacushayquinömi, casarananpaj jipash cuyayllapaj adurnucunata jaticushannömi.

Isaías 52:1

Sión, ricchayna ari. Sumaj callpachacuy. Rispitädu Jerusalén siudä, achicyaypa achicyaj caj röpayquitana jaticuy. Jäpa runacunawan ganra runacunaga pillyaj manami gamman yaycamongapänachu.

Gálatas 3:27

Gamcunaga bautisacurir Jesucristupa maquinchönami caycanqui. Chaymi paywanga jucnayllanöna caycanqui.

Lucas 15:22

«Chayno niptinpis papänenga uywaynincunata nisha: ‹Juclla mas alli caj röpata jorgaraycamur wamräta rucapay. Churaraycaj surtïjatawan llanguitapis jatipay.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Isaías 51:11

Tayta Dios salbar jorgamushan cajcunaga cutimongami. Cantashpanmi Sionman chayanga. Chaychöga imaycamapis cushishallami goyangapaj. Paycunapäga cushicuywan alli goyayllanami cangapaj. Nanaypis llaquicuypis manami canganachu.

2 Crónicas 6:41

«Tayta Dios, shamuy ari jamanayquipaj munayniyoj babulniqui caycashanman. Tayta Dios, sirbishoj cüracunaga salbacoj cashayquipita cushicuchun. Nishayquita rurajcunaga gam alli captiqui cushisha goyächun.

1 Pedro 1:8

Gamcunaga Jesucristuta mana ricasha caycarpis cuyaycanquimi. Canan mana ricarpis payllaman yäracurmi cawaycanqui. Chayno cushisha cawashayquega tantiyaytapis mana atipaypämi.

Romanos 13:14

Chaypa ruquenga Jesucristupa maquincho caway-llapa. Amana yarpachacuynachu shonguyqui munashanta ruranayquipäga.

Romanos 3:22

Pï captinpis Jesucristuman yäracuptenga Tayta Diosninchi perdunar salbanmi.

Habacuc 3:18

jinallami nogaga Tayta Diosta alabaycäshaj. Imapitapis salbamashanpitami cushicushpä Diosnëtaga alabashaj.

1 Samuel 2:1

Tayta Diosta alabar Ana niran: «Tayta Dios, yanapämashayquipita llapan shongöpami cushicö. Gammi shacyächimanqui. Llapanchöpis yanapämaptiquimi jamurpämajcunapis mana asipämanganachu. ¡Cushishami caycä!

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Filipenses 4:4

Jesucristupa maquincho cawaycarga cushicuy-llapa. Yapaypis nëmi «cushicuy-llapa».

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

Apocalipsis 21:9

Nircurnami ganchis anjil caycashanpita juc anjil nogaman shamuran. Chay ganchis anjilcunaga cada-ünun bäsucunacho chararaycaran ganchis castïgu chayamunanpaj cajta. Nogaman shamoj anjilmi nimaran: «Shamuy. Cashni uyshapa majan cananpaj cajta ricachishayqui.»

Salmos 28:7

Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.

Zacarías 10:7

Israel runacunaga suldärunömi canga. Fiyupa cushishami carcaycangapaj runa bïnuta upur caycashannöraj. Ricashpan wamrancunapis fiyupami cushiconga. ¡Yanapashäpitami cushicur alabamanga!

Jeremías 2:32

¿Jipash cashan wichan camaränanpaj ima-aycantapis churacushanta, jaticushanta warmi gongaycunmanchuraj? Acrashä runacunami ichanga ñaupatana gongaycamasha.

Nehemías 8:10

Esdrasga mastapis niran: «Aywar alli micuycunata micucarcäramuy. Bïnutapis mishquejta upuy. Micuyta mana charajcunatana garay. Canan junäga Tayta Diosta alabar cushicunanchi junajmi. Ama llaquicuychu. Cushicushun ari. Tayta Diosninchëga chapaycämanchïmi.»

Génesis 24:53

Nircur apashancunata jorguran achca castata goripita, guellaypita rurashata, chayno röpacunatapis. Chaycunata goycuran Rebecata. Jipashpa turintapis mamantapis bälej cösacunata goycuran.

Apocalipsis 4:4

Chay mandajpa jamacunan silluntanami tumaparaycaran ishcay chunca chuscu (24) silluncuna. Chay silluncunamannami yuraj röpasha mayur runacuna jamaycuran. Chay mayur runacunaga gori corönan jatishami caycaran.

Job 29:14

Nogaga pitapis mana suwapaypami, allita ruraj cä. Chayno alli ruraynëga röpata jatirajnöpis waran-waran ruranämi caran.

Salmos 35:9

Chauraga Tayta Dios yanapämashanpitami cushicushaj. Salbamashanpitami fiyupa cushicushaj.

Cantares 1:10

Cärayquega arëtiquicunawan cuyayllapaj achicyayparaj-achicyaycan. Cuncayquipis perlas wallgacunawan cuyayllapaj camaraycan.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 17:10

Chaynöga canga ima-aycapitapis salbashoj Tayta Diosta gongaycushayquipitami. Manami yarpashcanquichu Tayta Dioslla imapitapis chapäshoj cashanta. Gamga micuyniquicunatapis muruycanqui juc-lä nasyun runacunapa diosninta rispitashpayquimi.

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 41:16

Paycunaga wayra apacuptin illgashannömi ushacangapaj. Löcu wayra shamur wacpa-caypa machirishannömi illgangapaj. Chaynöpami Tayta Dios yanapäshushayquipita fiyupa cushicunquipaj. Santo Diosniquipäga fiyupa cushishami caycanquipaj.

Isaías 48:18

¡Mandamintöcunata wiyacuptiqui allimi canman caran! Chaura jauca goyashayquega mayu mana chaquiypa aywajnömi canman caran. Alli rurashayquipis canman caran lamarpa pullchajyaynin gatinayllanpa aywajnömi.

Isaías 49:4

Ichanga noga yarparä: «Yangallapämi arushcäpis. Manacajllachömi callpätapis ushashcä. Chayno carpis Tayta Diospa maquinchömi caycä. Arushäpita imano cutichimänanpäpis Tayta Diospa munayninchömi caycan» nir.

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 56:7

Nogami pushamushaj rispitädu jircäman. Nircurmi aduramänan wasëcho cushishata goyächishaj. Paycuna altarnëcho garamashanta, uywacunata rupachishanta chasquishämi. Wasëpäga llapan runapis ‹Tayta Diosta mañacuna wasi› nengami.»

Isaías 58:14

Chaycunata cumlerga cushisha allimi goyanquipaj. Noganami alliman churashayquipaj altunnin jircacunapa llapanta binsichir pushashpä. Unay awiluyqui Jacobta goycunäpaj aunishächönami alli goyächishayquipaj.» Quiquin Tayta Diosmi chayno nisha.

Isaías 65:18

Ruranäpaj caycajpäga imaycamapis fiyupa cushicuy-llapa. Mushoj Jerusalentami camashaj chaycho fiyupa cushicuy cananpaj.

Ezequiel 42:14

Ruri caj sawanman cüracuna yaycuycurnaga ruricho sirbir jatiraycashan röpata manaraj rucacorga mananami llojshimunmannachu jawa sawan pampaman. Chay ruricho sirbir jatirashan röpaga caycan fiyupa rispitädumi. Chaymi chay röpataga rucacunanraj runacuna caycashanman llojshinanpaj.»

Zacarías 3:5

Nircorga yanapajnincunata niran cüra jatiränan limyu turwantita Josuëta jatipänanpaj. Chaura Tayta Diospa anjilnin ricapaycaptillan paycunaga turwantita jatiparan. Limyu röpatapis jatiparan.